ជាតិ
លោក ហោ ណាំហុង ថ្លែងសុន្ទរកថានៅអង្គការសហប្រជាជាតិនាចុងសប្តាហ៍នេះ 22, Sep 2015 , 2:35 pm
× លោក ហោ ណាំហុង នឹងថ្លែងសុន្ទរកថានៅក្នុងកិច្ចពិភាក្សាទូទៅនៃសម័យប្រជុំលើកទី៧០ របស់មហាសន្និបាតអង្គការសហប្រជាជាតិ នៅចុងសប្តាហ៍នេះ ក្នុងឱកាសដែលលោកចូលរួមក្នុងកិច្ចប្រជុំកំពូលអង្គការសហប្រជាជាតិដើម្បីអនុម័តរបៀបវារៈអភិវឌ្ឍន៍ក្រោយឆ្នាំ២០១៥ ។ កិច្ចប្រជុំកំពូលនេះ នឹងត្រូវប្រព្រឹត្តទៅនៅទីក្រុងញូយ៉កពីថ្ងៃទី២៥ ដល់ថ្ងៃទី២៧កញ្ញានេះ។
កម្មវិធីរបស់លោក ហោ ណាំហុង ត្រូវបានផ្សាយឲ្យដឹងដោយសេចក្តីប្រកាសព័ត៌មាននៃ ក្រសួងការបរទេសកម្ពុជាដែលបញ្ជាក់បន្ថែមថា លោក ហោ ណាំហុង ក៏នឹងចូលរួមកិច្ចប្រជុំកំ ពូលប្រមុខដឹកនាំស្តីពីការរក្សាសន្តិភាពផងដែរ។
លោករដ្ឋមន្ត្រីនឹងចូលរួមកិច្ចប្រជុំចំនួន៤ផ្សេងទៀត គឺកិច្ចប្រជុំក្រៅផ្លូវការថ្នាក់រដ្ឋមន្ត្រីអាស៊ាន កិច្ចប្រជុំរដ្ឋមន្ត្រីការបរទេស ជាមួយអគ្គលេខាធិការអង្គការសហប្រជាជាតិ និងប្រធានមហាសន្និបាតអង្គការសហប្រជាជាតិលើកទី៧០ កិច្ចប្រជុំក្រៅផ្លូវការថ្នាក់រដ្ឋមន្ត្រីអាស៊ាន-អាមេរិក និងកិច្ចប្រជុំលើកទី២ថ្នាក់រដ្ឋមន្ត្រីអាស៊ាន-សម្ព័ន្ធមិត្តប៉ាស៊ីហ្វិក។
ក្រៅពីនោះ ក៏មានជំនួបផ្សេងទៀតដែរ តាមការស្នើរបស់រដ្ឋមន្ត្រីការបរទេសអូស្ត្រាលី ប៉ូឡូញ ហ្សកហ្ស៊ី ស៊ុយអ៊ែត កូរ៉េខាងត្បូង និងទីប្រឹក្សាក្រសួងការបរទេសអាមេរិក៕
Tag:
ហោ ណាំហុង
អង្គការសហប្រជាតិ
© រក្សាសិទ្ធិដោយ thmeythmey.com