ជាតិ
សង្គមជាតិ
ក្រសួងអប់រំ៖ករណីមិនប្រក្រតីនៅខេត្តបាត់ដំបង ជាការក្លែងបន្លំឯកសារ 07, Dec 2015 , 2:56 pm
![](https://image.thmeythmey.com/pictures/2015/12/07/thumb2/7122015145742battambang.jpg)
×![]()
ក្រសួងអប់រំ យុវជន និងកីឡា បានចេញសេចក្តីប្រកាសព័ត៌មានមួយនៅថ្ងៃទី៦ខែ ធ្នូ បំភ្លឺករណីដែលថាមន្ត្រីមន្ទីរអប់រំខេត្តបាត់ដំបង លួចធ្វើលិខិតបញ្ជាក់ការសិក្សាឲ្យសិស្សធ្លាក់បាក់ឌុប ជាថ្នូនឹងប្រាក់៦៥០ដុល្លារអាមេរិក។
តាមរយៈលទ្ធផលនៃការពិនិត្យ និងការស្រាវជ្រាវរបស់ក្រសួង ករណីនេះមិនមែនជាការទទួលប្រាក់ របស់មន្ត្រីនៃមន្ទីរអប់រំ យុវជន និងកីឡាខេត្តបាត់ដំបង បានប្រព្រឹត្តិជាថ្នូរនឹងការក្លែងបន្លំ«វិញ្ញាបនបត្របណ្តោះអាសន្នមធ្យមសិក្សាទុតិយភូមិ»នោះឡើយ។
លោក រស់ សាលីន អ្នកនាំពាក្យក្រសួងអប់រំ យុវជន និងកីឡា បានថ្លែងប្រាប់សារព័ត៌មានថ្មីៗនៅថ្ងៃទី៧ខែធ្នូនេះថា ជាករណីករណីក្លែងបន្លំឯកសារ។ លោកថា៖«ក្រោយការស្រាវជ្រាវ ក្រសួងបានសន្និដ្ឋានថា ជាការក្លែងបន្លំឯកសារដើម្បីទម្លាក់កំហុសទៅលើនរណាម្នាក់ ឬជាចេតនាដើម្បីបង្ខូចឈ្មោះស្ថាប័ន។ លោក អ្នកនាំពាក្យរូបនេះ បានបញ្ជាក់ទៀតថា ទាំងសាមីជន និងប្រធានមន្ទីរអប់រំខេត្តបាត់ដំបងមិនជាប់ពាក់ព័ន្ធនោះឡើយ។ ក្រសួងក៏នឹងបន្តស្រាវជ្រាវករណីនេះ ដើម្បីស្វែងរកអ្នកដែលរៀបចំឯកសារក្លែងក្លាយនេះដែរ៕
© រក្សាសិទ្ធិដោយ thmeythmey.com