អន្តរជាតិ
ហ្វីលីពីន៖ ផែនការពង្រឹងអំណាចយោធាប្រឆាំងចិនចប់ក្រោយអាណត្តិលោក Aquino
23, Dec 2015 , 6:00 pm
×![]()
ក្នុងខួបលើកទី៨០នៃការបង្កើតកងទ័ពហ្វីលីពីន ប្រធានាធិបតីជិតផុតអាណត្តិលោក Benigno Aquinoបានបញ្ជាក់ជាថ្មីពីគម្រោងទំនើបកម្មយោធាហ្វីលីពីនរយៈពេលប្រាំឆ្នាំ ដោយរដ្ឋអាស៊ានមួយនេះនឹងចំណាយលុយ ក្នុងទំហំ ១.៨ពាន់លានដុល្លារអាមេរិកគិតដល់ឆ្នាំ ២០១៧ ខាងមុខ។ គោលនយោបាយយោធានេះ ផ្តោតលើការគាំទ្រនិងពង្រឹងសមត្ថភាពយោធាដើម្បីឆ្លើយតបបញ្ហាសន្តិសុខក្រៅប្រទេស ព្រោះហ្វីលីពីនត្រូវគេចាត់ទុកជាប្រទេសដែលមានវិស័យយោធាខ្សោយបំផុតមួយក្នុងតំបន់។ ហើយជម្លោះនៅសមុទ្រចិនខាងត្បូងជាមួយមហាយក្សចិន បង្ខំរដ្ឋាភិបាលហ្វីលីពីនឲ្យប្រវេប្រវាពង្រឹងសមត្ថភាពយោធាឲ្យខ្លាំង។
សូមស្តាប់ការបកស្រាយរបស់លោក សៅ ផលនិស្ស័យ៖
តាំងពីឡើងកាន់តំណែងឆ្នាំ ២០១០ រហូតដល់បច្ចុប្បន្ន លោក Benigno Aquino ខ្នះខ្នែងជំរុញការកសាងសមត្ថភាពយោធារបស់ហ្វីលីពីន។ គោលនយោបាយទំនើបកម្មយោធាសំខាន់បំផុតគឺផ្តោតលើការផ្លាស់ប្តូរសមត្ថភាពកងទ័ពហ្វីលីពីន ពីកម្រិតទប់ទល់ចលនាបះបោរក្នុងស្រុក ទៅដល់ការប្រឆាំងការគំរាមកំហែងពីខាងក្រៅ។ ផែនការបង្កើនសមត្ថភាពយោធាហ្វីលីពីនដែលមានរយៈពេលប្រាំឆ្នាំនេះ ត្រូវបានដាក់ចេញដើម្បីទប់ទល់មហាអំណាចចិនដែលជាភាគីជម្លោះសមុទ្រចិនខាងត្បូង។
ក្នុងខួបលើក៨០នៃការបង្កើតកងកម្លាំងការពារជាតិហ្វីលីពីនកាលពីថ្ងៃចន្ទទី ២១ ខែធ្នូកន្លងមក ប្រធានាធិបតី ជិតផុតអាណត្តិ Benigno Aquin បានប្រកាសជាថ្មីថា កញ្ចប់លុយជាង ១.៨ពាន់លានដុល្លារអាមេរិកសម្រាប់ផែនការទំនើបកម្មយោធានេះចំណាយដល់ត្រឹមឆ្នាំ២០១៧ខាងមុខ។ ហើយគិតត្រឹមអាណត្តិលោកឆ្នាំ ២០១៦ គម្រោងប្រហែល ៦៥ ដែលស្ថិតក្រោមក្របខណ្ឌផែនការទំនើបកម្មយោធានេះអាចសម្រេចរួចរាល់ហើយ។
