ជាតិ
Beckham ជួយនាំសារដ៏មានឥទ្ធិពលរបស់កុមារកម្ពុជាទៅកាន់មេដឹកនាំពិភពលោក
16, Sep 2015 , 6:59 pm
×![]()
ដោយ: រួបរួម
អង្គការយូនីសែហ្វ កាលពីថ្ងៃទី១៥ ខែកញ្ញា បានបង្ហោះឃ្លីបវីដេអូមួយដែលមានរយៈពេលជាង២នាទី ដោយរៀបរាប់ពីខ្លឹមសារលិខិតរបស់កុមារកម្ពុជាផ្ញើរទៅកាន់មេដឹកនាំពិភពលោក ដើម្បីទាមទារឲ្យបញ្ចប់អំពើហិង្សាលើកុមារ។ នៅក្នុងវីដេអូ យូនីសែហ្វ ក៏បានបង្ហាញផងដែរពីសកម្មភាពរបស់អតីតកីឡាករបាល់ទាត់ជម្រើសជាតិអង់គ្លេស David Beckham ដែលបានមកកាន់ប្រទេសកម្ពុជាកាលពីអំឡុងខែមិថុនា ដើម្បីស្វែងយល់ពីកុមារកម្ពុជា ក្នុងនាមលោកជាឯកអគ្គរដ្ឋទូតសុច្ឆន្ទៈរបស់យូនីសែហ្វ។
រៀងរាល់៥នាទី កុមារម្នាក់បានស្លាប់ដោយសារអំពើហឹង្សា និងរាប់លាននាក់ទៀតនៅលើពិភពលោក បានរងគ្រោះយ៉ាងធ្ងន់ធ្ងរ។ «ក្នុងនាមខ្ញុំជាពលរដ្ឋវ័យក្មេងរបស់ពិភពលោក ពួកយើងសូមស្នើឲ្យមេដឹកនាំកសាងពិភពលោកមួយប្រកបដោយសុវត្ថិភាពជាងមុនសម្រាប់កុមារគ្រប់រូប ជាពិសេសយើងសង្ឃឹមថា ស្លាកស្នាមទាំងអស់នៅលើកុមារ គឺជាស្លាកស្នាមចេញពីរបួស មកពីការលេងកំសាន្ត មិនមែនមកពីអំពើហិង្សាទេ»។ នេះជាសាររបស់កុមារកម្ពុជា ដែលតំណាងឲ្យកុមារលើពិភពលោក ផ្ញើរជូនមេដឹកនាំនៃប្រទេសនានា។
David Beckham បាននិយាយនៅក្នុងឃ្លីបវីដេអូថា មនុស្សទាំងអស់ត្រូវរួមគ្នាលុបបំបាត់អំពើហិង្សាលើកុមារ ពីព្រោះជីវិតរបស់កុមារទាំងអស់គឺអាស្រ័យទៅលើយើងទាំងអស់គ្នា។
សូមបញ្ជាក់ថា David Beckham បានធ្វើដំណើរមកកាន់ប្រទេសកម្ពុជាកាលពីអំឡុងខែមិថុនា ក្នុងគោលបំណងស្វែងយល់ពីការងាររបស់អង្គការយូនីសេហ្វ និងដៃគូ ដែលកំពុងជួយគាំទ្រដល់កុមាររងគ្រោះពីការរំលោភបំពានលើរាងកាយ ផ្លូវភេទ និងផ្លូវចិត្ត និងកំពុងការពារកុមារដែលងាយរងគ្រោះពីសំណាក់គ្រោះថ្នាក់ផ្សេងៗទៀត។
នៅដើមឆ្នាំនេះ គឺជាទិវាខួបលើកទី១០ របស់លោក ដេវីដ ប៊ែកខេម ដែលបានទទួលភារកិច្ចជាឯកអគ្គរាជទូតសុច្ឆន្ទៈអង្គការយូនីសេហ្វ ហើយរូបលោករួមទាំងអង្គការនេះបានបង្កើតនូវមូលនិធិមួយដែលមានឈ្មោះថា «លេខ៧ មូលនិធិដេវីដ ប៊ែកខេម និងយូនីសេហ្វ»(http://www.7.org) ដើម្បីជួយការពារកុមារពីគ្រោះថ្នាក់។ មូលនិធិនេះនឹងគាំទ្រដល់អង្គការយូនីសេហ្វ ឲ្យអនុវត្តនូវកម្មវិធីអភិវឌ្ឍន៍ជីវិតកុមារនៅទូទាំងពិភពលោក រួមទាំងកុមាររងគ្រោះដោយអំពើហិង្សានៅក្នុងប្រទេសកម្ពុជាផងដែរ។
