អន្តរជាតិ
ទោះ ដូណាល់ ត្រាំ សង់«ជញ្ជាំង»ក៏ដោយ ម៉ិកស៊ិកនឹងមិនបង់លុយថ្លៃសង់ឡើយ
01, Sep 2016 , 8:19 pm
បេក្ខជនប្រធានាធិបតីបក្សសាធារណរដ្ឋ ដូណាល់ត្រាំ ជាមួយប្រធានាធិបតីម៉ិកស៊ិកលោក Pena Nieto ក្នុងសន្និសីទសារព័ត៌មានរួមគ្នានាថ្ងៃពុធ
×![]()
ដោយ: ថ្មីៗ
លោក ដូណាល់ត្រាំ បានបញ្ជាក់ច្បាស់ក្នុងសន្និសីទជាមួយប្រធានាធិបតីម៉ិកស៊ិក Enrique Peña Nieto ថ្ងៃពុធទី ៣១សីហា ថា សហរដ្ឋអាមេរិកមានសិទ្ធិពេញលេញក្នុងការសាងសង់ជញ្ជាំងដើម្បីទប់ស្កាត់ជនអន្តោប្រវេសន៍ខុសច្បាប់។ ប៉ុន្តែមេដឹកនាំម៉ិកស៊ិកបានតបវិញថា បើអាមេរិកសង់ ក៏សង់ទៅចុះ តែកុំសង្ឃឹមម៉ិកសិកបង់លុយថ្លៃសាងសង់ឲ្យសោះ។ ទោះបីជាជំនួបលើកដំបូង ហាក់មិនសូវស្និទ្ធស្នាល និងឆ្គាំឆ្គងបន្តិចក៏ដោយចុះ តែវាបង្ហាញថា ម៉ិកស៊ិកត្រៀមខ្លួនជាស្រេចដើម្បីបន្តធ្វើការជាមួយអាមេរិក បើសិន ដូណាល់ត្រាំ ជាប់ឆ្នោត។
កាលពីឆ្នាំមុន ពេលដែលលោក ដូណាល់ ត្រាំ ចាប់ផ្តើមយុទ្ធនាការឃោសនាបោះឆ្នោត លោកបានផ្តោតសំខាន់លើបញ្ហាជនអន្តោប្រវេសន៍មកពីម៉ិកស៊ិក។ លោកបានទិតៀនរដ្ឋាភិបាលម៉ិកស៊ិកឥតសំចៃមាត់ និងចោទថារដ្ឋាភិបាលម៉ិកស៊ិកបានបញ្ជូនក្រុមឧក្រិដ្ឋជនគ្រឿងញៀន និង រំលោភសេពសន្ថវៈមកកាន់សហរដ្ឋអាមេរិកផង។ ដើម្បីទាក់ទាញប្រជាប្រិយភាពលោក បានសន្យាជាមួយបណ្តាអ្នកគាំទ្រលោកថា បើសិនលោកជាប់ឆ្នោត លោកនឹងសង់ជញ្ជាំងព័ទ្ធសហរដ្ឋអាមរិកដើម្បីរារាំងក្រុមជនអន្តោប្រវេសន៍ (ដោយបង្ខំឲ្យម៉ិកស៊ិកបង់លុយ) និងបណ្តេញជនអន្តោប្រវេសន៍ខុសច្បាប់ម៉ិកស៊ិកទៅប្រទេសវិញផងដែរ។
ដោយទ្រាំមិនបាននឹងការបរិហាររបស់បេក្ខជនប្រធានាធិបតីម្នាក់នេះ ប្រធានាធិបតីម៉ិកស៊ិក Enrique Peña Nieto បានឆ្លើយតបវិញ ដោយប្រដូចលោក ដូណាល់ ត្រាំ ទៅនឹងមេដឹកនាំផ្តាច់ការណាស៊ីអាល្លឺម៉ង់ Adolf Hitler និងមេដឹកនាំហ្វាស៊ីសអ៊ីតាលី Benito Mussolini ថែមទៀតផង។
យ៉ាងណាក៏ដោយ ក្រោយ ដូណាល់ ត្រាំ ក្លាយជាបេក្ខជនប្រធានាធិបតីតំណាងបក្សសាធារណរដ្ឋ ជាផ្លូវការហើយនោះ មេដឹកនាំម៉ិកស៊ិកបានបន្ទន់ជំហរ ប្តូរពាក្យសម្តី ហើយក៏អញ្ជើញបេក្ខជនប្រធានាធិបតីអាមេរិកទាំងពីរនាក់ទៅទស្សនកិច្ចនៅម៉ិកស៊ិកទៀត។
