ជាតិ
សង្គមជាតិ
កម្ពុជា-កូរ៉េចុះMOU ស្តីពីការអភិវឌ្ឍមាតិកាសិក្សាតាមអេឡិចត្រូនិក 17, Dec 2015 , 7:19 pm
![](https://image.thmeythmey.com/pictures/2015/12/17/thumb2/moeys.jpg)
×![]()
កម្ពុជា និងសាធារណរដ្ឋកូរ៉េ នៅថ្ងៃទី១៧ខែធ្នូ បានចុះអនុស្សារណៈយោគយល់ស្តីពីកិច្ចសហប្រតិបត្តិការភាពជាដៃគូក្នុងការអភិវឌ្ឍមាតិកាសិក្សាតាមអេឡិចត្រូនិក(e-learning content service)។ ពិធីចុះហត្ថលេខានេះ ត្រូវបានធ្វើឡើងក្រោមវត្តមានលោក ហង្ស ជួនណារ៉ុន រដ្ឋមន្ត្រីក្រសួងអប់រំយុវជន និងកីឡា និងលោក Kim Tae Kyung ប្រធានមជ្ឈមណ្ឌលកូរ៉េ សហ្វវែរ អេច អ ឌី នៅទីស្តីការក្រសួងអប់រំ។
បើតាមសេចក្តី ប្រកាសព័ត៌មានរបស់ក្រសួងអប់រំ នៅថ្ងៃទី ១៧ខែធ្នូ អនុស្សារណៈយោគយល់នេះ ផ្តោតសំខាន់លើការលើកកម្ពស់ការអប់រំនៅ កម្ពុជា តាមរយៈកម្មវិធីសិក្សាតាមអេឡិចត្រូនិក(e-learning) ការចែករំលែកធនធានអប់រំឌីជីថល រវាងគេហទំព័រ Khmer Academy(khmeracademy.org) និងមជ្ឈមណ្ឌលធនធានអេឡិចត្រូនិកក្រសួងអប់រំ យុវជន និងកីឡា(Krou.moeys.c=gov.kh) និងពង្រីកបន្ថែមនូវធនធានE-learning និងសកម្មភាពផ្សេងៗដែលអាចជួយឲ្យគុណភាពអប់រំនៅកម្ពុជាកាន់តែប្រសើរ។
កិច្ចសហប្រតិបត្តិការនេះមានរយៈពេល៥ឆ្នាំ ដោយនឹងធ្វើការងារលើកគម្រោងចំនួន៣ រួមមានទី១ គម្រោងនេះនឹងធ្វើការផលិតវីដេអូបង្រៀនមុខវិជ្ជាផ្សេងៗទៀតគ្រប់កម្រិតសិក្សា ក៏ដូចជាការជួយជ្រោមជ្រែងក្នុងការបណ្តុះ បណ្តាលមន្ត្រីអប់រំ លើវិស័យព័ត៌មានវិទ្យា ពិសេសការផលិតធនធានអប់រំឌីជីថល។ ទី២ ការចូលរួមរបស់គ្រឹះស្ថានអប់រំសាធារណៈគ្រប់កម្រិតសិក្សា ក្នុងការប្រើប្រាស់គេហទំព័រ Khmer Academy និង Open Education Resource។ និងទី៣ ការចូលរួមចំណែកបង្កើតឲ្យមានវិញ្ញាបនបត្រជំនាញឯកទេស ថ្នាក់ជាតិតាមរយៈការសិក្សាលើបណ្តាញដោយខ្លួនឯង Massive Open Online Course (MOOC)៕
© រក្សាសិទ្ធិដោយ thmeythmey.com