ជាតិ
តារាភាពយន្តហូលីវូដ Angelina Jolie ជួបនាយករដ្ឋមន្ត្រីពីការថតភាពយន្តខ្មែរក្រហម 21, Sep 2015 , 7:39 am
![](https://image.thmeythmey.com/pictures/2015/10/06/thumb2/stream_img.jpg)
×![]()
វ៉ាស៊ីនតោន៖ តារាភាពយន្តហូលីវូដដ៏ល្បីគឺលោកស្រី Angelina Jolie បានចូលជួបជាមួយនឹងលោកនាយករដ្ឋមន្ត្រី ហ៊ុន សែន កាលពីថ្ងៃព្រហស្បតិ៍នេះ ដើម្បីបញ្ជាក់ពីការថតខ្សែភាពយន្តស្តីពីរបបវាលពិឃាតខ្មែរក្រហមដែលបានសម្លាប់ពលរដ្ឋកម្ពុជាជិតពីរលាននាក់។
ខ្សែភាពយន្តដែលនឹងត្រូវផលិតនេះគឺផ្អែកតាមសៀវភៅរបស់នាង អ៊ឹង លឿង ដែលមានចំណងជើងជាភាសាខ្មែរថា «ពីដំបូងខ្មែរក្រហមសម្លាប់ប៉ារបស់ខ្ញុំ» ដែលរៀបរាប់ពីជីវិតឆ្លងកាត់របបខ្មែរក្រហម ហើយបានសរសេររៀបរាប់ពីការចងចាំរបស់ខ្លួន។
លោក អ៊ាង សុផល្លេត អ្នកនាំពាក្យរបស់លោកនាយករដ្ឋមន្ត្រី បានប្រាប់ក្រុមអ្នករាយការណ៍ព័ត៌មានថា លោក ហ៊ុន សែន សម្តែងការគាំទ្រដល់ការថតភាពយន្តនោះព្រោះវាជាការបង្ហាញដល់ពិភពលោកអំពីហេតុការណ៍ពិត ដែលបានកើតមានឡើងនៅក្នុងប្រទេសកម្ពុជា៕
សូមចុចទៅប្រភពដើម VOA ត្រង់នេះ
© រក្សាសិទ្ធិដោយ thmeythmey.com