ក្រោយឃើញលិខិតអញ្ជើញ បេក្ខជនប្រធានាធិបតីបក្សសាធារណរដ្ឋ ប្រវេប្រវារៀបចំដំណើរទស្សនកិច្ចទៅកាន់ម៉ិកស៊ិក ដើម្បីទៅជួបប្រធានាធីបតី Enrique Peña Nieto។ លោក ដូណាល់ត្រាំ ហាក់បីដូចជាសប្បាយរីករាយចំពោះដំណើរទស្សនកិច្ចនេះ ហើយលោកបានត្រៀមខ្លួនស្រេចដើម្បីជជែកពីបញ្ហាជនអន្តោប្រវេសន៍និងគោលនយោបាយអាមេរិកជាមួយមេដឹកនាំម៉ិកស៊ិក។ ទៅម៉ិកស៊ិកូមិនមែនជាទស្សនកិច្ចបរទេសលើកទីមួយក្នុងនាមជាបេក្ខជនប្រធានាធិបតីឡើយ ព្រោះកាលពីខែមិថុនាកន្លងមកលោក ដូណាល់ ត្រាំ ធ្លាប់ទៅស្កុតឡែន និងអៀឡង់ផងដែរ។
១. លោក ដូណាល់ ត្រាំ៖ អាមេរិកមានសិទ្ធិពេញលេញក្នុងការសង់ជញ្ជាំង
ពេលទៅដល់ម៉ិកស៊ិក លោក ដូណាល់ ត្រាំ និងលោកEnrique Peña Nieto បានរៀបចំកិច្ចប្រជុំបិទទ្វារមួយ មុនចូលរួមសន្និសីទសារព័ត៌មាន។ ប៉ុន្តែមិនមានព័ត៌មានលម្អិតឡើយ ពាក់ព័ន្ធប្រធានបទនៃកិច្ចប្រជុំ។
យោងតាមទីភ្នាក់ងារព័ត៌មាន AFP ក្នុងសន្និសីទសារព័ត៌មានរួមគ្នា លោក ដូណាល់ ត្រាំ បានឈរទន្ទឹមជាមួយប្រធានាធិបតីម៉ិកស៊ិក ហើយសន្និសីទសារព័ត៌មានលើកដំបូងនេះហាក់មានភាពឆ្គាំឆ្គង និងចង្អៀតចង្អល់បន្តិចដែរ។ នេះក៏ព្រោះថា អ្នកទាំងពីរធ្លាប់តែទិតៀនគ្នា និងឆ្លើយឆ្លង និងញុះញង់គ្នាដោយពាក្យសម្តី តែមិនធ្លាប់ឈរទន្ទឹមគ្នាដូចសមភាគីបែបនេះឡើយ។ តែយ៉ាងហោចណាស់ វាជាការចាប់ផ្តើមមួយ ហើយវាក៏ផ្តល់ប្រយោជន៍សម្រាប់ការធ្វើការជាមួយគ្នាពេលអនាគតដែរ បើសិនជា ដូណាល់ ត្រាំ ក្លាយជាប្រធានាធិបតី។
ថ្លែងក្នុងសន្និសីទព័ត៌មាន សេដ្ឋី ដូណាល់ ត្រាំ បានបញ្ជាក់ច្បាស់ថា សហរដ្ឋអាមេរិកមានសិទ្ធិពេញលេញក្នុងការសាងសង់ជញ្ជាំងដែលមានចម្ងាយប្រហែល ៣២០០ គីឡូម៉ែត្រជាប់ប្រទេសម៉ិកស៊ិក។ លោកថ្លែងថា៖« យើងទទួលស្គាល់និងគោរពសិទ្ធនៃប្រទេសទាំងពីរក្នុងការសាងសង់របាំង ឬជញ្ជាំងនៅតាមព្រំដែន»។
