ជាតិ
ឯកអគ្គរដ្ឋទូតអាមេរិកថ្មី នឹងធ្វើដំណើរជុំវិញប្រទេសកម្ពុជា
25, Sep 2015 , 8:19 pm
×![]()
ដោយ: ខន ចំប៉ា
យុវជនអាមេរិក ៦៤នាក់នៃក្រុមទី៩ នៃក្រុមធ្វើការងារស្ម័គ្រចិត្ត Peace Corps បានចូលរួមធ្វើពិធីសច្ចាប្រណិធានចូលបំពេញការងារស្ម័គ្រចិត្តរបស់ពួកគេនៅតាមភូមិឃុំក្នុងប្រទេសកម្ពុជា ។ ពិធីនេះត្រូវបានរៀបចំនៅក្នុងស្ថានទូតសហរដ្ឋអាមេរិក នៅថ្ងៃទី២៥ខែកញ្ញានេះ។ វត្តមាននៃឯកអគ្គរដ្ឋទូតថ្មី លោក William A. Heidt ដែលទើបមកដល់ប្រទេសកម្ពុជាកាលពីថ្ងៃទីសៅរ៍ទី១៩កញ្ញា។
ពួកគេនឹងត្រូវទៅធ្វើការនៅក្នុងខេត្តចំនួន១៤ នៅជុំវិញប្រទេសកម្ពុជា រួមមានខេត្តបាត់ដំបង កំពង់ចាម ត្បូងឃ្មុំ កំពត ព្រៃវែង សៀមរាប ស្វាយរៀង តាកែវ ពោធិ៍សាត់ កំពង់ធំ កំពង់ស្ពឺ បន្ទាយមានជ័យ កោះកុង និងខេត្តកំពង់ឆ្នាំង។
លោក William A. Heidt ឯកអគ្គរដ្ឋទូតអាមេរិកថ្មីប្រចាំកម្ពុជា ដែលមានវត្តមាននៅក្នុងពិធីនេះ បានមានប្រសាសន៍ថា អង្គការ Peace Corps តំណាងឲ្យការផ្សារភ្ជាប់គ្នាយ៉ាងល្អប្រសើររវាងប្រជាជនកម្ពុជា និងអាមេរិក។
លោកឯកអគ្គរដ្ឋទូតអាមេរិកថ្មីដែលមានភរិយាជាជនជាតិខ្មែរបន្ថែមថា «ខ្ញុំនឹងធ្វើដំណើរជុំវិញប្រទេសកម្ពុជាដើម្បីបានស្គាល់អ្នកស្ម័គ្រចិត្តមួយចំនួន ក៏ដូចជាសហគមន៍ដែលពួកគេកំពុងស្នាក់នៅបំពេញការងារ»។
អ្នកស្ម័គ្រចិត្ត Peace Corps ត្រូវរស់នៅ និងធ្វើការនៅតាមសហគមន៍ជនបទលើគម្រោង បច្ចេកទេសចំនួន ២ គឺគម្រោងបង្រៀនភាសាអង់គ្លេស និងបណ្តុះបណ្តាលគ្រូ និងគម្រោងលើកកម្ពស់សុខភាពតាមសហគមន៍។ អ្នកទាំងនោះក៏នឹងធ្វើការផងដែរក្នុងគម្រោងនានាក្នុងសហគមន៍ជាមួយសមភាគីកម្ពុជារបស់ពួកគេ ដូចជាសកម្មភាពទាក់ទងនឹងការអប់រំបរិស្ថាន សិល្បៈ កីឡា សុវត្ថិភាពចរាចរណ៍ និងការអភិវឌ្ឍភាពជាអ្នកដឹកនាំក្នុងចំណោមយុវជន។
