កីឡាអន្តរជាតិ
អន្តរជាតិ
Raul វីរបុរសរបស់ Real Madrid ប្រកាសចូលនិវត្តន៍ខែក្រោយនេះ 16, Oct 2015 , 11:08 am
×
វីរបុរសរបស់Real Madrid និង ជម្រើសជាតិអេស្ប៉ាញ កីឡាករ Raul Gonzalez បានប្រកាសចូលនិវត្តន៍បន្ទាប់ពីបញ្ចប់រដូវកាលនាខែក្រោយនេះជាមួយក្រុម New York Cosmos របស់អាមេរិក។
ខ្សែប្រយុទ្ធសញ្ជាតិអេស្ប៉ាញវ័យ៣៨ឆ្នាំរូបនេះ បានទៅចូលរួមជាមួយក្រុម New York Cosmos នៃក្រមខណ្ឌ Major League Soccer កាលពីខែធ្នូឆ្នាំមុនបន្ទាប់ពីចាកចេញពីក្លិបយក្ស Real Madrid ទៅកាន់ Schalke និង Al-Sadd Sports Club របស់ប្រទេសកាតា។
ក្រោយប្រកាសពីគំរោងចូលនិវត្តន៍ Raul បានបន្ថែមថា«ខ្ញុំសម្រេចចិត្តចូលនិវត្តន៍ពីកីឡាពេលបញ្ចប់រដូវកាលនេះ។ ប៉ុន្តែខ្ញុំចង់ជួយឲ្យ New York Cosmos បានពាននៅរដូវកាលនេះសិន»។
សូមបញ្ជាក់ថា Raul បានលេងឲ្យ Real Madrid ១៦រដូវកាលដោយឈ្នះពាន La Liga ៦ដង Champions League ៣ដង និង Spanish Super Cups ៦ដង។ ហើយកីឡាកររូបនេះរកគ្រាប់បាល់ឲ្យក្រុមជម្រើសជាតិ៤៤គ្រាប់ ក្នុងការបង្ហាញខ្លនទាំង១០២ប្រកួតផងដែរ។
© រក្សាសិទ្ធិដោយ thmeythmey.com