តែយ៉ាងណាមិញ បេក្ខជនរូបនេះបានបញ្ជាក់ច្បាស់ថា មកទល់ពេលនេះលោកមិនទាន់បានជជែករឿង«ថាតើអ្នកណានឹងត្រូវបង់លុយថ្លៃសាងសង់ជញ្ជាំង»នេះឡើយ។ នេះមានន័យថា រឿងនេះនឹងត្រូវសម្រេច ពេលក្រោយ ពោលគឺពេលលោកឈ្នះឆ្នោត។
២. Pena Nieto៖« ខ្ញុំប្រាប់លោក ដូណាល់ ត្រាំ ថា ម៉ិកស៊ិកនឹងមិនបង់លុយថ្លៃជញ្ជាំងឡើយ»
ចំណែកប្រធានាធិបតី ម៉ិកស៊ិកហាក់ប្រឹងរក្សាជំហរដោយប្រើប្រាស់ភាសាការទូតច្រើនក្នុងសន្និសីទជាមួយលោក ដូណាល់ ត្រាំ។ លោកបានប្រាប់ លោក ដូណាល់ ត្រាំ ថា វាជារឿងសំខាន់បំផុតដែលប្រទេសទាំងពីរត្រូវផ្លាស់ប្តូរបន្ទាត់ព្រំដែនរួមគ្នាពីរឿងចម្រូងចម្រាសទៅជាផលប្រយោជន៍សម្រាប់ប្រទេសទាំងពីរវិញ។
ប៉ុន្តែលោក បានឆ្លៀតឱកាសបង្ហើបផងដែរថា ពាក្យពេចន៍របស់លោក ដូណាល់ ត្រាំ ពាក់ព័ន្ធបញ្ហាជនអន្តោប្រវេសន៍ បានធ្វើឲ្យប្រជាជនម៉ិកស៊ិកមិនស្រួលចិត្តឡើយ។ លោកអធិប្បាយថា៖«ប្រជាជនម៉ិកស៊ិកមានអារម្មណ៍ឈឺចាប់ចំពោះពាក្យសម្តីរបស់លោក ដូណាល់ ត្រាំ។ ប៉ុន្តែខ្ញុំជឿជាក់ថា ប្រយោជន៍ធំរបស់យើងគឺកសាងសម្ព័ន្ធភាពដែលអាចធ្វើឲ្យសង្គមយើងមានភាពសុខសាន្តនិងរីកចម្រើន»។
ដោយឡែក ទាក់ទងបញ្ហាសង់ជញ្ជាំង ក្រោយបញ្ចប់ជំនួបទ្វេភាគី លោកនិយាយដោយឥតមានលាក់បាំងថា ម៉ិកស៊ិកនឹងមិនបងលុយចំពោះសំណើរសាងសង់ជញ្ជាំងរបស់លោក ដូណាល់ ត្រាំឡើយ។ លោកបានសរសេរបង្ហោះតាមប្រព័ន្ធទំនាក់ទំនងសង្គម Twitter ថា៖« ពេលចាប់ផ្តើមកិច្ចសន្ទនាជាមួយលោក ដូណាល់ ត្រាំ ខ្ញុំបាននិយាយច្បាស់ហើយថា ម៉ិកស៊ិកនឹងមិនចំណាយលុយសម្រាប់ការសាងសង់ជញ្ជាំងឡើយ»៕
កាលពីឆ្នាំមុន ពេលដែលលោក ដូណាល់ ត្រាំ ចាប់ផ្តើមយុទ្ធនាការឃោសនាបោះឆ្នោត លោកបានផ្តោតសំខាន់លើបញ្ហាជនអន្តោប្រវេសន៍មកពីម៉ិកស៊ិក។ លោកបានទិតៀនរដ្ឋាភិបាលម៉ិកស៊ិកឥតសំចៃមាត់ និងចោទថារដ្ឋាភិបាលម៉ិកស៊ិកបានបញ្ជូនក្រុមឧក្រិដ្ឋជនគ្រឿងញៀន និង រំលោភសេពសន្ថវៈមកកាន់សហរដ្ឋអាមេរិកផង។ ដើម្បីទាក់ទាញប្រជាប្រិយភាពលោក បានសន្យាជាមួយបណ្តាអ្នកគាំទ្រលោកថា បើសិនលោកជាប់ឆ្នោត លោកនឹងសង់ជញ្ជាំងព័ទ្ធសហរដ្ឋអាមរិកដើម្បីរារាំងក្រុមជនអន្តោប្រវេសន៍ (ដោយបង្ខំឲ្យម៉ិកស៊ិកបង់លុយ) និងបណ្តេញជនអន្តោប្រវេសន៍ខុសច្បាប់ម៉ិកស៊ិកទៅប្រទេសវិញផងដែរ។
