ជាតិ
សុខភាព
កាំក្រុងត្រូលណែនាំឲ្យប្រុងប្រយ័ត្ននំសូកូឡាដែលសង្ស័យថាមានបាក់តេរី 22, Sep 2015 , 8:04 pm
![](https://image.thmeythmey.com/pictures/2015/09/22/thumb2/khe.jpg)
×![]()
អគ្គនាយកដ្ឋានកាំក្រុងត្រូលនៃក្រសួងពាណិជ្ជកម្ម កាលពីថ្ងៃទី១៨ ខែកញ្ញា បានចេញសេចក្តីជូនដំណឹងមួយដល់សាធារណជន ពាណិជ្ជករ អាជីវករ ឲ្យមានការប្រុងប្រយ័ត្នចំពោះផលិតនំសូកូឡា «Atkins Engulge Chocolate Break Wafers» របស់ក្រុមហ៊ុន Atkins International BV បន្ទាប់ពីមានការសង្ស័យអំពីលទ្ធភាពនៃការចម្លងចូលបាក់ងតេរី Salmonella ។
សេចក្តីជូនដំណឹងនេះ ធ្វើឡើង បន្ទាប់ពីទីភ្នាក់ងារស្តង់ដារផលិតផលម្ហូបអាហារនៃចក្រភព កាលពីខែសីហា កន្លងមក បានផ្សព្វផ្សាយពីព័ត៌មានដែលថា ក្រុមហ៊ុន Atkins International BV បានស្ម័គ្រចិត្តប្រមូលផលិតសូកូឡារបស់ខ្លួនវិញ ហើយថែមទាំងធ្វើការហាមឃាត់ការលក់ដូរ និងការបរិភោគ។
ជាមួយគ្នានេះ ផងដែរ អគ្គនាយកដ្ឋានកុងត្រូលកម្ពុជា បានស្នើឲ្យមានកិច្ចសហការផ្តល់ព័ត៌មានក្នុងករណីដែលពលរដ្ឋបានជួបប្រទះ។ «ចំពោះពាណិជ្ជករនាំចូល អាជីវករលក់ដុំ លក់រាយសូមមេត្តាកុំនាំចូល កុំចែកចាយ បោះដុំ ឬលក់រាយ...»។ នេះជាការអំពាវនាវរបស់ស្ថាប័នជំនាញកម្ពុជា៕
© រក្សាសិទ្ធិដោយ thmeythmey.com