ជាតិ
សាលារាជធានីនឹងបិទផ្លូវមួយចំនួន ដើម្បីសម្រួលក្នុងពិធីដង្ហែអដ្ឋិធាតុ លោក ជា ស៊ីម
16, Sep 2015 , 8:19 pm
×![]()
ដោយ: ថ្មីៗ
សាលារាជធានីភ្នំពេញនឹងធ្វើការបិទផ្លូវមួយចំនួន ដើម្បីជួយសម្រួល និងបញ្ចៀសចរាចរណ៍ក្នុងពិធីដង្ហែអដ្ឋិធាតុ លោក ជា ស៊ីម អតីតប្រធានព្រឹទ្ធសភា នៅថ្ងៃទី១៨ ខែកញ្ញាខាងមុខនេះ។ នេះបើយោងតាមសេចក្តីជូនដំណឹងរបស់សាលារាជធានីភ្នំពេញ កាលពីថ្ងៃទី១៥ ខែកញ្ញា។
សេចក្តីជូនដំណឹងដដែលបានឲ្យដឹងថា ផ្លូវមួយចំនួនដែលត្រូវបិទនោះរួមមាន មហាវិថីព្រះនរោត្តម (ពីស្តុបក្រសួងមហាផ្ទៃរហូតដល់ស្តុបព្រះអង្គឌួង) ផ្លូវក្រមួនសរ មហាវិថីព្រះមុនីវង្ស ( ចាប់ពីស្តុប BKC រហូតដល់រហូតដល់មុខស្ថានទូតបារាំង) និងផ្លូវជាតិលេខ ៦A។ ក្រោយពីផុតរយៈពេលកំណត់ ផ្លូវទាំងនោះនឹងបើកឲ្យដំណើរការជាប្រក្រតីវិញ។
ពិធីដង្ហែអដ្ឋិធាតុ លោក ជា ស៊ីម នឹងត្រូវដង្ហែចេញពីភូមិគ្រឹះលេខ១២ ផ្លូវលេខ៤៦២ សង្កាត់ទន្លេបាសាក់ ខណ្ឌចំការមន តាមបណ្តោយមហាវិថីព្រះនរោត្តម នៅម៉ោង៧ព្រឹក ថ្ងៃទី១៨ ខែកញ្ញា។
គួររម្លឹកថា លោក ជា ស៊ីម អតីតប្រធានព្រឹទ្ធសភា និងជាអតីតប្រធានគណបក្សប្រជាជនកម្ពុជា បានទទួលមរណភាព កាលពីថ្ងៃទី ៨ ខែមិថុនា កន្លងទៅ ក្នុងអាយុ៨៣ឆ្នាំ ៕
ដោយ៖ សឿន វណ្ណដេត
សេចក្តីជូនដំណឹងដដែលបានឲ្យដឹងថា ផ្លូវមួយចំនួនដែលត្រូវបិទនោះរួមមាន មហាវិថីព្រះនរោត្តម (ពីស្តុបក្រសួងមហាផ្ទៃរហូតដល់ស្តុបព្រះអង្គឌួង) ផ្លូវក្រមួនសរ មហាវិថីព្រះមុនីវង្ស ( ចាប់ពីស្តុប BKC រហូតដល់រហូតដល់មុខស្ថានទូតបារាំង) និងផ្លូវជាតិលេខ ៦A។ ក្រោយពីផុតរយៈពេលកំណត់ ផ្លូវទាំងនោះនឹងបើកឲ្យដំណើរការជាប្រក្រតីវិញ។
ពិធីដង្ហែអដ្ឋិធាតុ លោក ជា ស៊ីម នឹងត្រូវដង្ហែចេញពីភូមិគ្រឹះលេខ១២ ផ្លូវលេខ៤៦២ សង្កាត់ទន្លេបាសាក់ ខណ្ឌចំការមន តាមបណ្តោយមហាវិថីព្រះនរោត្តម នៅម៉ោង៧ព្រឹក ថ្ងៃទី១៨ ខែកញ្ញា។
គួររម្លឹកថា លោក ជា ស៊ីម អតីតប្រធានព្រឹទ្ធសភា និងជាអតីតប្រធានគណបក្សប្រជាជនកម្ពុជា បានទទួលមរណភាព កាលពីថ្ងៃទី ៨ ខែមិថុនា កន្លងទៅ ក្នុងអាយុ៨៣ឆ្នាំ ៕
ដោយ៖ សឿន វណ្ណដេត
© រក្សាសិទ្ធិដោយ thmeythmey.com