គម្រោងសាងកម្លាំងយោធាឥតឈប់នេះ មកហ្វីលីពីនអន់ចិត្តព្រោះប្រទេសនេះត្រូវគេចាត់ទុកថាជារដ្ឋដែលមានវិស័យយោធាអន់ខ្សត់ខ្សោយជាងគេមួយនៅក្នុងតំបន់ ហើយសកម្មភាពវាតទីរបស់ចិនដោយសង់កោះសិប្បនិម្មិតនៅតំបន់ជម្លោះក្លាយជាក្តីបារម្ភបំផុតសម្រាប់ហ្វីលីពីនដែរ។ បើទោះជាហ្វីលីពីនប្រឹងចំណាយលុយពង្រឹងអំណាចយោធារបស់ខ្លួនច្រើនយ៉ាងនេះក្តី បើយោងតាមរបាយការណ៍ក្រសួងការពារជាតិហ្វីលីពីន កញ្ចប់ថវិកាចំណាយក្នុងវិស័យយោធាមានទំហំ ៣.៦ពាន់លានដុល្លារអាមេរិក ដែលតូចជាងកញ្ចប់លុយចិន ៤០ដងឯណោះ។ គួរឲ្យសោកស្តាយ ដែលមេដឹកនាំហ្វីលីពីនដែលមាននិន្នការគាំទ្រអំណាចការពារជាតិ មិនអាចឈរឈ្មោះជាថ្មីបាន ហើយផែនការទំនើបកម្មទ័ពដោយទិញអាវុធថ្មីៗមកនេះត្រូវចប់ ក្រោយអាណត្តិរបស់លោកថែមទៀត។
ហ្វីលីពីនត្រៀមនាំសព្វាវុធទំនើបទាំងនាវាចម្បាំង យន្តហោះចម្បាំង និងនាវាល្បាតថ្មី
ផែនការទំនើបកម្មយោធានេះនឹងបើកផ្លូវឲ្យរដ្ឋាភិបាលក្រុងម៉ានីល នាំចូលសព្វាវុធថ្មីច្រើនប្រភេទ ដែលសព្វាវុធទាំងនេះនឹងជួយពង្រឹងសមត្ថភាពទ័ពអាកាស ទ័ពជើងទឹក និងទ័ពជើងគោក។ និយាយទៅ សមត្ថភាពឈ្លបយកការណ៍ ល្បាត ការពារខ្លួន និងប្រយុទ្ធរបស់ទ័ពហ្វីលីពីននឹងប្រសើរឡើងមួយកម្រិតទោះមិនអាចប្រៀបជាមួយអំណាចយោធាចិនបានក្តី។ ក្នុងកម្មវិធីកាលពីថ្ងៃចន្ទ លោក Benigno Aquin បានប្រាប់កងទ័ពថា រដ្ឋាភិបាលលោកគ្រោងនាំចូលនាវាចម្បាំង នាវាដឹកជញ្ជូនយុទ្ធសាស្ត្រ នាវាល្បាតរយៈចម្ងាយឆ្ងាយ យន្តហោះចម្បាំង ប្រព័ន្ធរ៉ាដា និងសព្វាវុធសំខាន់ៗផ្សេងទៀតជាច្រើនផងដែរ។
ដូចឃើញស្រាប់ ហ្វីលីពីនបានចរចាទិញ យន្តហោះចម្បាំង FA-50 ជាច្រើនគ្រឿងពីកូរ៉េខាងត្បូង។ បើតាមក្រសួងការពារជាតិហ្វីលីពីន ហ្វីលីពីនសុំទិញយន្តហោះ ១២គ្រឿងក្នុងទំហំទឹកប្រាក់៤២០លានដុលការអាមេរិក ហើយហ្វីលីពីនបានទទួលយន្តហោះពីរគ្រឿងរួចមកហើយកាលពីចុងខែវិច្ឆិកាកន្លងទៅនេះ ។ វាជាការពិត ដែលថា យន្តហោះចម្បាំងថ្មីចំនួន១២ គ្រឿង វាតិចតួចណាស់បើធៀបយន្តហោះដែលទ័ពអាកាសចិនប្រើប្រាស់។ ប៉ុន្តែយ៉ាងហោចណាស់ យន្តហោះទំនើបផលិតដោយក្រុមហ៊ុនកូរ៉េខាងត្បូងនឹងជួយឲ្យទ័ពអាកាសហ្វីលីពីនឆ្លើយតបរាល់ការឈ្លានពាននិងរំលោភដែនអាកាសបានរហ័សជាងមុន។ ហ្វីលីពីនមានយន្តហោះចម្បាំងប្រភេទ F5 ដែលផលិតដោយក្រុមហ៊ុនអាមេរិកច្រើនគ្រឿងដែរ។ ប៉ុន្តែកាលពី១០ឆ្នាំមុនរដ្ឋាភិបាលក្រុងម៉ានីលសម្រេចដាក់ឲ្យយន្តហោះចម្បាំងប្រភេទនេះឲ្យឈប់ដំណើរការព្រោះវាចាស់ ហើយចាំបាច់ត្រូវចំណាយលុយច្រើនពេកសម្រាប់ថែទាំងនិងជួសជុលទៀត។
