ជាតិ
សាលារាជធានីគ្រោងសង់ស្ពានអាកាស៣ និងផ្លូវក្រោមដី១ទៀត 22, Sep 2015 , 4:22 pm
![Sky Bridge (ហ្វេកប៊ុកសាលារាជធានីភ្នំពេញ)](https://image.thmeythmey.com/pictures/2015/09/22/thumb2/sky_bridge__________________________________________________________________________________________.jpg)
Sky Bridge (ហ្វេកប៊ុកសាលារាជធានីភ្នំពេញ)
×![]()
សាលារាជធានីភ្នំពេញ នឹងសាងសង់ស្ពានអាកាសចំនួន៣ និងផ្លូវក្រោមដីក្បាលថ្នល់មួយ បន្ថែមទៀត ដែលមានស្តង់ដារបច្ចេកទេស និងអាចបញ្ចប់ការកក់ស្ទះចរាចរណ៍ នៅតំបន់នោះ។
ការសម្រេចនេះ គឺធ្វើឡើងនៅក្នុងកិច្ចប្រជុំរវាងលោក ប៉ា សុជាតិវង្ស អភិបាលរាជធានីភ្នំពេញ និងក្រុមអ្នកជំនាញ នៅថ្ងៃទី២២ខែកញ្ញានេះ ដើម្បីឆ្លងគម្រោងសាងសង់បន្ថែមស្ពានអាកាស និងផ្លូវក្រោមដីក្បាលថ្នល់។
លោក ឡុង ឌីម៉ង់ អ្នកនាំពាក្យសាលារាជធានីភ្នំពេញ បានថ្លែងប្រាប់សារព័ត៌មានថ្មីៗថា ស្ពានអាកាសថ្មី និងផ្លូវក្រោមដីក្បាលថ្នល់មួយទៀតនេះ នឹងត្រូវសង់ភ្ជាប់ជាមួយគម្រោងប្លង់ស្ពានអាកាសដែលមានស្រាប់។
តែយ៉ាងណាក៏ដោយ លោកនៅមិនទាន់អាចបញ្ជាក់ថា តើគម្រោងនេះ នឹងចាប់ផ្តើមនៅពេលណានៅឡើយ ដោយគ្រាន់តែបញ្ជាក់ គម្រោងនេះ ស្ថិតនៅក្នុងដំណាក់សិក្សាលើផ្នែកបច្ចេកទេស និងត្រូវដោះស្រាយផលប៉ះពាល់ពីគម្រោងនេះជាមុនសិន៕
Tag:
ស្ពានអាកាស
ក្បាលថ្នល់
© រក្សាសិទ្ធិដោយ thmeythmey.com