អន្តរជាតិ
សារមន្ទីរលាមកនឹងបើកទ្វារនៅអង់គ្លេសនាថ្ងៃសុក្រនេះ 24, Mar 2016 , 8:19 pm
× ស្ថិតនៅក្នុងបរិវេណសួនសត្វនៃកោះ Isle of Wright ភាគខាងត្បូង ប្រទេសអង់គ្លេស សារមន្ទីរលាមកជាតិ (National Poo Museum) នឹងបើកដំណើរនៅថ្ងៃសុក្រ ទី២៥ ខែមីនា ឆ្នាំ២០១៦ នេះ។
ក្រោមការផ្តួចផ្តើមរបស់ក្រុមរចនា Ecclestone George សារមន្ទីរលាមកជាតិទីមួយនេះ បង្ហាញឲ្យឃើញនូវថាមពលកាកសំណល់នានាដែលចេញពីមនុស្ស និងសត្វ។ អ្នកនាំពាក្យម្នាក់នៃសារមន្ទី បាននិយាយថា នៅក្នុងសារមន្ទីរអ្នកទស្សនាអាចមើលឃើញព័ត៌មាននានាទាក់ទងនឹងលាមក រួមទាំងសណ្ឋានលាមកផ្សេងៗគ្នា។ គាត់បានបន្ថែមថា៖ «ក្មេងៗច្បាស់ជាចូលចិត្ត»។
ក្មេងៗ និងយុវជនជំនាន់ក្រោយនឹងទទួលបានព័ត៌មានច្រើនទាក់ទងនឹងលាមកមនុស្ស សត្វ ទៅសណ្ឋានផ្សេងៗ ។ លាមកដែលត្រូវដាក់តាំងបង្ហាញនៅក្នុងសារមន្ទីរ National Poo Museum រួមមាន លាមកក្មេង លាមកមនុស្សពេញវ័យ លាមកតោ ទទុយ គោ លាមកមកពីតំបន់ម៉ាដាហ្គាស្កា រួមទាំងគំរូលាមកមួយដុំដែលមានអាយុកាល៣៨លានឆ្នាំ៕
© រក្សាសិទ្ធិដោយ thmeythmey.com