ក្រៅពីយន្តហោះ ហ្វីលីពីនបានកុម្ម៉ង់ទិញនាវាដឹកជញ្ជូនសម្រាប់គាំទ្រទ័ពជើងគោកពីរគ្រឿងពីឥណ្ឌូនេស៊ីផងដែរ។ហ្វីលីពីននឹងអាចទទួលបាននាវាដឹកជញ្ជូនបែបយុទ្ធសាស្ត្រនេះមួយគ្រឿងនៅពាក់កណ្តាលឆ្នាំ ២០១៦ និងមួយគ្រឿងទៀតនៅឆ្នាំ ២០១៧ ខាងមុខផង។ បើតាមរបាយការណ៍ក្រុមហ៊ុនរដ្ឋឥណ្ឌូនេស៊ីដែលទទួល បន្ទុកផលិតនាវាឲ្យទ័ពជើងទឹកហ្វីលីពីននេះ នាវាមួយគ្រឿងមានតម្លៃ ជិត៥០លានដុលា្លរអាមេរិក ដោយតម្លៃនេះមិនរាប់បញ្ចូលទាំងសព្វាវុធ និងបច្ចេកវិទ្យាឯទៀតទេ។
ចំណែក ប្រព័ន្ធរ៉ាដាសម្រាប់បម្រើវិស័យយោធាវិញ ហ្វីលីពីនបានចរចាទិញពីក្រុមហ៊ុនអ៊ីស្រាអែល ហើយគម្រោងផលិតនេះនឹងចប់រួចរាល់ត្រឹមឆ្នាំ ២០១៧ ។ ហើយបច្ចុប្បន្ននេះដែរ ក្រសួងការពារជាតិហ្វីលីពីនកំពុងចែរចូវសុំទិញនាវាចម្បាំងពីរគ្រឿងពីកូរ៉េខាងត្បូងនិងអេស្ប៉ាញ។បើទិញបាន នាវាទាំងពីរនឹងជួយហ្វីលីពីនពង្រឹងសមត្ថភាពប្រឆាំងយន្តហោះនិងនាវាមុជទឹកដែរ។
កន្លងមក ក្រៅពីដាក់ចេញផែនការទំនើបកម្មយោធា រដ្ឋាភិបាលហ្វីលីពីនបានព្យាយាមពង្រឹងចំណងមិត្តភាពជាមួយបណ្តារដ្ឋដែលមានជម្លោះជាមួយចិនដូចជាវៀតណាម និងជប៉ុន ។ ជប៉ុនបានផ្តល់នាវាល្បាតជាច្រើនគ្រឿងដល់កងទ័ពជើងទឹកហ្វីលីពីន ។ ហើយក្នុងដំណើរទស្សនកិច្ចរបស់ប្រធានាធិបតីអាមេរិកលោក បារ៉ាក់ អូបាម៉ាមកកាន់តំបន់អាស៊ាន លោកបានប្រកាសផ្ទេរនាវាចម្បាំងពីរគ្រឿងឲ្យទៅហ្វីលីពីនផងដែរ៕
សូមស្តាប់ការបកស្រាយរបស់លោក សៅ ផលនិស្ស័យ៖
តាំងពីឡើងកាន់តំណែងឆ្នាំ ២០១០ រហូតដល់បច្ចុប្បន្ន លោក Benigno Aquino ខ្នះខ្នែងជំរុញការកសាងសមត្ថភាពយោធារបស់ហ្វីលីពីន។ គោលនយោបាយទំនើបកម្មយោធាសំខាន់បំផុតគឺផ្តោតលើការផ្លាស់ប្តូរសមត្ថភាពកងទ័ពហ្វីលីពីន ពីកម្រិតទប់ទល់ចលនាបះបោរក្នុងស្រុក ទៅដល់ការប្រឆាំងការគំរាមកំហែងពីខាងក្រៅ។ ផែនការបង្កើនសមត្ថភាពយោធាហ្វីលីពីនដែលមានរយៈពេលប្រាំឆ្នាំនេះ ត្រូវបានដាក់ចេញដើម្បីទប់ទល់មហាអំណាចចិនដែលជាភាគីជម្លោះសមុទ្រចិនខាងត្បូង។
