ពីនេះ ពីនោះ
សួន Marjorie McNeely Conservatory នៅរដ្ឋមិនីសូតា មានរុក្ខជាតិ និងផ្កាដ៏ទាក់ទាញ
21, Sep 2015 , 4:41 pm
×![]()
រដ្ឋមិនីសូតា-សហរដ្ឋអាមេរិក៖ សួនអភិរក្ស The Marjorie McNeely Conservatory ដែលស្ថិតក្នុងបរិវេណ Como Park Zoo & Consevatory ក្នុងទីក្រុង Saint Paul រដ្ឋមិនីសូតា សហរដ្ឋអាមេរិក បានប្រារព្ធខួប១០០ឆ្នាំរបស់ខ្លួននៅក្នុងឆ្នាំ២០១៥នេះ។ The Marjorie McNeely Conservatory ដែលបានបើកសម្ពោធកាលពីឆ្នាំ១៩១៥ ក្លាយជាគោលដៅទេសចរណ៍យ៉ាងសំខាន់មួយសម្រាប់អ្នកស្រឡាញ់រុក្ខជាតិដ៏ស្រស់បំពង។
សួនអភិរក្សរុក្ខជាតិ និងផ្កា The Marjorie McNeely Conservatory គ្របដណ្តប់ដោយផ្ទាំងកញ្ចក់ និងមានច្រកចេញចូលយ៉ាងធំទូលាយ។ ការបង្កើតសួនជាអាគារកញ្ចក់នេះឡើង គឺដើម្បីបង្កើតការចងចាំ និងផ្តល់សារសំខាន់ដល់ធម្មជាតិពិភពលោក។
សួននេះត្រូវបានចុះបញ្ជីជាទីកន្លែងប្រវត្តិសាស្ត្រក្នុងឆ្នាំ១៩៧៤ ហើយកាលពីឆ្នាំ២០០២ ក្រុមគ្រួសារមួយដែលមានឈ្មោះថា Marjorie McNeely បានផ្តល់វិភាគទាន៧លានដុល្លារអាមេរិកដើម្បីទ្រទ្រង់ដល់ដំណើរការសួន ហើយការផ្តល់នេះគឺដើម្បីឧទ្ទិសដល់ស្ត្រីម្នាក់ដែលបានចំណាយពេលវេលាក្នុងថែទាំសួន។ នៅឆ្នាំដដែល សួនដែលមានឈ្មោះដើមថា Como Park Conservatory ត្រូវប្តូរឈ្មោះទៅជា The Marjorie McNeely Conservatory។
The Marjorie McNeely Conservatory បើកស្វាគមន៍ភ្ញៀវទេសចរជារៀងរាល់ថ្ងៃ ដោយមិនគិតប្រាក់កម្រៃនោះឡើយ ប៉ុន្តែអ្នកទស្សនាក៏អាចបង់វិភាគទានតាមសទ្ធាជ្រះថ្លារបស់ខ្លួនផងដែរ។ យោងតាមរបាយការណ៍ រុក្ខជាតិមានជាង៤០០០០ដើម និងជាង៣០០០ប្រភេទផ្សេងៗគ្នា ដែលមានប្រភពមកពីប្រទេសនានានៅគ្រប់ទ្វីប។ បន្ថែមពីលើនេះ ផ្កាចម្រុះពណ៌មានរហូតដល់ទៅប្រមាណ៣៣០០០ប្រភេទ និងមានលក្ខណៈប្លែកៗគ្នាទៅតាមរដូវកាល។
សួនអភិរក្សរុក្ខជាតិ និងផ្កា The Marjorie McNeely Conservatory គ្របដណ្តប់ដោយផ្ទាំងកញ្ចក់ និងមានច្រកចេញចូលយ៉ាងធំទូលាយ។ ការបង្កើតសួនជាអាគារកញ្ចក់នេះឡើង គឺដើម្បីបង្កើតការចងចាំ និងផ្តល់សារសំខាន់ដល់ធម្មជាតិពិភពលោក។
សួននេះត្រូវបានចុះបញ្ជីជាទីកន្លែងប្រវត្តិសាស្ត្រក្នុងឆ្នាំ១៩៧៤ ហើយកាលពីឆ្នាំ២០០២ ក្រុមគ្រួសារមួយដែលមានឈ្មោះថា Marjorie McNeely បានផ្តល់វិភាគទាន៧លានដុល្លារអាមេរិកដើម្បីទ្រទ្រង់ដល់ដំណើរការសួន ហើយការផ្តល់នេះគឺដើម្បីឧទ្ទិសដល់ស្ត្រីម្នាក់ដែលបានចំណាយពេលវេលាក្នុងថែទាំសួន។ នៅឆ្នាំដដែល សួនដែលមានឈ្មោះដើមថា Como Park Conservatory ត្រូវប្តូរឈ្មោះទៅជា The Marjorie McNeely Conservatory។
The Marjorie McNeely Conservatory បើកស្វាគមន៍ភ្ញៀវទេសចរជារៀងរាល់ថ្ងៃ ដោយមិនគិតប្រាក់កម្រៃនោះឡើយ ប៉ុន្តែអ្នកទស្សនាក៏អាចបង់វិភាគទានតាមសទ្ធាជ្រះថ្លារបស់ខ្លួនផងដែរ។ យោងតាមរបាយការណ៍ រុក្ខជាតិមានជាង៤០០០០ដើម និងជាង៣០០០ប្រភេទផ្សេងៗគ្នា ដែលមានប្រភពមកពីប្រទេសនានានៅគ្រប់ទ្វីប។ បន្ថែមពីលើនេះ ផ្កាចម្រុះពណ៌មានរហូតដល់ទៅប្រមាណ៣៣០០០ប្រភេទ និងមានលក្ខណៈប្លែកៗគ្នាទៅតាមរដូវកាល។
Tag:
ចំរើន-សហរដ្ឋអាមេរិក
© រក្សាសិទ្ធិដោយ thmeythmey.com
