ជាតិ
ក្រុមហ៊ុន ៣ ទៀតនឹងទទួលបានសិទ្ធិបោះផ្សាយលក់មូលបត្រនៅកម្ពុជាចុងឆ្នាំ ២០១៥
16, Sep 2015 , 8:39 pm
×![]()
ក្រុមហ៊ុនចំនួន ៣ នឹងទទួលបានសិទ្ធិបោះផ្សាយនិងលក់មូលបត្ររបស់ខ្លួន នៅចុងឆ្នាំ ២០១៥ នេះ។ ក្រុមហ៊ុនទាំង ៣ នោះ មានក្រុមហ៊ុន កំពង់ផែស្វយ័តក្រុងភ្នំពេញ ក្រុមហ៊ុន TY Fashion និងក្រុមហ៊ុនតំបន់សេដ្ឋកិច្ចពិសេសក្រុងភ្នំពេញ។
មន្ត្រីជាន់ខ្ពស់នៃគណៈកម្មការមូលបត្រកម្ពុជា (SECC) បានប្រកាសថា នៅចុងឆ្នាំ ២០១៥ ខាងមុខនេះ ប្រទេសកម្ពុជា នឹងមានក្រុមហ៊ុនចំនួន ៣ ទៀត គឺក្រុមហ៊ុនកំពង់ផែស្វយ័តក្រុងភ្នំពេញ ក្រុមហ៊ុន TY Fashion ដែលជាក្រុមហ៊ុនផ្នែកសំលៀកបំពាក់ និងក្រុមហ៊ុនតំបន់សេដ្ឋកិច្ចពិសេសក្រុងភ្នំពេញ(PPSEZ) ទទួលបានសិទ្ធិបោះផ្សាយលក់មូលបត្រ។
លោក សុខ ដារ៉ា អគ្គនាយករងនៃគណកម្មការមូលបត្រកម្ពុជា បានថ្លែងថា ក្រុមហ៊ុនទាំង ៣ នេះ បានដាក់ពាក្យស្នើសុំជាផ្លូវការមកគណៈកម្មការមូលបត្រកម្ពុជារួចហើយ ដើម្បីសុំធ្វើការផ្សព្វផ្សាយ និងបោះលក់មូលបត្រជាសាធារណៈ។ លោក បញ្ជាក់ដូច្នេះថា៖« ជារួមចុងឆ្នាំហ្នឹង យើងរំពឹងថា នឹងមានក្រុមហ៊ុន ៣ ផ្សេងទៀត គាត់នឹងបោះផ្សាយលក់មូលបត្រជាសាធារណៈ....។ ឥឡូវកំពុងស្ថិតនៅក្នុងដំណាក់ការពិនិត្យ។ បើមិនបានទាំង ៣ យ៉ាងហោចណាស់ក៏បាន ២ ក្រុមហ៊ុនដែរនៅចុងឆ្នាំនេះ»។
ទីផ្សារមូលបត្ររបស់កម្ពុជា បានចាប់ផ្តើមដំណើរការនៅថ្ងៃទី ១៨ ខែ មេសា ឆ្នាំ ២០១២ ហើយនាពេលបច្ចុប្បន្នប្រទេសកម្ពុជាមានក្រុមហ៊ុនចំនួន ២ ដែលបោះផ្សាយ និងលក់មូលបត្រជាសាធារណៈ។ ក្រុមហ៊ុនទាំងពីរនោះ ទី ១ ក្រុមហ៊ុនរដ្ឋាករទឹកស្វយ័តក្រុងភ្នំពេញ ដែលដំណើរការនៅឆ្នាំ ២០១២ និងក្រុមហ៊ុន Grand Twins International ដែលទទួលបានសិទ្ធិបោះផ្សាយលក់មូលបត្រនៅឆ្នាំ ២០១។
បើតាម លោក សុខ ដារ៉ា នៅពេលដែលក្រុមហ៊ុនទាំង ៣ ខាងលើទទួលបានសិទ្ធិបោះផ្សាយ និងលក់មូលបត្រ នៅពេលខាងមុខ វាគឺជាសញ្ញាល្អមួយសម្រាប់ទីផ្សារមូលបត្រនៅក្នុងប្រទេសកម្ពុជា។ «បើមានតែ ២ ក្រុមហ៊ុន លក់មូលបត្រ យើងអត់មានជម្រើសទេ។ ធម្មតាម្នាក់ៗទិញឬលក់មូលបត្រ គាត់រំពឹងចំណេញ តែបើក្រុមហ៊ុនមួយមិនចំណេញ គាត់ទៅរកក្រុមហ៊ុនផ្សេងៗទៀតដែលអាចឲ្យគាត់ចំណេញ»។ នេះជាការបញ្ជាក់របស់លោកអគ្គនាយករងគណៈកម្មការមូលបត្រកម្ពុជា ដែលទទួលស្គាល់ថា ការជួញដូរមូលបត្រកម្ពុជានៅមានកម្រិត ដែលខុសពីប្រទេសក្នុងតំបន់អាស៊ានមួយចំនួន៕
