ជាតិ
ទូរទស្សន៍ PNN នឹងផ្សាយបន្តផ្ទាល់សុន្ទរកថាលោក ហ៊ុន សែន ពីទីក្រុង New York
26, Sep 2015 , 4:19 pm
រូបថត៖ ទំព័រហ្វេសប៊ុន Samdech Hun Sen, Cambodia Prime minister
×![]()
ដោយ: លីម តុលា
ភ្នំពេញ៖ មេដឹកនាំពិភពលោក បាននិងកំពុងថ្លែងសុន្ទរកថាជាបន្តបន្ទាប់នៅក្នុងកិច្ចប្រជុំកំពូល UN ស្តីពីរបៀបវារៈនៃការអភិវឌ្ឍន៍ក្រោយឆ្នាំ ២០១៥ ។ ក្នុងចំណោមេដឹកនាំពិភពលោកទាំងនោះ នាយករដ្ឋមន្ត្រីនៃប្រទេសកម្ពុជា គឺលោក ហ៊ុន សែន ក៏នឹងថ្លែងសុន្ទរកថាទៅកាន់កិច្ចប្រជុំកំពូល UN ដែរ។ 
គេនៅមិនទាន់ដឹងនៅឡើយទេថា តើលោកនាយករដ្ឋមន្ត្រីនៃប្រទេសកម្ពុជានឹងឡើងថ្លែងសារអ្វីពិតប្រាកដនោះទេ។ តែអ្វីដែលគេអាចដឹងបាននៅពេលនេះ គឺថា ប្រមុខនៃរាជរដ្ឋាភិបាលកម្ពុជានឹងអញ្ជើញឡើងថ្លែងសារទៅកាន់កិច្ចប្រជុំកំពូល UN នៅវេលាម៉ោង១២ និង៣០នាទី, ម៉ោងនៅទីក្រុង New York, សហរដ្ឋអាមេរិក នៅថ្ងៃទី២៦ខែកញ្ញាឆ្នាំ២០១៥នេះ ។ «សុន្ទរកថារបស់លោក ហ៊ុន សែន នឹងត្រូវផ្សាយបន្តផ្ទាល់ដោយទូរទស្សន៍ PNN» ។ នេះបើយោងតាមការបញ្ជាក់របស់លោក ប៉ែន បូណា និពន្ធនាយកព័ត៌មាននៃទូរទស្សន៍ PNN។ ម៉ោងផ្សាយបន្តផ្ទាល់នៃសុន្ទរកថាលោក ហ៊ុន សែន តាមរយៈទូរទស្សន៍ PNN គឺក្នុងអំឡុងអធ្រាត ពោលគឺក្នុងអំឡុងម៉ោង១២យប់, ម៉ោងនៅក្នុងប្រទេសកម្ពុជា៕
Tag:
នយោបាយ
UN
© រក្សាសិទ្ធិដោយ thmeythmey.com
