អន្តរជាតិ
ឥណ្ឌា ៖ ក្មេងប្រុសអាយុ ១ ឆ្នាំមានចំណង់ផ្លូវភេទ និងដុះរោមនៅប្រដាប់ភេទដូចមនុស្សពេញវ័យ
01, Jun 2016 , 9:07 am
×![]()
ដោយ: ធីតា
ក្មេងប្រុសអាយុ ១ ឆ្នាំរស់នៅប្រទេសឥណ្ឌា មានឈ្មោះថា អាកាស ដុះរោមនៅត្រង់ប្រដាប់ភេទ និងចេះមានចំណង់ផ្លូវភេទដូចមនុស្សពេញវ័យ។ ក្មេងតូចនេះកើតជំងឺអ័រម៉ូនដ៏កម្រមួយ។
ក្មេងប្រុសមានកម្រិតអ័រម៉ូនតិះស្តូស្ត័ររ៉ូនស្មើនឹងមនុស្សប្រុសអាយុ ២៥ ឆ្នាំ។ ហេតុនេះ ក្មេងតូចមានប្រដាប់ភេទទំហំស្មើនឹងមនុស្សពេញវ័យ។ មិនតែប៉ុណ្ណោះ ក្មេងមានដុះរោមនៅលើមុខ ដងខ្លួន ព្រមទាំងបែកសំឡេងដូចមនុស្សទើបពេញវ័យ។
ភាពមិនប្រក្រតីចាប់បង្ហាញឡើងនៅពេលដែលគេមានអាយុ ៦ ខែ។ ពេលនោះ ប្រដាប់ភេទចេះតែធំឡើងៗ ប៉ុន្តែផ្នែកផ្សេងៗនៃរាងកាយបែរជាមិនលូតលាស់តិចតួច បើធៀបនឹងក្មេងក្នុងវ័យស្របាលគ្នានេះ។
គ្រូពេទ្យប្រចាំខ្លួនរបស់អាកាសបានប្រាប់សារព័ត៌មាន Hindustan Times ថា ដំណើរពេញវ័យមុនអាយុនេះនឹងធ្វើឲ្យក្មេងមានកម្លាំងខ្លាំង ព្រោះថាសាច់ដុំនឹងលូតលាស់ខ្លាំង រហូតឪពុកម្តាយមិនអាចទប់ក្មេងបាន។ ប៉ុន្តែ អ្វីដែលជាគ្រោះថ្នាក់មួយទៀតនោះគឺ ក្មេងនឹងឈប់លូតកម្ពស់នៅប៉ុន្មានឆ្នាំខាងមុខនេះ។
នេះមិនមែនជាករណីទីមួយទេ។ នៅប្រទេសប៉េរូ នាឆ្នាំ ១៩៣៩ កុមារី លីណា ម៉េឌីណា ដែលទើបនឹងមានអាយុ ៥ ឆ្នាំនិង ៧ ខែ បានបង្កើតកូនប្រុសមួយ។ នាងបានក្លាយទៅជាម្តាយដ៏វ័យក្មេងជាងគេ និងមានភាពល្បីល្បាញពេញពិភពលោកនាសម័យកាលនោះ៕
ប្រភព៖ Daily Mail
Tag:
ឥណ្ឌា
© រក្សាសិទ្ធិដោយ thmeythmey.com
