ជាតិ
ACC ប្រកាសជ្រើសរើសមន្ត្រីវាយតម្លៃគុណភាពអប់រំគ្រឹះស្ថានឧត្តមសិក្សានៅកម្ពុជា 22, Sep 2015 , 8:19 am
![](https://image.thmeythmey.com/pictures/2015/09/21/thumb2/acc.png)
×![]()
ភ្នំពេញ៖
អគ្គលេខាធិការដ្ឋាននៃគណៈកម្មាធិការទទួលស្គាល់គុណភាពអប់រំនៃកម្ពុជា (The Accreditation Committee of Cambodia) ប្រកាសជ្រើសរើសមន្ត្រីវាយតម្លៃគុណភាពអប់រំគ្រឹះ ស្ថានឧត្តមសិក្សាទាំងខ្មែរ និងបរទេស ដើម្បីចូលរួមក្នុងដំណើរការវាយតម្លៃទទួលស្គាល់គុណភាពអប់រំឧត្តមសិក្សានៅក្នុងព្រះរាជាណាចក្រកម្ពុជា។
លក្ខខណ្ឌជ្រើសរើស បេក្ខជនទាំងពីរភេទ ដែលមានសញ្ជាតិខ្មែរ ឬបរទេស ត្រូវមានលក្ខណៈ សម្បត្តិដូចខាងក្រោម៖
- បេក្ខជនត្រូវមានសញ្ញាបត្រចាប់ពីថ្នាក់បរិញ្ញាបត្រជាន់ខ្ពស់ឡើងទៅ
- មានបទពិសោធន៍ការងារយ៉ាងតិច ១០ឆ្នាំ ក្នុងការបង្រៀននៅឧត្តមសិក្សា កិច្ចការសិក្សាធិការ ការធានាគុណភាពអប់រំ ការទទួលស្គាល់គុណភាពអប់រំ ការរៀបចំគោល នយោបាយ និងការគ្រប់គ្រងស្ថាប័ន
- មានបទពិសោធន៍ក្នុងការស្រាវជ្រាវ រួមមាន ការសរសេរនិក្ខេបបទ ការត្រួតពិនិត្យ និងវាយ តម្លៃគម្រោងផ្សេងៗ ស្នាដៃស្រាវជ្រាវដែលបោះពុម្ពផ្សាយមានការទទួលស្គាល់ជាលក្ខណៈ ជាតិ ឬអន្តរជាតិ
- មានសីលធម៌ល្អ ការទទួលខុសត្រូវខ្ពស់លើការងារ ការបេ្តជ្ញាចិត្ត ជំនាញអន្តរបុគ្គល ជំនាញ ទំនាក់ទំនង និងអាចធ្វើការជាក្រុម
- ចំពោះបេក្ខជនទាំងពីរភេទ ដែលជាជនបរទេស ត្រួវមានទិដ្ឋាការស្នាក់នៅកម្ពុជា ដែលមាន សុពលភាព យ៉ាងតិចមួយឆ្នាំ ដោយគិតក្នុងឆ្នាំសម្ភាជ្រើសរើស និងមានបំណងបន្តទិដ្ឋាការ ស្នាក់នៅកម្ពុជា សម្រាប់ឆ្នាំបន្ទាប់ និងចេះភាសាអង់គ្លេសកម្រិតមធ្យម និងជំនាញកុំព្យូទ័រ Word Processing or/and SPPSS ។
ប្រសិនបើលោក លោកស្រីមានចំណាប់អារម្មណ៍ សូមផ្ញើលិខិតបង្ហាញចំណាប់អារម្មណ៍ ប្រវត្តិរូបសង្ខេប និងលិខិតបញ្ជាក់ពីអង្គភាពការងារ មកអគ្គលេខាធិការដ្ឋាននៃ គណៈកម្មាធិការទទួលស្គាល់គុណភាពអប់រំនៃកម្ពុជា តាមរយៈអ៊ីម៉ែល
[email protected] ឬទំនាក់ទំនងផ្ទាល់នៅអគារលេខ ២០១ មហាវិថីព្រះនរោត្តម សង្កាត់បឹងកេងកង១ ខណ្ឌចំកាមន រាជធានីភ្នំពេញ។ កាលបរិច្ឋេទឈប់ទទួលពាក្យ ថ្ងៃទី៣០ ខែតុលា ឆ្នាំ២០១៥។
សម្រាប់ព័ត៌មានបន្ថែម សូមធ្វើការទំនាក់ទំនង តាមរយៈទូរសព្ទលេខ ០១៧ ៣៣៨ ៨៩៦ ឬ ០១២ ៥៧៦ ៨៧៩ ៕
© រក្សាសិទ្ធិដោយ thmeythmey.com