បច្ចុប្បន្នមានអ្នកស្ម័គ្រចិត្ត Peace Corps ចំនួន១០៧នាក់ដែលមកបំពេញការងារនៅកម្ពុជា ក្នុងមាន៤៤នាក់ ដែលកំពុងបំពេញការងារ និង៦៣នាក់ ដែលទើបបញ្ចប់វគ្គរៀនសូត្រ និងត្រៀមចុះទៅបំពេញការងារនៅបណ្តាខេត្តនានានៅប្រទេសកម្ពុជា។ គិតចាប់ពីឆ្នាំ២០០៧មក ទីភ្នាក់ងារ Peace Corps មានអ្នកស្ម័គ្រចិត្តចំនួន៤៦៥នាក់ ដែលបានធ្វើការនៅតាមខេត្តចំនួន១៧ខេត្ត នៅទូទាំងប្រទេសកម្ពុជា៕
ពួកគេនឹងត្រូវទៅធ្វើការនៅក្នុងខេត្តចំនួន១៤ នៅជុំវិញប្រទេសកម្ពុជា រួមមានខេត្តបាត់ដំបង កំពង់ចាម ត្បូងឃ្មុំ កំពត ព្រៃវែង សៀមរាប ស្វាយរៀង តាកែវ ពោធិ៍សាត់ កំពង់ធំ កំពង់ស្ពឺ បន្ទាយមានជ័យ កោះកុង និងខេត្តកំពង់ឆ្នាំង។
លោក William A. Heidt ឯកអគ្គរដ្ឋទូតអាមេរិកថ្មីប្រចាំកម្ពុជា ដែលមានវត្តមាននៅក្នុងពិធីនេះ បានមានប្រសាសន៍ថា អង្គការ Peace Corps តំណាងឲ្យការផ្សារភ្ជាប់គ្នាយ៉ាងល្អប្រសើររវាងប្រជាជនកម្ពុជា និងអាមេរិក។
លោកឯកអគ្គរដ្ឋទូតអាមេរិកថ្មីដែលមានភរិយាជាជនជាតិខ្មែរបន្ថែមថា «ខ្ញុំនឹងធ្វើដំណើរជុំវិញប្រទេសកម្ពុជាដើម្បីបានស្គាល់អ្នកស្ម័គ្រចិត្តមួយចំនួន ក៏ដូចជាសហគមន៍ដែលពួកគេកំពុងស្នាក់នៅបំពេញការងារ»។
អ្នកស្ម័គ្រចិត្ត Peace Corps ត្រូវរស់នៅ និងធ្វើការនៅតាមសហគមន៍ជនបទលើគម្រោង បច្ចេកទេសចំនួន ២ គឺគម្រោងបង្រៀនភាសាអង់គ្លេស និងបណ្តុះបណ្តាលគ្រូ និងគម្រោងលើកកម្ពស់សុខភាពតាមសហគមន៍។ អ្នកទាំងនោះក៏នឹងធ្វើការផងដែរក្នុងគម្រោងនានាក្នុងសហគមន៍ជាមួយសមភាគីកម្ពុជារបស់ពួកគេ ដូចជាសកម្មភាពទាក់ទងនឹងការអប់រំបរិស្ថាន សិល្បៈ កីឡា សុវត្ថិភាពចរាចរណ៍ និងការអភិវឌ្ឍភាពជាអ្នកដឹកនាំក្នុងចំណោមយុវជន។
បច្ចុប្បន្នមានអ្នកស្ម័គ្រចិត្ត Peace Corps ចំនួន១០៧នាក់ដែលមកបំពេញការងារនៅកម្ពុជា ក្នុងមាន៤៤នាក់ ដែលកំពុងបំពេញការងារ និង៦៣នាក់ ដែលទើបបញ្ចប់វគ្គរៀនសូត្រ និងត្រៀមចុះទៅបំពេញការងារនៅបណ្តាខេត្តនានានៅប្រទេសកម្ពុជា។ គិតចាប់ពីឆ្នាំ២០០៧មក ទីភ្នាក់ងារ Peace Corps មានអ្នកស្ម័គ្រចិត្តចំនួន៤៦៥នាក់ ដែលបានធ្វើការនៅតាមខេត្តចំនួន១៧ខេត្ត នៅទូទាំងប្រទេសកម្ពុជា៕
Tag:
Peace Corps
ស្ថានទូតអាមេរិក
© រក្សាសិទ្ធិដោយ thmeythmey.com
