ជាតិ
នយោបាយជាតិ
លោក ហ៊ុន សែន ព្រមានបំបាក់ក្រុមអ្នកបំផ្លាញ ដែលជ្រកក្រោមស្លាកប្រជាធិបតេយ្យ
21, Sep 2015 , 12:52 pm
×![]()
ក្នុងបរិបទនៃការចូលរួមក្នុងទិវាសន្តិភាពអន្តរជាតិលើកទី១៣ នៅថ្ងៃទី២១កញ្ញានេះ ប្រមុខរដ្ឋាភិបាលកម្ពុជា លោក ហ៊ុន សែន បានមានឱកាសប្រកាសជំហរកំចាត់ក្រុមមនុស្សណាដែលមានបំណងបំផ្លាញស្ថិរភាពរបស់កម្ពុជា ក្រោមស្លាក ប្រជាធិបតេយ្យ និងសិទ្ធិមនុស្ស។ ចំពោះលោក ហ៊ុន សែន កម្ពុជាបានចូលរួមចំណែកយ៉ាងច្រើនក្នុងការកសាងសន្តិភាពពិភពលោក។
បើសិនជាមានក្រុមមនុស្សណាដែលប្រើប្រាស់ស្លាក ប្រជាធិបតេយ្យ និងសិទ្ធិមនុស្សដើម្បីគ្រាន់តែកេងចំណេញប្រយោជន៍នយោបាយរបស់ខ្លួននោះ ពួកគេនឹងត្រូវព្រនង់របស់លោកនាយករដ្ឋមន្ត្រី ហ៊ុន សែន។ លោក ហ៊ុន សែន បានព្រលយសារព្រមាននេះនៅក្នុងសារលិខិតរបស់លោកក្នុងឱកាសទិវាសន្តិភាពអន្តរជាតិលើកទី១៣នេះ។ ទិវាសន្តិភាពអន្តរជាតិ គឺជាសេចក្តីសម្រេចចិត្តរបស់មហាសន្និបាតអង្គការសហប្រជាជាតិលើកទី៥៥ ក្នុងឆ្នាំ២០០១ ដែលមានបំណងអប់រំ និងលើកកម្ពស់ការយល់ដឹងជាសាធារណៈអំពីអត្ថន័យ និងតម្លៃនៃសន្តិភាព និងការចូលរួមកាត់បន្ថយ និងបញ្ឈប់រាល់ជម្លោះដោយអាវុធ និងសង្គ្រាមនៅគ្រប់ទីកន្លែងក្នុងពិភពលោក។ ដូច្នេះលោក ហ៊ុន សែន ទំនងជាចង់បង្ហាញជំហររបស់លោកក្នុងនាមប្រមុខរដ្ឋាភិបាលកម្ពុជា ដើម្បីឆ្លើយតបនឹងបំណងរបស់អង្គការសហប្រជាជាតិ។
នៅក្នុងសារលិខិតជាភាសាខ្មែរកម្រាស់៣ទំព័រ លោក ហ៊ុន សែន បានសរេសរយ៉ាងច្បាស់ៗយ៉ាងដូច្នេះ៖«រាជរដ្ឋាភិបាលកម្ពុជាក៏មានការប្តេជ្ញាខ្ពស់ផងដែរ ក្នុងការវាយបំបាក់ និងទប់ស្កាត់រាល់សកម្មភាព និងល្បិចកលក្រោមផ្លាក «លទ្ធិប្រជាធិបតេយ្យ និងសិទ្ធិមនុស្ស» បម្រើផលប្រយោជន៍នយោបាយរបស់បុគ្គល ឬក្រុមមនុស្សមួយក្តាប់តូច»។
មុនមកដល់ចំនុចព្រមាននេះ លោកនាយករដ្ឋមន្ត្រីកម្ពុជាក៏បានរៀបរាប់អំពីសមិទ្ធផល និងស្នាដៃជាច្រើន រាប់ចាប់តាំងពីការរម្លត់អង្គការចាត់តាំងរបស់ក្រុមឧទ្ទាមខ្មែរក្រហមក្នុងឆ្នាំ១៩៩៨ រហូតដល់ការរក្សាកំណើនសេដ្ឋកិច្ច និងការបញ្ជូនកងយោធពលខេមរភូមិន្ទចំនួនជាង៣០០០នាក់ជាកងរក្សាសន្តិភាពមួកខៀវរបស់អង្គការសហប្រជាជាតិក្នុងទ្វីបអាហ្វ្រិកទៀតផង ដើម្បីបង្ហាញឆន្ទៈរបស់លោកក្នុងការងារចូលរួមរក្សាសន្តិភាព។
ដូច្នេះនៅក្នុងសេចក្តីថ្លែងការណ៍ដដែល លោកនាយករដ្ឋមន្ត្រីកម្ពុជា ក៏មិនបានភ្លេចលើកឡើង នូវវប្បធម៌សន្ទនា ដែលលោកបានផ្តួចផ្តើមគំនិតជាមួយប្រធានគណបក្សប្រឆាំងនៃគណបក្សសង្គ្រោះជាតិនោះដែរ។ បើទោះជា ប្រជាជនខ្មែរបានមើលឃើញពីដំណើរដ៏រកាំរកូសនៃវប្បធម៌សន្ទនានេះ ហើយដែលលោកនាយករដ្ឋមន្ត្រីបានគំរាមរំលាយចោលមួយដងជាពីរដងនោះ នៅក្នុងសារលិខិតរបស់លោក ហ៊ុន សែន បានពន្យល់អំពីគោលបំណងនៃការបង្កើត«វប្បធម៌សន្ទនា»ជាមួយគណបក្សប្រឆាំង ដើម្បីដោះស្រាយបញ្ហារបស់កម្ពុជាដោយសន្តិវិធី ដោយភាពស្មោះត្រង់៕
