អន្តរជាតិ
ការប្រឆាំងសកលភារូបនីយកម្មត្រឹមធ្វើឲ្យអន្តរាយដល់សេដ្ឋកិច្ចពិភពលោក
01, Sep 2016 , 8:59 pm
×![]()
កិច្ចប្រជុំក្រុមប្រទេសអភិវឌ្ឍ ២០ (G20) នៅក្រុងហាងចូវធ្វើឡើងក្រោមប្រធានបទ«ធ្វើការងារដើម្បីឆ្ពោះទៅរកការច្នៃប្រឌិត, ការផ្សាភ្ជាប់ប្រកបដោយថាមវ័ន្ត និង សេដ្ឋកិច្ចពិភពលោករួម »។ ប្រធានបទនេះមិនត្រឹមតែឆ្លុះបញ្ចាំងថា សេដ្ឋកិច្ចសកលត្រូវការគំនិតអភិវឌ្ឍថ្មីប៉ុណ្ណោះទេ វាក៏ស្របតាមទស្សនវិជ្ជាអភិវឌ្ឍន៍ដែលផ្តោតលើការច្នៃប្រឌិតទាំង ៥ដែលស្នើឡើងដោយចិនកន្លងមកដែរ។
ក្នុងនាមជាប្រធាននៃកិច្ចប្រជុំប្រទេស ២០ ឆ្នាំនេះ ចិនចង់ចែករម្លែកបទពិសោធន៍ខ្លួនពាក់ព័ន្ធការអភិវឌ្ឍជាមួយបណ្តាប្រទេសដទៃទៀតដើម្បីជួយលើកស្ទួយនូវការអភិវឌ្ឍសេដ្ឋកិច្ចសកល។
ចាប់តាំងពីឆ្នាំ ២០០៨ ជាពេលដែលសេដ្ឋកិច្ចពិភពលោកប្រឈមវិបត្តិធ្ងន់ធ្ងរ ហើយស្ថាប័នហិរញ្ញវត្ថុដូចជា មូលនិធិរូបីយវត្ថុអន្តរជាតិ និងធនាគារពិភពលោកបានទម្លាក់កម្រិតកំណើនសេដ្ឋកិច្ចតាមរយៈការព្យាករណ៍របស់ខ្លួន ហើយកំណើនពាណិជ្ជកម្មបានធ្លាក់ចុះទាបជាងកំណើនសេដ្ឋកិច្ចជាប់ៗគ្នាជាច្រើនឆ្នាំ។ ស្របពេលដែលបណ្តាមហាអំណាចសេដ្ឋកិច្ចបានបង្កើតគោលនយោបាយថ្មីដើម្បីជំរុញកំណើនសេដ្ឋកិច្ចក្តី កម្លាំងចលករថ្មីមួយប្រកបដោយថាមវ័ន្តដែលអាចជួយឲ្យសេដ្ឋកិច្ចពិភពលោកលូតលាស់ខ្លាំងនោះមិនទាន់ត្រូវបានគេបង្កើតឡើយ។
ស្របពេលដែលដែលមានវិបត្តិ ប្រទេសអភិវឌ្ឍបានងាកចេញពីសកលភាវូបនីយកម្ម ហើយចាប់ផ្តើមជំរុញឲ្យមានការរៀបចំឧស្សាហូបនីយកម្មឡើងវិញដើម្បីធ្វើយ៉ាងណាការពារទីផ្សារក្នុងស្រុក។ ពាណិជកម្មសកល និងយន្តការវិនិយោគក៏បានប្រែប្រួល ខណៈដែលការបង្កើតតំបន់ពាណិជ្ជកម្មសេរីក៏ប្រឈមមុខបញ្ហាកាន់តែធ្ងន់ធ្ងរផងដែរ។
អ្វីដែលធ្ងន់ធ្ងរជាងនេះ គឺ អ្នកបង្កើតគោលនយោបាយភាគច្រើនព្យាយាមដោះស្រាយបញ្ហាប្រឈមបច្ចុប្បន្នច្រើន ជាងខិតខំប្រឹងប្រែងរកដំណោះស្រាយរយៈពេលវែងដើម្បីបញ្ចប់បញ្ហា។
ដោយសារបញ្ហាប្រឈមទាំងនេះហើយ ពិភពលោកត្រូវការជាចាំបាច់នូវការបង្កើនកិច្ចសហប្រតិបត្តិការនិងការជួយយិតយោងគ្នាទៅវិញទៅមក។ ដែលនេះវាតម្រូវឲ្យសហគមន៍អន្តរជាតិបង្ហាញនូវទស្សនវិស័យធំទូលាយមួយ។
ដូចឃើញស្រាប់ហើយ នៅក្នុងកិច្ចប្រជុំគណកម្មាធិការមជ្ឈិមបក្សកុម្មុយនីស្តចិន ឆ្នាំ ២០១៥ ចិនបានស្នើឲ្យមានការអនុម័តទស្សនវិជ្ជាអភិវឌ្ឍន៍ចំនួន ៥ចំណុច ដែលមានដូចជាការថ្នៃប្រឌិត, ការសហការ, បច្ចេកវិទ្យាបៃតង, ការបើកចំហរ និងការអភិវឌ្ឍរួម។
