អន្តរជាតិ
ជប៉ុនកើតទុក្ខដោយសារដំរីចំណាស់របស់ខ្លួនស្លាប់ក្នុងអាយុ៦៩ឆ្នាំ
29, May 2016 , 5:39 pm
×![]()
ដោយ: ធីតា
កាលពីថ្ងៃព្រហស្បតិ៍ ដំរីដ៏ចំណាស់របស់ជប៉ុនឈ្មោះ Hanako បានដួលទៅលើដី ហើយបានបាត់បង់ជីវិតនៅសួនសត្វនៃទីក្រុងតូក្យូ បើទោះបីជាក្រុមជួយសង្គ្រោះខិតខំប្រឹងប្រែងយ៉ាងណាក៏ដោយ។
កើតនៅឆ្នាំ១៩៤៧ ដំរី Hanako បានក្លាយជាវីរនារីឆ្នើមមួយនៅប្រទេសជប៉ុន។ ដំរីញីមួយនេះ ត្រូវបានគេយកទៅថតខ្សែភាពយន្តជាច្រើន ជាពិសេសភាពយន្តដើម្បីកុមារ។ Hanako គឺជាអំណោយដែលរដ្ឋាភិបាលថៃ ជូនទៅជប៉ុនដើម្បីពង្រឹងចំណងមិត្តភាពប្រទេសទាំងពីរក្រោយសង្គ្រាមលោកលើកទីពីរ។
ទៅដល់ប្រទេសជប៉ុននៅឆ្នាំ១៩៤៩ ហើយត្រូវបានរក្សាទុកនៅសួនសត្វ Hiroshi Mashima តាំងពីឆ្នាំ១៩៥៤មក។ លោក Kiyoshi Nagai ប្រធានសួនសត្វខាងលើ បានអះអាងប្រាប់ AFP ថា Hanako បានផុតជីវិតទៅយ៉ាងស្ងប់ស្ងៀមបំផុត។
ក្រោយប្រកាសពីមរណភាពរបស់ដំរីដ៏ចំណាស់នេះ ពលរដ្ឋជប៉ុនជាច្រើនបានសម្តែងនូវការសោកស្តាយ និងសោកសៅក្នុងចិត្ត។ អ្នកដែលរស់នៅម្តុំសួនសត្វ បាននាំគ្នាយកកម្រងផ្កាទៅចូលរួមរំលែកទុកចំពោះ Hanako។
ស្ថានទូតថៃ ប្រចាំក្រុងតូក្យូ ក៏បានចេញសេចក្តីថ្លែងការណ៍រំលែកទុក្ខចំពោះការបាត់បង់ដ៏ធំធេងនេះផងដែរ ដោយចាត់ទុក Hanako ជាទូតសុច្ឆន្ទះរបស់ថៃប្រចាំប្រទេសជប៉ុន៕
កើតនៅឆ្នាំ១៩៤៧ ដំរី Hanako បានក្លាយជាវីរនារីឆ្នើមមួយនៅប្រទេសជប៉ុន។ ដំរីញីមួយនេះ ត្រូវបានគេយកទៅថតខ្សែភាពយន្តជាច្រើន ជាពិសេសភាពយន្តដើម្បីកុមារ។ Hanako គឺជាអំណោយដែលរដ្ឋាភិបាលថៃ ជូនទៅជប៉ុនដើម្បីពង្រឹងចំណងមិត្តភាពប្រទេសទាំងពីរក្រោយសង្គ្រាមលោកលើកទីពីរ។
ទៅដល់ប្រទេសជប៉ុននៅឆ្នាំ១៩៤៩ ហើយត្រូវបានរក្សាទុកនៅសួនសត្វ Hiroshi Mashima តាំងពីឆ្នាំ១៩៥៤មក។ លោក Kiyoshi Nagai ប្រធានសួនសត្វខាងលើ បានអះអាងប្រាប់ AFP ថា Hanako បានផុតជីវិតទៅយ៉ាងស្ងប់ស្ងៀមបំផុត។
ក្រោយប្រកាសពីមរណភាពរបស់ដំរីដ៏ចំណាស់នេះ ពលរដ្ឋជប៉ុនជាច្រើនបានសម្តែងនូវការសោកស្តាយ និងសោកសៅក្នុងចិត្ត។ អ្នកដែលរស់នៅម្តុំសួនសត្វ បាននាំគ្នាយកកម្រងផ្កាទៅចូលរួមរំលែកទុកចំពោះ Hanako។
ស្ថានទូតថៃ ប្រចាំក្រុងតូក្យូ ក៏បានចេញសេចក្តីថ្លែងការណ៍រំលែកទុក្ខចំពោះការបាត់បង់ដ៏ធំធេងនេះផងដែរ ដោយចាត់ទុក Hanako ជាទូតសុច្ឆន្ទះរបស់ថៃប្រចាំប្រទេសជប៉ុន៕
Tag:
ដំរី
© រក្សាសិទ្ធិដោយ thmeythmey.com