ដោយទ្រាំមិនបាននឹងការបរិហាររបស់បេក្ខជនប្រធានាធិបតីម្នាក់នេះ ប្រធានាធិបតីម៉ិកស៊ិក Enrique Peña Nieto បានឆ្លើយតបវិញ ដោយប្រដូចលោក ដូណាល់ ត្រាំ ទៅនឹងមេដឹកនាំផ្តាច់ការណាស៊ីអាល្លឺម៉ង់ Adolf Hitler និងមេដឹកនាំហ្វាស៊ីសអ៊ីតាលី Benito Mussolini ថែមទៀតផង។
យ៉ាងណាក៏ដោយ ក្រោយ ដូណាល់ ត្រាំ ក្លាយជាបេក្ខជនប្រធានាធិបតីតំណាងបក្សសាធារណរដ្ឋ ជាផ្លូវការហើយនោះ មេដឹកនាំម៉ិកស៊ិកបានបន្ទន់ជំហរ ប្តូរពាក្យសម្តី ហើយក៏អញ្ជើញបេក្ខជនប្រធានាធិបតីអាមេរិកទាំងពីរនាក់ទៅទស្សនកិច្ចនៅម៉ិកស៊ិកទៀត។
ក្រោយឃើញលិខិតអញ្ជើញ បេក្ខជនប្រធានាធិបតីបក្សសាធារណរដ្ឋ ប្រវេប្រវារៀបចំដំណើរទស្សនកិច្ចទៅកាន់ម៉ិកស៊ិក ដើម្បីទៅជួបប្រធានាធីបតី Enrique Peña Nieto។ លោក ដូណាល់ត្រាំ ហាក់បីដូចជាសប្បាយរីករាយចំពោះដំណើរទស្សនកិច្ចនេះ ហើយលោកបានត្រៀមខ្លួនស្រេចដើម្បីជជែកពីបញ្ហាជនអន្តោប្រវេសន៍និងគោលនយោបាយអាមេរិកជាមួយមេដឹកនាំម៉ិកស៊ិក។ ទៅម៉ិកស៊ិកូមិនមែនជាទស្សនកិច្ចបរទេសលើកទីមួយក្នុងនាមជាបេក្ខជនប្រធានាធិបតីឡើយ ព្រោះកាលពីខែមិថុនាកន្លងមកលោក ដូណាល់ ត្រាំ ធ្លាប់ទៅស្កុតឡែន និងអៀឡង់ផងដែរ។
១. លោក ដូណាល់ ត្រាំ៖ អាមេរិកមានសិទ្ធិពេញលេញក្នុងការសង់ជញ្ជាំង
ពេលទៅដល់ម៉ិកស៊ិក លោក ដូណាល់ ត្រាំ និងលោកEnrique Peña Nieto បានរៀបចំកិច្ចប្រជុំបិទទ្វារមួយ មុនចូលរួមសន្និសីទសារព័ត៌មាន។ ប៉ុន្តែមិនមានព័ត៌មានលម្អិតឡើយ ពាក់ព័ន្ធប្រធានបទនៃកិច្ចប្រជុំ។
យោងតាមទីភ្នាក់ងារព័ត៌មាន AFP ក្នុងសន្និសីទសារព័ត៌មានរួមគ្នា លោក ដូណាល់ ត្រាំ បានឈរទន្ទឹមជាមួយប្រធានាធិបតីម៉ិកស៊ិក ហើយសន្និសីទសារព័ត៌មានលើកដំបូងនេះហាក់មានភាពឆ្គាំឆ្គង និងចង្អៀតចង្អល់បន្តិចដែរ។ នេះក៏ព្រោះថា អ្នកទាំងពីរធ្លាប់តែទិតៀនគ្នា និងឆ្លើយឆ្លង និងញុះញង់គ្នាដោយពាក្យសម្តី តែមិនធ្លាប់ឈរទន្ទឹមគ្នាដូចសមភាគីបែបនេះឡើយ។ តែយ៉ាងហោចណាស់ វាជាការចាប់ផ្តើមមួយ ហើយវាក៏ផ្តល់ប្រយោជន៍សម្រាប់ការធ្វើការជាមួយគ្នាពេលអនាគតដែរ បើសិនជា ដូណាល់ ត្រាំ ក្លាយជាប្រធានាធិបតី។