ដោយសារការយឺតយ៉ាវនៃកំណើនសេដ្ឋកិច្ច និងបញ្ហាប្រឈមផ្សេងទៀត ចិនត្រូវការការច្នៃប្រឌិត និងការសហការដើម្បីរក្សាឲ្យបាននូវកំណើនសេដ្ឋកិច្ចដែលមានស្ថិរភាពនិងខ្លាំង។ វាក៏ត្រូវការបច្ចេកវិទ្យាបៃតងដែលសំដៅដល់ការគិតគូរពីបរិស្ថាន និងការបើកចំហរដែលអាចបង្កើតបាននូវគម្រូថ្មីមួយសម្រាប់ការអភិវឌ្ឍ។ ចុងក្រោយការអភិវឌ្ឍរួមនឹងនាំមកនូវការអភិវឌ្ឍន៍ដែលមានរយៈនិរន្តរភាព និងមានសមភាព។
បទពិសោធន៍រយៈពេលជិត ៤០ឆ្នាំ ក្នុងការកែទម្រង់និងបើកចំហរសេដ្ឋកិច្ច បានបង្ហាញឲ្យឃើញថា ដើម្បីដោះស្រាយបញ្ហាសេដ្ឋកិច្ច យើងគួរតែជំរុញនិងលើកស្ទួយគំនិតច្នៃប្រឌិត និងភាពជាសហគ្រិន។ ហើយមិនត្រឹមតែប៉ុណ្ណោះទេ យើងក៏ចាំបាច់បង្កើនប្រសិទ្ធភាពតាមរយៈបច្ចេកវិទ្យាវិទ្យាសាស្ត្រ ។ ដូច្នេះហើយការការពារវិស័យឧស្សាហកម្ម និង ការប្រកួតប្រជែងក្នុងទីផ្សារមិនមែនជាដំណោះស្រាយឡើយ។ គេចាំបាច់ត្រូវប្រើប្រាស់ការពិគ្រោះយោបល់, សហការ និងការធ្វើឲ្យប្រសើរឡើងនូវការគ្រប់គ្រងធនធាន ដើម្បីឈានទៅដោះស្រាយបញ្ហាសេដ្ឋកិច្ច។
កាលពីថ្មីៗនេះ ដើម្បីសម្រេចបាននូវការអភិវឌ្ឍរួមគ្នាទូទាំងពិភពលោក ចិនបានស្នើឡើងនូវគំនិតផ្តួចផ្តើម«ខ្សែក្រវ៉ាត់សេដ្ឋកិច្ចវិថីសូត្រ និងវិថីសូត្រសមុទ្រសតវត្សទី ២១» ដែលវាជំរុញឲ្យមានការលើកកម្ពស់សមត្ថភាពក្នុងការផលិត និងកិច្ចសហប្រតិបត្តិការអន្តរជាតិ។
ស្របពេលជាមួយគ្នានោះ រដ្ឋាភិបាលចិន ក៏បាន ប្រឹងប្រែងអស់ពីសមត្ថភាពដើម្បីលើកស្ទួយការកែទម្រង់និងការផ្លាស់ប្តូរវិស័យឧស្សាហកម្មឲ្យកាន់តែប្រសើរឡើង។ ក្នុងឆ្នាំ ២០១៥ សហគ្រាថ្មីប្រហែល៤លានបានចុះបញ្ជីទូទាំងប្រទេសចិន ដែលវាមានន័យថា វាមានការកើនឡើងរហូតដល់ ២១.៦ភាគរយឯណោះ។ ហើយការដាក់ពាក្យស្នើសុំប្រកាសនីយប័ត្រតក្កកម្មកើនដល់ ១លានក្នុងរយៈពេលកន្លងមក។
ដូច្នេះហើយ ការជ្រើសរើសប្រធានបទដូចខាងលើសម្រាប់កិច្ចប្រជុំប្រទេស ២០ នៅក្រុងហាងចូវ ក៏បង្ហាញឲ្យឃើញច្បាស់ពីទស្សនវិស័យរបស់ចិនក្នុងការសម្រេចបាននូវការអភិវឌ្ឍនិងការលូតលាស់នៃសេដ្ឋកិច្ចពិភពលោកប្រកបដោយនិរន្តរភាព។
ក្នុងនាមជាម្ចាស់ផ្ទះនៃកិច្ចប្រជុំ ចិនក៏នឹងចូលរួមចែករំលែកទស្សនវិជ្ជាអភិវឌ្ឍន៍ដែលខ្លួនអនុម័តឡើងនោះជាមួយបណ្តាប្រទេសពាក់ព័ន្ធដើម្បីការរីកចម្រើន ទាំងអស់គ្នាផង៕
ក្នុងនាមជាប្រធាននៃកិច្ចប្រជុំប្រទេស ២០ ឆ្នាំនេះ ចិនចង់ចែករម្លែកបទពិសោធន៍ខ្លួនពាក់ព័ន្ធការអភិវឌ្ឍជាមួយបណ្តាប្រទេសដទៃទៀតដើម្បីជួយលើកស្ទួយនូវការអភិវឌ្ឍសេដ្ឋកិច្ចសកល។
