ជាតិ
សង្គមជាតិ
នាយករដ្ឋមន្រ្តីប្រកាសចាប់រថយន្តចង្កូតស្តាំប្រសិនបើបន្តនាំចូលមកកម្ពុជា 05, Jan 2016 , 9:09 am
× សម្តេចនាយករដ្ឋមន្រ្តី ហ៊ុន សែន បានប្រកាសពីភាពខុសច្បាប់ប្រសិនបើអ្នកណាបន្តយករថយន្តចង្កូតស្តាំចូលកម្ពុជាទៀត។ ប្រមុខរដ្ឋាភិបាល បញ្ជាឲ្យអាជ្ញាធររឹបអូសយករថយន្តនោះ ប្រសិនបើជនណាបន្តយករថយន្តចង្កូតស្តាំចូលមកកម្ពុជា។ «ហាមនាំចូលនូវឡានចង្កូតស្តាំ បើយកមកទៀត ឡានចង្កូតស្តាំនៅតែមិនចប់នៅស្រុកខ្មែរ»។ នេះជាការបញ្ជាក់របស់សម្តេច ហ៊ុន សែន នៅក្នុងពិធីសម្ពោធដាក់ឲ្យប្រើប្រាស់ស្ពានអាកាស តិចណូ ( ៥ មករា) ។
តែយ៉ាងណាប្រមុខរដ្ឋាភិបាល ក៏មិនហាមឃាត់រថយន្តចង្កូតស្តាំដែលកំពុងមានស្រាប់នៅកម្ពុជា ដូរមកចង្កូតឆ្វេងនោះដែរ ហើយក៏អនុញ្ញាតឲ្យម្ចាស់រថយន្តចង្កូតស្តាំដែលមានស្រាប់ ចូលមកបងពន្ធតាមនីតិវិធី ដើម្បីប្រើប្រាស់បន្ត។
© រក្សាសិទ្ធិដោយ thmeythmey.com