ជាតិ
លោក ហោ ណាំហុង ចូលរួមក្នុងវេទិកាសេដ្ឋកិច្ចអាស៊ី-អ៊ឺរ៉ុប រយៈពេល៤ថ្ងៃ នៅប្រទេសចិន 20, Sep 2015 , 8:59 pm
![](https://image.thmeythmey.com/pictures/2015/09/20/thumb2/2092015182905ho_nam_hosng.jpg)
×![]()
លោក ហោ ណាំងហុង រដ្ឋមន្ត្រីការបរទេស និងសហប្រតិបត្តិការ នឹងដឹកនាំគណៈប្រតិភូ អញ្ជើញចូលរួម ក្នុងវេទិការសេដ្ឋកិច្ចអាស៊ី-អ៊ឺរ៉ុបលើកទី៦ នៅសាធារណរដ្ឋប្រជាមានិតចិន ចាប់ពីថ្ងៃទី២៣ ដល់ថ្ងៃទី២៦ ខែកញ្ញា ឆ្នាំពី២០១៥ ។ នេះបើតាមសេចក្តីជូនព័ត៌មាន របស់នាយកដ្ឋានព័ត៌មាន នៃក្រសួងការបរទេស និងសហប្រតិបត្តិការ ចុះថ្ងៃទី១៩ ខែកញ្ញា ម្សិលមិញ។
ការចូលរួម របស់ លោក ហោ ណាំហុង ក្នុងវេទិកាសេដ្ឋកិច្ចអាស៊ី-អ៊ឺរ៉ុបលើកទី៦នេះ គឺធ្វើឡើងតាមការអញ្ជើញរបស់លោក លូ ឈុនជាន អភិបាលខេត្តសានស៊ី និងលោក ដុង ជុន អគ្គលេខាធិការ នៃវេទិកាសេដ្ឋកិច្ចអាស៊ី-អ៊ឺរ៉ុប និងជាអភិបាលក្រុងស៊ីអាន នៃសាធារណរដ្ឋប្រជាមានិតចិន។
វេទិកានេះ បានក្លាយជាវេទិកាដ៏សំខាន់មួយ សម្រាប់បណ្តាប្រទេសអាស៊ី-អ៊ឺរ៉ុប ក្នុងការលើកកម្ពស់ការយោគយល់គ្នា ពង្រីកកិច្ចសហប្រតិបត្តិការ ដើម្បីផលប្រយោជន៍ដល់គ្នាទៅវិញទៅមក៕
© រក្សាសិទ្ធិដោយ thmeythmey.com