ថ្លែងក្នុងសន្និសីទព័ត៌មាន សេដ្ឋី ដូណាល់ ត្រាំ បានបញ្ជាក់ច្បាស់ថា សហរដ្ឋអាមេរិកមានសិទ្ធិពេញលេញក្នុងការសាងសង់ជញ្ជាំងដែលមានចម្ងាយប្រហែល ៣២០០ គីឡូម៉ែត្រជាប់ប្រទេសម៉ិកស៊ិក។ លោកថ្លែងថា៖« យើងទទួលស្គាល់និងគោរពសិទ្ធនៃប្រទេសទាំងពីរក្នុងការសាងសង់របាំង ឬជញ្ជាំងនៅតាមព្រំដែន»។
តែយ៉ាងណាមិញ បេក្ខជនរូបនេះបានបញ្ជាក់ច្បាស់ថា មកទល់ពេលនេះលោកមិនទាន់បានជជែករឿង«ថាតើអ្នកណានឹងត្រូវបង់លុយថ្លៃសាងសង់ជញ្ជាំង»នេះឡើយ។ នេះមានន័យថា រឿងនេះនឹងត្រូវសម្រេច ពេលក្រោយ ពោលគឺពេលលោកឈ្នះឆ្នោត។
២. Pena Nieto៖« ខ្ញុំប្រាប់លោក ដូណាល់ ត្រាំ ថា ម៉ិកស៊ិកនឹងមិនបង់លុយថ្លៃជញ្ជាំងឡើយ»
ចំណែកប្រធានាធិបតី ម៉ិកស៊ិកហាក់ប្រឹងរក្សាជំហរដោយប្រើប្រាស់ភាសាការទូតច្រើនក្នុងសន្និសីទជាមួយលោក ដូណាល់ ត្រាំ។ លោកបានប្រាប់ លោក ដូណាល់ ត្រាំ ថា វាជារឿងសំខាន់បំផុតដែលប្រទេសទាំងពីរត្រូវផ្លាស់ប្តូរបន្ទាត់ព្រំដែនរួមគ្នាពីរឿងចម្រូងចម្រាសទៅជាផលប្រយោជន៍សម្រាប់ប្រទេសទាំងពីរវិញ។
ប៉ុន្តែលោក បានឆ្លៀតឱកាសបង្ហើបផងដែរថា ពាក្យពេចន៍របស់លោក ដូណាល់ ត្រាំ ពាក់ព័ន្ធបញ្ហាជនអន្តោប្រវេសន៍ បានធ្វើឲ្យប្រជាជនម៉ិកស៊ិកមិនស្រួលចិត្តឡើយ។ លោកអធិប្បាយថា៖«ប្រជាជនម៉ិកស៊ិកមានអារម្មណ៍ឈឺចាប់ចំពោះពាក្យសម្តីរបស់លោក ដូណាល់ ត្រាំ។ ប៉ុន្តែខ្ញុំជឿជាក់ថា ប្រយោជន៍ធំរបស់យើងគឺកសាងសម្ព័ន្ធភាពដែលអាចធ្វើឲ្យសង្គមយើងមានភាពសុខសាន្តនិងរីកចម្រើន»។
ដោយឡែក ទាក់ទងបញ្ហាសង់ជញ្ជាំង ក្រោយបញ្ចប់ជំនួបទ្វេភាគី លោកនិយាយដោយឥតមានលាក់បាំងថា ម៉ិកស៊ិកនឹងមិនបងលុយចំពោះសំណើរសាងសង់ជញ្ជាំងរបស់លោក ដូណាល់ ត្រាំឡើយ។ លោកបានសរសេរបង្ហោះតាមប្រព័ន្ធទំនាក់ទំនងសង្គម Twitter ថា៖« ពេលចាប់ផ្តើមកិច្ចសន្ទនាជាមួយលោក ដូណាល់ ត្រាំ ខ្ញុំបាននិយាយច្បាស់ហើយថា ម៉ិកស៊ិកនឹងមិនចំណាយលុយសម្រាប់ការសាងសង់ជញ្ជាំងឡើយ»៕
© រក្សាសិទ្ធិដោយ thmeythmey.com
