ជាតិ
EU៖ សមភាពយេនឌ័រ ជាតម្លៃស្នូលរបស់សហភាពអឺរ៉ុប
25, Sep 2015 , 5:09 pm
×![]()
ដោយ: ខន ចំប៉ា
សហភាពអឺរ៉ុប និងការិយាល័យទទួលបន្ទុកកិច្ចការបរទេស បានអនុម័តទទួលយកក្របខណ្ឌថ្មីមួយសម្រាប់សកម្មភារបស់សហភាពអឺរ៉ុប លើសមភាពយេនឌ័រ និងការផ្តល់អំណាចដល់ស្ត្រី ក្នុងទំនាក់ទំនងកិច្ចការបរទេសសហភាពអឺរ៉ុប។ ក្របខណ្ឌថ្មីដែលនឹងត្រូវអនុវត្តន៍សម្រាប់៥ឆ្នាំ គឺ២០១៦-២០២០នេះ។
ក្របខណ្ឌថ្មីដែលបានសម្រេចអនុម័តកាលពីដើមសប្តាហ៍នេះ នឹងគាំទ្រដល់ប្រទេសជាដៃគូ ជាពិសេសប្រទេសកំពុងអភិវឌ្ឍន៍ និងប្រទេសជិតខាងដទៃទៀត ឲ្យសម្រេចបាននូវលទ្ធផលជាក់ស្តែង ឆ្ពោះទៅសមភាពយេនឌឺ ដែលជាតម្លៃស្នូលរបស់សហភាពអឺរ៉ុប ក៏ដូចជាសម្រេចបាននូវគោលដៅអភិវឌ្ឍន៍ថ្មីដែលមានស្ថេរភាព(SDGs) ដែលនឹងអនុម័តជាផ្លូវការនៅក្នុងសប្តាហ៍នេះ។
លោកស្រី Federica Mogherini ដែលជាអនុប្រធានគណៈកម្មាធិការអឺរ៉ុប និងជាតំណាងជាន់ខ្ពស់របស់សហភាពអឺរ៉ុបសម្រាប់គោលនយោបាយការបរទេស និងសន្តិសុខ បានមានប្រសាសន៍ថា៖«សម្រាប់ក្របខណ្ឌដែលទើបអនុម័តនេះ សហភាពអឺរ៉ុប នឹងខិតខំធ្វើការដើម្បីសមភាពយេនឌឺ ជាមួយគ្រប់ស្ថាប័នកិច្ចការបរទេសទាំងអស់។ អ្នកស្រីបន្តថា៖«សិទ្ធិស្រី្ត និងសិទ្ធិមនុស្សគឺតែមួយ។ យើងចង់ផ្តល់ឲ្យដៃគូរបស់យើង ជាមួយនឹងការគាំទ្រដែលមានប្រសិទ្ធភាពដែលពួកគេត្រូវការ ដើម្បីប្រឆាំងនឹងការប្រើប្រាស់អំពើហិង្សាលើស្ត្រី និងកុមារី និងផ្តល់អំណាចដល់ពួកគេ។ ស្ត្រីដែលជាអ្នកចូលរួមយ៉ាងសកម្មភាពនៅក្នុងសកម្មភាពនយោបាយ សង្គម»។
សេចក្តីប្រកាសព័ត៌មានពីទីស្នាក់ការកណ្តាលសហភាពអឺរ៉ុបបានឲ្យដឹងទៀតថា ក្របខណ្ឌថ្មីដែលនឹងចាប់ផ្តើមអនុវត្តន៍នៅឆ្នាំ២០១៦នេះ នឹងកសាងសមិទ្ធិផលបន្ថែមទៀត បន្ថែមពីអ្វីដែលសម្រេចបាន និងបានមកពីការអនុវត្តផែនការសកម្មភាពយេនឌ័រក្នុងការអភិវឌ្ឍនៅឆ្នាំ២០១០-២០១៥ ។ ទឹកប្រាក់ប្រមាណ១០០លានអឺរ៉ូ ត្រូវបានផ្តល់រួចទៅហើយ សម្រាប់គោលដៅដែលបានកំណត់ដ៏ជាក់លាក់មួយ ក្នុងការកែលម្អសិទ្ធិស្ត្រី និងកុមារី ខណៈពេលដែលពួកគេ នឹងមានអនុភាពទៅលើកត្តាផ្សេងទៀត ដែលពាក់ព័ន្ធនឹងការអភិវឌ្ឍ៕