បើសិនជាមានក្រុមមនុស្សណាដែលប្រើប្រាស់ស្លាក ប្រជាធិបតេយ្យ និងសិទ្ធិមនុស្សដើម្បីគ្រាន់តែកេងចំណេញប្រយោជន៍នយោបាយរបស់ខ្លួននោះ ពួកគេនឹងត្រូវព្រនង់របស់លោកនាយករដ្ឋមន្ត្រី ហ៊ុន សែន។ លោក ហ៊ុន សែន បានព្រលយសារព្រមាននេះនៅក្នុងសារលិខិតរបស់លោកក្នុងឱកាសទិវាសន្តិភាពអន្តរជាតិលើកទី១៣នេះ។ ទិវាសន្តិភាពអន្តរជាតិ គឺជាសេចក្តីសម្រេចចិត្តរបស់មហាសន្និបាតអង្គការសហប្រជាជាតិលើកទី៥៥ ក្នុងឆ្នាំ២០០១ ដែលមានបំណងអប់រំ និងលើកកម្ពស់ការយល់ដឹងជាសាធារណៈអំពីអត្ថន័យ និងតម្លៃនៃសន្តិភាព និងការចូលរួមកាត់បន្ថយ និងបញ្ឈប់រាល់ជម្លោះដោយអាវុធ និងសង្គ្រាមនៅគ្រប់ទីកន្លែងក្នុងពិភពលោក។ ដូច្នេះលោក ហ៊ុន សែន ទំនងជាចង់បង្ហាញជំហររបស់លោកក្នុងនាមប្រមុខរដ្ឋាភិបាលកម្ពុជា ដើម្បីឆ្លើយតបនឹងបំណងរបស់អង្គការសហប្រជាជាតិ។
នៅក្នុងសារលិខិតជាភាសាខ្មែរកម្រាស់៣ទំព័រ លោក ហ៊ុន សែន បានសរេសរយ៉ាងច្បាស់ៗយ៉ាងដូច្នេះ៖«រាជរដ្ឋាភិបាលកម្ពុជាក៏មានការប្តេជ្ញាខ្ពស់ផងដែរ ក្នុងការវាយបំបាក់ និងទប់ស្កាត់រាល់សកម្មភាព និងល្បិចកលក្រោមផ្លាក «លទ្ធិប្រជាធិបតេយ្យ និងសិទ្ធិមនុស្ស» បម្រើផលប្រយោជន៍នយោបាយរបស់បុគ្គល ឬក្រុមមនុស្សមួយក្តាប់តូច»។
មុនមកដល់ចំនុចព្រមាននេះ លោកនាយករដ្ឋមន្ត្រីកម្ពុជាក៏បានរៀបរាប់អំពីសមិទ្ធផល និងស្នាដៃជាច្រើន រាប់ចាប់តាំងពីការរម្លត់អង្គការចាត់តាំងរបស់ក្រុមឧទ្ទាមខ្មែរក្រហមក្នុងឆ្នាំ១៩៩៨ រហូតដល់ការរក្សាកំណើនសេដ្ឋកិច្ច និងការបញ្ជូនកងយោធពលខេមរភូមិន្ទចំនួនជាង៣០០០នាក់ជាកងរក្សាសន្តិភាពមួកខៀវរបស់អង្គការសហប្រជាជាតិក្នុងទ្វីបអាហ្វ្រិកទៀតផង ដើម្បីបង្ហាញឆន្ទៈរបស់លោកក្នុងការងារចូលរួមរក្សាសន្តិភាព។
ដូច្នេះនៅក្នុងសេចក្តីថ្លែងការណ៍ដដែល លោកនាយករដ្ឋមន្ត្រីកម្ពុជា ក៏មិនបានភ្លេចលើកឡើង នូវវប្បធម៌សន្ទនា ដែលលោកបានផ្តួចផ្តើមគំនិតជាមួយប្រធានគណបក្សប្រឆាំងនៃគណបក្សសង្គ្រោះជាតិនោះដែរ។ បើទោះជា ប្រជាជនខ្មែរបានមើលឃើញពីដំណើរដ៏រកាំរកូសនៃវប្បធម៌សន្ទនានេះ ហើយដែលលោកនាយករដ្ឋមន្ត្រីបានគំរាមរំលាយចោលមួយដងជាពីរដងនោះ នៅក្នុងសារលិខិតរបស់លោក ហ៊ុន សែន បានពន្យល់អំពីគោលបំណងនៃការបង្កើត«វប្បធម៌សន្ទនា»ជាមួយគណបក្សប្រឆាំង ដើម្បីដោះស្រាយបញ្ហារបស់កម្ពុជាដោយសន្តិវិធី ដោយភាពស្មោះត្រង់៕
Tag:
ហ៊ុន សែន
សន្តិភាព
© រក្សាសិទ្ធិដោយ thmeythmey.com