មន្ត្រីជាន់ខ្ពស់នៃគណៈកម្មការមូលបត្រកម្ពុជា (SECC) បានប្រកាសថា នៅចុងឆ្នាំ ២០១៥ ខាងមុខនេះ ប្រទេសកម្ពុជា នឹងមានក្រុមហ៊ុនចំនួន ៣ ទៀត គឺក្រុមហ៊ុនកំពង់ផែស្វយ័តក្រុងភ្នំពេញ ក្រុមហ៊ុន TY Fashion ដែលជាក្រុមហ៊ុនផ្នែកសំលៀកបំពាក់ និងក្រុមហ៊ុនតំបន់សេដ្ឋកិច្ចពិសេសក្រុងភ្នំពេញ(PPSEZ) ទទួលបានសិទ្ធិបោះផ្សាយលក់មូលបត្រ។
លោក សុខ ដារ៉ា អគ្គនាយករងនៃគណកម្មការមូលបត្រកម្ពុជា បានថ្លែងថា ក្រុមហ៊ុនទាំង ៣ នេះ បានដាក់ពាក្យស្នើសុំជាផ្លូវការមកគណៈកម្មការមូលបត្រកម្ពុជារួចហើយ ដើម្បីសុំធ្វើការផ្សព្វផ្សាយ និងបោះលក់មូលបត្រជាសាធារណៈ។ លោក បញ្ជាក់ដូច្នេះថា៖« ជារួមចុងឆ្នាំហ្នឹង យើងរំពឹងថា នឹងមានក្រុមហ៊ុន ៣ ផ្សេងទៀត គាត់នឹងបោះផ្សាយលក់មូលបត្រជាសាធារណៈ....។ ឥឡូវកំពុងស្ថិតនៅក្នុងដំណាក់ការពិនិត្យ។ បើមិនបានទាំង ៣ យ៉ាងហោចណាស់ក៏បាន ២ ក្រុមហ៊ុនដែរនៅចុងឆ្នាំនេះ»។
ទីផ្សារមូលបត្ររបស់កម្ពុជា បានចាប់ផ្តើមដំណើរការនៅថ្ងៃទី ១៨ ខែ មេសា ឆ្នាំ ២០១២ ហើយនាពេលបច្ចុប្បន្នប្រទេសកម្ពុជាមានក្រុមហ៊ុនចំនួន ២ ដែលបោះផ្សាយ និងលក់មូលបត្រជាសាធារណៈ។ ក្រុមហ៊ុនទាំងពីរនោះ ទី ១ ក្រុមហ៊ុនរដ្ឋាករទឹកស្វយ័តក្រុងភ្នំពេញ ដែលដំណើរការនៅឆ្នាំ ២០១២ និងក្រុមហ៊ុន Grand Twins International ដែលទទួលបានសិទ្ធិបោះផ្សាយលក់មូលបត្រនៅឆ្នាំ ២០១។
បើតាម លោក សុខ ដារ៉ា នៅពេលដែលក្រុមហ៊ុនទាំង ៣ ខាងលើទទួលបានសិទ្ធិបោះផ្សាយ និងលក់មូលបត្រ នៅពេលខាងមុខ វាគឺជាសញ្ញាល្អមួយសម្រាប់ទីផ្សារមូលបត្រនៅក្នុងប្រទេសកម្ពុជា។ «បើមានតែ ២ ក្រុមហ៊ុន លក់មូលបត្រ យើងអត់មានជម្រើសទេ។ ធម្មតាម្នាក់ៗទិញឬលក់មូលបត្រ គាត់រំពឹងចំណេញ តែបើក្រុមហ៊ុនមួយមិនចំណេញ គាត់ទៅរកក្រុមហ៊ុនផ្សេងៗទៀតដែលអាចឲ្យគាត់ចំណេញ»។ នេះជាការបញ្ជាក់របស់លោកអគ្គនាយករងគណៈកម្មការមូលបត្រកម្ពុជា ដែលទទួលស្គាល់ថា ការជួញដូរមូលបត្រកម្ពុជានៅមានកម្រិត ដែលខុសពីប្រទេសក្នុងតំបន់អាស៊ានមួយចំនួន៕
Tag:
សេដ្ឋកិច្ច
មូលបត្រ
© រក្សាសិទ្ធិដោយ thmeythmey.com
