ជាតិ
សង្គមជាតិ
រដ្ឋាភិបាលសម្រេចបង្កើតគណៈកម្មការទប់ស្កាត់បទល្មើសព្រៃឈើជាផ្លូវការ
17, Jan 2016 , 2:21 pm
×![]()
ភ្នំពេញ៖ រដ្ឋាភិបាលកម្ពុជា បានសម្រេចបង្កើតគណៈកម្មការទប់ស្កាត់បទល្មើសព្រៃឈើជាផ្លូវការហើយ។ នេះបើយោងតាមសេចក្តីសម្រេចចុះថ្ងៃទី១៥ មករា ឆ្នាំ២០១៦ ។
លោក សៅ សុខា អគ្គមេបញ្ជាការរងនៃកងយោធពលខេមរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេស ត្រូវបានតែងតាំងជាប្រធានគណៈកម្មការជាតិ ទប់ស្កាត់ និងបង្ក្រាបបទល្មើសព្រៃឈើ។ យោងតាមសេចក្តីសម្រេចដែលចុះថ្ងៃទី១៥ មករា ឆ្នាំ២០១៦ អគ្គស្នងការរងនគរបាលជាតិ លោក ហ៊ូ សាគុណ ជាអនុប្រធាន។ ក្នុងនោះ មានតំណាងក្រសួងកសិកម្ម ក្រសួងបរិស្ថាន និងអភិបាលជាប់តាមព្រំដែន៦ ជាសមាជិក ក្នុងនោះមានខេត្តកំពង់ចាម ត្បូងឃ្មុំ ក្រចេះ ស្ទឹងត្រែង រតនគិរី និងមណ្ឌលគិរី។
ការបង្កើតគណៈកម្មការនេះធ្វើឡើងក្រោយពីសម្តេចនាយករដ្ឋមន្ត្រី ហ៊ុន សែន បានប្រកាសក្នុងកិច្ចប្រជុំពេញអង្គគណៈរដ្ឋមន្ត្រីកាលពីថ្ងៃទី១៥ មករា កន្លងទៅ។ ក្នុងនោះសម្តេច ក៏បានប្រគល់ឧទ្ធម្ភាចក្រ ២គ្រឿង សម្រាប់ប្រតិបត្តិការនេះផងដែរ។ ឧទ្ធម្ភាចក្រទាំងពីរគ្រឿងក៏នឹងត្រូវបំពាក់ដោយអាវុធសម្រាប់ប្រតិបត្តិការផង។
ទាក់ទងនឹងវិធានការទប់ស្កាត់បទល្មើសព្រៃឈើនេះដែរ ក្រសួងបរិស្ថានតាមរយៈសេចក្តីជូនដំណឹងរបស់ខ្លួន បានប្រកាសចាត់វិធានក្តៅរាល់ក្រុមហ៊ុន ដែលទទួលគម្រោងវិនិយោគអភិវឌ្ឍន៍សម្បទានដីសេដ្ឋកិច្ច។ ក្រសួងព្រមានថា ក្រុមហ៊ុនទាំងអស់ត្រូវទទួលខុសត្រូវមុខច្បាប់ រាល់បទល្មើសធនធានធម្មជាតិ ដែលកើតឡើងក្នុងទីតាំងវិនិយោគរបស់ខ្លួន។ ក្រសួងបរិស្ថាន សុំឲ្យក្រុមហ៊ុនទាំងអស់ ត្រូវគោរពគោលការណ៍ និងច្បាប់វិនិយោគ ក៏ដូចជាការពារ និងសហការនឹងមន្ត្រីឧទ្យានអនុរក្សរបស់ក្រសួងបរិស្ថាន និងសមត្ថកិច្ច ក្នុងករណីមានបទល្មើសព្រៃឈើកើតឡើង។
ក្រសួងបរិស្ថាននឹងតាមដាន និងពិនិត្យដោយយកចិត្តទុកដាក់ រាល់ការអនុវត្តគម្រោងវិនិយោគនានា ដើម្បីទប់ស្កាត់ការឈូសឆាយ ការប្រមូល និងការកែច្នៃផល អនុផលព្រៃឈើ និងព្រមានចាត់វិធានការឲ្យតឹងរឹងបំផុត។ នេះជាខ្លឹមសារបន្ថែម ក្នុងសេចក្តីជូនដំណឹងរបស់ក្រសួងបរិស្ថាន ដែលចុះផ្សាយកាលពីថ្ងៃទី ១៥ មករា។
សាធារណជន និងសង្គមស៊ីវិល កំពុងតាមដានយ៉ាងយកចិត្តទុកដាក់ចំពោះវិធានការថ្មីនេះ។ ពួកគេនៅចាំមើល ថាតើគណៈកម្មការថ្មីនេះ អាចស្រោងស្រង់ព្រៃឈើដែលនៅសេសសល់បានកម្រិតណា ខណៈដែលនេះមិនមែនជាលើកទីមួយ ដែលរដ្ឋាភិបាលបញ្ចេញកណ្តាប់ដៃដែករបស់ខ្លួន ដើម្បីការពារព្រៃឈើនោះ៕
