ជាតិ
រូបត្លុក
មន្ត្រីមួយចំនួននៃប្រទេសរំដួល៖ «បើចង់បានសុខត្រូវចេះចិញ្ចឹមមេ!» 26, Sep 2015 , 1:25 pm
×
ភ្នំពេញ៖បើចង់បានសុខ ត្រូវចេះចិញ្ចឹមមេ។ មន្ត្រីរដ្ឋាភិបាលនៃប្រទេសរំដូលមួយចំនួនដែលមានចំណេះ និងជំនាញខ្ពស់ ភាគច្រើន បានចាកចេញទៅបម្រើការងារឲ្យបណ្តាអង្គការអន្តរជាតិនានា ទទួលប្រាក់ខែខ្ពស់ ឬក៏ទទួលយកជាគម្រោងផ្សេងៗ ដែលមានតម្លៃខ្ពស់ៗ ក្នុងនាមជាមន្ត្រីនៃស្ថានប័នក្នុងជូររដ្ឋាភិបាលផង និងជាឯកជនផង។ មន្ត្រីខ្លះ ពីរ-បីខែ ចូលទៅអើតមើលតុ កៅអីក្នុងបន្ទប់ការិយាល័យម្តង ឬក៏បង្ហាញវត្តមានតែក្នុងពេលទៅបើកប្រាក់ខែប៉ុណ្ណោះ ចំណាយពេលយ៉ាងយូរកន្លះម៉ោង ក៏ចាកចេញបាត់ទៅ។ អ្វីជាការគួរឲ្យចាប់អារម្មណ៍នោះគឺ ពួកគេនៅតែមានឈ្មោះក្នុងបញ្ជីបើកប្រាក់ខែមន្ត្រីរាជការជាប្រចាំដដែល បើទោះបីមិនដែលចូលធ្វើការរាប់ខែ ឆ្នាំក៏ដោយចុះ សំខាន់ឲ្យតែគេចេះសម្របសម្រួលជាមួយថ្នាក់លើ ផ្តល់លាភសក្ការៈប្រចាំខែ ឬអាចហៅម្យ៉ាងទៀតថា ចេះចិញ្ចឹមមេ ជាការស្រេច។ តើក្នុងមួយឆ្នាំៗ រដ្ឋាភិបាលនៃប្រទេសរំដួលខាតបង់ប្រាក់ ដែលបានមកពីប្រជាជនបង់ពន្ធ ទៅលើមន្ត្រីបើកប្រាក់ខែ មិនធ្វើការអស់ប៉ុន្មាន?
© រក្សាសិទ្ធិដោយ thmeythmey.com