David Beckham ធ្លាប់បានលេងឲ្យក្រុមជម្រើសជាតិអង់គ្លេសចំនួន១១៥ប្រកួតចាប់ពីឆ្នាំ១៩៩៦ ដល់ឆ្នាំ២០០៩ ហើយក៏ជាអតីតខ្សែប្រយុទ្ធឆ្នើមក្លិប Manchester United, Real Madrid, La Galaxy, AC Milan និង Paris Saint Germainផងដែរ៕
វីដេអូ៖
រៀងរាល់៥នាទី កុមារម្នាក់បានស្លាប់ដោយសារអំពើហឹង្សា និងរាប់លាននាក់ទៀតនៅលើពិភពលោក បានរងគ្រោះយ៉ាងធ្ងន់ធ្ងរ។ «ក្នុងនាមខ្ញុំជាពលរដ្ឋវ័យក្មេងរបស់ពិភពលោក ពួកយើងសូមស្នើឲ្យមេដឹកនាំកសាងពិភពលោកមួយប្រកបដោយសុវត្ថិភាពជាងមុនសម្រាប់កុមារគ្រប់រូប ជាពិសេសយើងសង្ឃឹមថា ស្លាកស្នាមទាំងអស់នៅលើកុមារ គឺជាស្លាកស្នាមចេញពីរបួស មកពីការលេងកំសាន្ត មិនមែនមកពីអំពើហិង្សាទេ»។ នេះជាសាររបស់កុមារកម្ពុជា ដែលតំណាងឲ្យកុមារលើពិភពលោក ផ្ញើរជូនមេដឹកនាំនៃប្រទេសនានា។
David Beckham បាននិយាយនៅក្នុងឃ្លីបវីដេអូថា មនុស្សទាំងអស់ត្រូវរួមគ្នាលុបបំបាត់អំពើហិង្សាលើកុមារ ពីព្រោះជីវិតរបស់កុមារទាំងអស់គឺអាស្រ័យទៅលើយើងទាំងអស់គ្នា។
សូមបញ្ជាក់ថា David Beckham បានធ្វើដំណើរមកកាន់ប្រទេសកម្ពុជាកាលពីអំឡុងខែមិថុនា ក្នុងគោលបំណងស្វែងយល់ពីការងាររបស់អង្គការយូនីសេហ្វ និងដៃគូ ដែលកំពុងជួយគាំទ្រដល់កុមាររងគ្រោះពីការរំលោភបំពានលើរាងកាយ ផ្លូវភេទ និងផ្លូវចិត្ត និងកំពុងការពារកុមារដែលងាយរងគ្រោះពីសំណាក់គ្រោះថ្នាក់ផ្សេងៗទៀត។
នៅដើមឆ្នាំនេះ គឺជាទិវាខួបលើកទី១០ របស់លោក ដេវីដ ប៊ែកខេម ដែលបានទទួលភារកិច្ចជាឯកអគ្គរាជទូតសុច្ឆន្ទៈអង្គការយូនីសេហ្វ ហើយរូបលោករួមទាំងអង្គការនេះបានបង្កើតនូវមូលនិធិមួយដែលមានឈ្មោះថា «លេខ៧ មូលនិធិដេវីដ ប៊ែកខេម និងយូនីសេហ្វ»(http://www.7.org) ដើម្បីជួយការពារកុមារពីគ្រោះថ្នាក់។ មូលនិធិនេះនឹងគាំទ្រដល់អង្គការយូនីសេហ្វ ឲ្យអនុវត្តនូវកម្មវិធីអភិវឌ្ឍន៍ជីវិតកុមារនៅទូទាំងពិភពលោក រួមទាំងកុមាររងគ្រោះដោយអំពើហិង្សានៅក្នុងប្រទេសកម្ពុជាផងដែរ។
David Beckham ធ្លាប់បានលេងឲ្យក្រុមជម្រើសជាតិអង់គ្លេសចំនួន១១៥ប្រកួតចាប់ពីឆ្នាំ១៩៩៦ ដល់ឆ្នាំ២០០៩ ហើយក៏ជាអតីតខ្សែប្រយុទ្ធឆ្នើមក្លិប Manchester United, Real Madrid, La Galaxy, AC Milan និង Paris Saint Germainផងដែរ៕
វីដេអូ៖
Tag:
លុបបំបាត់អំពើហិង្សាលើកុមារ
យូនីសែហ្វ
© រក្សាសិទ្ធិដោយ thmeythmey.com