លោក សៅ សុខា អគ្គមេបញ្ជាការរងនៃកងយោធពលខេមរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេស ត្រូវបានតែងតាំងជាប្រធានគណៈកម្មការជាតិ ទប់ស្កាត់ និងបង្ក្រាបបទល្មើសព្រៃឈើ។ យោងតាមសេចក្តីសម្រេចដែលចុះថ្ងៃទី១៥ មករា ឆ្នាំ២០១៦ អគ្គស្នងការរងនគរបាលជាតិ លោក ហ៊ូ សាគុណ ជាអនុប្រធាន។ ក្នុងនោះ មានតំណាងក្រសួងកសិកម្ម ក្រសួងបរិស្ថាន និងអភិបាលជាប់តាមព្រំដែន៦ ជាសមាជិក ក្នុងនោះមានខេត្តកំពង់ចាម ត្បូងឃ្មុំ ក្រចេះ ស្ទឹងត្រែង រតនគិរី និងមណ្ឌលគិរី។
ការបង្កើតគណៈកម្មការនេះធ្វើឡើងក្រោយពីសម្តេចនាយករដ្ឋមន្ត្រី ហ៊ុន សែន បានប្រកាសក្នុងកិច្ចប្រជុំពេញអង្គគណៈរដ្ឋមន្ត្រីកាលពីថ្ងៃទី១៥ មករា កន្លងទៅ។ ក្នុងនោះសម្តេច ក៏បានប្រគល់ឧទ្ធម្ភាចក្រ ២គ្រឿង សម្រាប់ប្រតិបត្តិការនេះផងដែរ។ ឧទ្ធម្ភាចក្រទាំងពីរគ្រឿងក៏នឹងត្រូវបំពាក់ដោយអាវុធសម្រាប់ប្រតិបត្តិការផង។
ទាក់ទងនឹងវិធានការទប់ស្កាត់បទល្មើសព្រៃឈើនេះដែរ ក្រសួងបរិស្ថានតាមរយៈសេចក្តីជូនដំណឹងរបស់ខ្លួន បានប្រកាសចាត់វិធានក្តៅរាល់ក្រុមហ៊ុន ដែលទទួលគម្រោងវិនិយោគអភិវឌ្ឍន៍សម្បទានដីសេដ្ឋកិច្ច។ ក្រសួងព្រមានថា ក្រុមហ៊ុនទាំងអស់ត្រូវទទួលខុសត្រូវមុខច្បាប់ រាល់បទល្មើសធនធានធម្មជាតិ ដែលកើតឡើងក្នុងទីតាំងវិនិយោគរបស់ខ្លួន។ ក្រសួងបរិស្ថាន សុំឲ្យក្រុមហ៊ុនទាំងអស់ ត្រូវគោរពគោលការណ៍ និងច្បាប់វិនិយោគ ក៏ដូចជាការពារ និងសហការនឹងមន្ត្រីឧទ្យានអនុរក្សរបស់ក្រសួងបរិស្ថាន និងសមត្ថកិច្ច ក្នុងករណីមានបទល្មើសព្រៃឈើកើតឡើង។
ក្រសួងបរិស្ថាននឹងតាមដាន និងពិនិត្យដោយយកចិត្តទុកដាក់ រាល់ការអនុវត្តគម្រោងវិនិយោគនានា ដើម្បីទប់ស្កាត់ការឈូសឆាយ ការប្រមូល និងការកែច្នៃផល អនុផលព្រៃឈើ និងព្រមានចាត់វិធានការឲ្យតឹងរឹងបំផុត។ នេះជាខ្លឹមសារបន្ថែម ក្នុងសេចក្តីជូនដំណឹងរបស់ក្រសួងបរិស្ថាន ដែលចុះផ្សាយកាលពីថ្ងៃទី ១៥ មករា។
សាធារណជន និងសង្គមស៊ីវិល កំពុងតាមដានយ៉ាងយកចិត្តទុកដាក់ចំពោះវិធានការថ្មីនេះ។ ពួកគេនៅចាំមើល ថាតើគណៈកម្មការថ្មីនេះ អាចស្រោងស្រង់ព្រៃឈើដែលនៅសេសសល់បានកម្រិតណា ខណៈដែលនេះមិនមែនជាលើកទីមួយ ដែលរដ្ឋាភិបាលបញ្ចេញកណ្តាប់ដៃដែករបស់ខ្លួន ដើម្បីការពារព្រៃឈើនោះ៕
Tag:
ព្រៃឈើ
© រក្សាសិទ្ធិដោយ thmeythmey.com