ក្នុងខួបលើក៨០នៃការបង្កើតកងកម្លាំងការពារជាតិហ្វីលីពីនកាលពីថ្ងៃចន្ទទី ២១ ខែធ្នូកន្លងមក ប្រធានាធិបតី ជិតផុតអាណត្តិ Benigno Aquin បានប្រកាសជាថ្មីថា កញ្ចប់លុយជាង ១.៨ពាន់លានដុល្លារអាមេរិកសម្រាប់ផែនការទំនើបកម្មយោធានេះចំណាយដល់ត្រឹមឆ្នាំ២០១៧ខាងមុខ។ ហើយគិតត្រឹមអាណត្តិលោកឆ្នាំ ២០១៦ គម្រោងប្រហែល ៦៥ ដែលស្ថិតក្រោមក្របខណ្ឌផែនការទំនើបកម្មយោធានេះអាចសម្រេចរួចរាល់ហើយ។
គម្រោងសាងកម្លាំងយោធាឥតឈប់នេះ មកហ្វីលីពីនអន់ចិត្តព្រោះប្រទេសនេះត្រូវគេចាត់ទុកថាជារដ្ឋដែលមានវិស័យយោធាអន់ខ្សត់ខ្សោយជាងគេមួយនៅក្នុងតំបន់ ហើយសកម្មភាពវាតទីរបស់ចិនដោយសង់កោះសិប្បនិម្មិតនៅតំបន់ជម្លោះក្លាយជាក្តីបារម្ភបំផុតសម្រាប់ហ្វីលីពីនដែរ។ បើទោះជាហ្វីលីពីនប្រឹងចំណាយលុយពង្រឹងអំណាចយោធារបស់ខ្លួនច្រើនយ៉ាងនេះក្តី បើយោងតាមរបាយការណ៍ក្រសួងការពារជាតិហ្វីលីពីន កញ្ចប់ថវិកាចំណាយក្នុងវិស័យយោធាមានទំហំ ៣.៦ពាន់លានដុល្លារអាមេរិក ដែលតូចជាងកញ្ចប់លុយចិន ៤០ដងឯណោះ។ គួរឲ្យសោកស្តាយ ដែលមេដឹកនាំហ្វីលីពីនដែលមាននិន្នការគាំទ្រអំណាចការពារជាតិ មិនអាចឈរឈ្មោះជាថ្មីបាន ហើយផែនការទំនើបកម្មទ័ពដោយទិញអាវុធថ្មីៗមកនេះត្រូវចប់ ក្រោយអាណត្តិរបស់លោកថែមទៀត។
ហ្វីលីពីនត្រៀមនាំសព្វាវុធទំនើបទាំងនាវាចម្បាំង យន្តហោះចម្បាំង និងនាវាល្បាតថ្មី
ផែនការទំនើបកម្មយោធានេះនឹងបើកផ្លូវឲ្យរដ្ឋាភិបាលក្រុងម៉ានីល នាំចូលសព្វាវុធថ្មីច្រើនប្រភេទ ដែលសព្វាវុធទាំងនេះនឹងជួយពង្រឹងសមត្ថភាពទ័ពអាកាស ទ័ពជើងទឹក និងទ័ពជើងគោក។ និយាយទៅ សមត្ថភាពឈ្លបយកការណ៍ ល្បាត ការពារខ្លួន និងប្រយុទ្ធរបស់ទ័ពហ្វីលីពីននឹងប្រសើរឡើងមួយកម្រិតទោះមិនអាចប្រៀបជាមួយអំណាចយោធាចិនបានក្តី។ ក្នុងកម្មវិធីកាលពីថ្ងៃចន្ទ លោក Benigno Aquin បានប្រាប់កងទ័ពថា រដ្ឋាភិបាលលោកគ្រោងនាំចូលនាវាចម្បាំង នាវាដឹកជញ្ជូនយុទ្ធសាស្ត្រ នាវាល្បាតរយៈចម្ងាយឆ្ងាយ យន្តហោះចម្បាំង ប្រព័ន្ធរ៉ាដា និងសព្វាវុធសំខាន់ៗផ្សេងទៀតជាច្រើនផងដែរ។