ក្របខណ្ឌថ្មីដែលបានសម្រេចអនុម័តកាលពីដើមសប្តាហ៍នេះ នឹងគាំទ្រដល់ប្រទេសជាដៃគូ ជាពិសេសប្រទេសកំពុងអភិវឌ្ឍន៍ និងប្រទេសជិតខាងដទៃទៀត ឲ្យសម្រេចបាននូវលទ្ធផលជាក់ស្តែង ឆ្ពោះទៅសមភាពយេនឌឺ ដែលជាតម្លៃស្នូលរបស់សហភាពអឺរ៉ុប ក៏ដូចជាសម្រេចបាននូវគោលដៅអភិវឌ្ឍន៍ថ្មីដែលមានស្ថេរភាព(SDGs) ដែលនឹងអនុម័តជាផ្លូវការនៅក្នុងសប្តាហ៍នេះ។
លោកស្រី Federica Mogherini ដែលជាអនុប្រធានគណៈកម្មាធិការអឺរ៉ុប និងជាតំណាងជាន់ខ្ពស់របស់សហភាពអឺរ៉ុបសម្រាប់គោលនយោបាយការបរទេស និងសន្តិសុខ បានមានប្រសាសន៍ថា៖«សម្រាប់ក្របខណ្ឌដែលទើបអនុម័តនេះ សហភាពអឺរ៉ុប នឹងខិតខំធ្វើការដើម្បីសមភាពយេនឌឺ ជាមួយគ្រប់ស្ថាប័នកិច្ចការបរទេសទាំងអស់។ អ្នកស្រីបន្តថា៖«សិទ្ធិស្រី្ត និងសិទ្ធិមនុស្សគឺតែមួយ។ យើងចង់ផ្តល់ឲ្យដៃគូរបស់យើង ជាមួយនឹងការគាំទ្រដែលមានប្រសិទ្ធភាពដែលពួកគេត្រូវការ ដើម្បីប្រឆាំងនឹងការប្រើប្រាស់អំពើហិង្សាលើស្ត្រី និងកុមារី និងផ្តល់អំណាចដល់ពួកគេ។ ស្ត្រីដែលជាអ្នកចូលរួមយ៉ាងសកម្មភាពនៅក្នុងសកម្មភាពនយោបាយ សង្គម»។
សេចក្តីប្រកាសព័ត៌មានពីទីស្នាក់ការកណ្តាលសហភាពអឺរ៉ុបបានឲ្យដឹងទៀតថា ក្របខណ្ឌថ្មីដែលនឹងចាប់ផ្តើមអនុវត្តន៍នៅឆ្នាំ២០១៦នេះ នឹងកសាងសមិទ្ធិផលបន្ថែមទៀត បន្ថែមពីអ្វីដែលសម្រេចបាន និងបានមកពីការអនុវត្តផែនការសកម្មភាពយេនឌ័រក្នុងការអភិវឌ្ឍនៅឆ្នាំ២០១០-២០១៥ ។ ទឹកប្រាក់ប្រមាណ១០០លានអឺរ៉ូ ត្រូវបានផ្តល់រួចទៅហើយ សម្រាប់គោលដៅដែលបានកំណត់ដ៏ជាក់លាក់មួយ ក្នុងការកែលម្អសិទ្ធិស្ត្រី និងកុមារី ខណៈពេលដែលពួកគេ នឹងមានអនុភាពទៅលើកត្តាផ្សេងទៀត ដែលពាក់ព័ន្ធនឹងការអភិវឌ្ឍ៕
Tag:
សហភាពអឺរ៉ុប
យេនឌឺ
© រក្សាសិទ្ធិដោយ thmeythmey.com