ដូចឃើញស្រាប់ ហ្វីលីពីនបានចរចាទិញ យន្តហោះចម្បាំង FA-50 ជាច្រើនគ្រឿងពីកូរ៉េខាងត្បូង។ បើតាមក្រសួងការពារជាតិហ្វីលីពីន ហ្វីលីពីនសុំទិញយន្តហោះ ១២គ្រឿងក្នុងទំហំទឹកប្រាក់៤២០លានដុលការអាមេរិក ហើយហ្វីលីពីនបានទទួលយន្តហោះពីរគ្រឿងរួចមកហើយកាលពីចុងខែវិច្ឆិកាកន្លងទៅនេះ ។ វាជាការពិត ដែលថា យន្តហោះចម្បាំងថ្មីចំនួន១២ គ្រឿង វាតិចតួចណាស់បើធៀបយន្តហោះដែលទ័ពអាកាសចិនប្រើប្រាស់។ ប៉ុន្តែយ៉ាងហោចណាស់ យន្តហោះទំនើបផលិតដោយក្រុមហ៊ុនកូរ៉េខាងត្បូងនឹងជួយឲ្យទ័ពអាកាសហ្វីលីពីនឆ្លើយតបរាល់ការឈ្លានពាននិងរំលោភដែនអាកាសបានរហ័សជាងមុន។ ហ្វីលីពីនមានយន្តហោះចម្បាំងប្រភេទ F5 ដែលផលិតដោយក្រុមហ៊ុនអាមេរិកច្រើនគ្រឿងដែរ។ ប៉ុន្តែកាលពី១០ឆ្នាំមុនរដ្ឋាភិបាលក្រុងម៉ានីលសម្រេចដាក់ឲ្យយន្តហោះចម្បាំងប្រភេទនេះឲ្យឈប់ដំណើរការព្រោះវាចាស់ ហើយចាំបាច់ត្រូវចំណាយលុយច្រើនពេកសម្រាប់ថែទាំងនិងជួសជុលទៀត។
ក្រៅពីយន្តហោះ ហ្វីលីពីនបានកុម្ម៉ង់ទិញនាវាដឹកជញ្ជូនសម្រាប់គាំទ្រទ័ពជើងគោកពីរគ្រឿងពីឥណ្ឌូនេស៊ីផងដែរ។ហ្វីលីពីននឹងអាចទទួលបាននាវាដឹកជញ្ជូនបែបយុទ្ធសាស្ត្រនេះមួយគ្រឿងនៅពាក់កណ្តាលឆ្នាំ ២០១៦ និងមួយគ្រឿងទៀតនៅឆ្នាំ ២០១៧ ខាងមុខផង។ បើតាមរបាយការណ៍ក្រុមហ៊ុនរដ្ឋឥណ្ឌូនេស៊ីដែលទទួល បន្ទុកផលិតនាវាឲ្យទ័ពជើងទឹកហ្វីលីពីននេះ នាវាមួយគ្រឿងមានតម្លៃ ជិត៥០លានដុលា្លរអាមេរិក ដោយតម្លៃនេះមិនរាប់បញ្ចូលទាំងសព្វាវុធ និងបច្ចេកវិទ្យាឯទៀតទេ។
ចំណែក ប្រព័ន្ធរ៉ាដាសម្រាប់បម្រើវិស័យយោធាវិញ ហ្វីលីពីនបានចរចាទិញពីក្រុមហ៊ុនអ៊ីស្រាអែល ហើយគម្រោងផលិតនេះនឹងចប់រួចរាល់ត្រឹមឆ្នាំ ២០១៧ ។ ហើយបច្ចុប្បន្ននេះដែរ ក្រសួងការពារជាតិហ្វីលីពីនកំពុងចែរចូវសុំទិញនាវាចម្បាំងពីរគ្រឿងពីកូរ៉េខាងត្បូងនិងអេស្ប៉ាញ។បើទិញបាន នាវាទាំងពីរនឹងជួយហ្វីលីពីនពង្រឹងសមត្ថភាពប្រឆាំងយន្តហោះនិងនាវាមុជទឹកដែរ។
កន្លងមក ក្រៅពីដាក់ចេញផែនការទំនើបកម្មយោធា រដ្ឋាភិបាលហ្វីលីពីនបានព្យាយាមពង្រឹងចំណងមិត្តភាពជាមួយបណ្តារដ្ឋដែលមានជម្លោះជាមួយចិនដូចជាវៀតណាម និងជប៉ុន ។ ជប៉ុនបានផ្តល់នាវាល្បាតជាច្រើនគ្រឿងដល់កងទ័ពជើងទឹកហ្វីលីពីន ។ ហើយក្នុងដំណើរទស្សនកិច្ចរបស់ប្រធានាធិបតីអាមេរិកលោក បារ៉ាក់ អូបាម៉ាមកកាន់តំបន់អាស៊ាន លោកបានប្រកាសផ្ទេរនាវាចម្បាំងពីរគ្រឿងឲ្យទៅហ្វីលីពីនផងដែរ៕
© រក្សាសិទ្ធិដោយ thmeythmey.com