ចាប់តាំងពីឆ្នាំ ២០០៨ ជាពេលដែលសេដ្ឋកិច្ចពិភពលោកប្រឈមវិបត្តិធ្ងន់ធ្ងរ ហើយស្ថាប័នហិរញ្ញវត្ថុដូចជា មូលនិធិរូបីយវត្ថុអន្តរជាតិ និងធនាគារពិភពលោកបានទម្លាក់កម្រិតកំណើនសេដ្ឋកិច្ចតាមរយៈការព្យាករណ៍របស់ខ្លួន ហើយកំណើនពាណិជ្ជកម្មបានធ្លាក់ចុះទាបជាងកំណើនសេដ្ឋកិច្ចជាប់ៗគ្នាជាច្រើនឆ្នាំ។ ស្របពេលដែលបណ្តាមហាអំណាចសេដ្ឋកិច្ចបានបង្កើតគោលនយោបាយថ្មីដើម្បីជំរុញកំណើនសេដ្ឋកិច្ចក្តី កម្លាំងចលករថ្មីមួយប្រកបដោយថាមវ័ន្តដែលអាចជួយឲ្យសេដ្ឋកិច្ចពិភពលោកលូតលាស់ខ្លាំងនោះមិនទាន់ត្រូវបានគេបង្កើតឡើយ។
ស្របពេលដែលដែលមានវិបត្តិ ប្រទេសអភិវឌ្ឍបានងាកចេញពីសកលភាវូបនីយកម្ម ហើយចាប់ផ្តើមជំរុញឲ្យមានការរៀបចំឧស្សាហូបនីយកម្មឡើងវិញដើម្បីធ្វើយ៉ាងណាការពារទីផ្សារក្នុងស្រុក។ ពាណិជកម្មសកល និងយន្តការវិនិយោគក៏បានប្រែប្រួល ខណៈដែលការបង្កើតតំបន់ពាណិជ្ជកម្មសេរីក៏ប្រឈមមុខបញ្ហាកាន់តែធ្ងន់ធ្ងរផងដែរ។
អ្វីដែលធ្ងន់ធ្ងរជាងនេះ គឺ អ្នកបង្កើតគោលនយោបាយភាគច្រើនព្យាយាមដោះស្រាយបញ្ហាប្រឈមបច្ចុប្បន្នច្រើន ជាងខិតខំប្រឹងប្រែងរកដំណោះស្រាយរយៈពេលវែងដើម្បីបញ្ចប់បញ្ហា។
ដោយសារបញ្ហាប្រឈមទាំងនេះហើយ ពិភពលោកត្រូវការជាចាំបាច់នូវការបង្កើនកិច្ចសហប្រតិបត្តិការនិងការជួយយិតយោងគ្នាទៅវិញទៅមក។ ដែលនេះវាតម្រូវឲ្យសហគមន៍អន្តរជាតិបង្ហាញនូវទស្សនវិស័យធំទូលាយមួយ។
ដូចឃើញស្រាប់ហើយ នៅក្នុងកិច្ចប្រជុំគណកម្មាធិការមជ្ឈិមបក្សកុម្មុយនីស្តចិន ឆ្នាំ ២០១៥ ចិនបានស្នើឲ្យមានការអនុម័តទស្សនវិជ្ជាអភិវឌ្ឍន៍ចំនួន ៥ចំណុច ដែលមានដូចជាការថ្នៃប្រឌិត, ការសហការ, បច្ចេកវិទ្យាបៃតង, ការបើកចំហរ និងការអភិវឌ្ឍរួម។
ដោយសារការយឺតយ៉ាវនៃកំណើនសេដ្ឋកិច្ច និងបញ្ហាប្រឈមផ្សេងទៀត ចិនត្រូវការការច្នៃប្រឌិត និងការសហការដើម្បីរក្សាឲ្យបាននូវកំណើនសេដ្ឋកិច្ចដែលមានស្ថិរភាពនិងខ្លាំង។ វាក៏ត្រូវការបច្ចេកវិទ្យាបៃតងដែលសំដៅដល់ការគិតគូរពីបរិស្ថាន និងការបើកចំហរដែលអាចបង្កើតបាននូវគម្រូថ្មីមួយសម្រាប់ការអភិវឌ្ឍ។ ចុងក្រោយការអភិវឌ្ឍរួមនឹងនាំមកនូវការអភិវឌ្ឍន៍ដែលមានរយៈនិរន្តរភាព និងមានសមភាព។
បទពិសោធន៍រយៈពេលជិត ៤០ឆ្នាំ ក្នុងការកែទម្រង់និងបើកចំហរសេដ្ឋកិច្ច បានបង្ហាញឲ្យឃើញថា ដើម្បីដោះស្រាយបញ្ហាសេដ្ឋកិច្ច យើងគួរតែជំរុញនិងលើកស្ទួយគំនិតច្នៃប្រឌិត និងភាពជាសហគ្រិន។ ហើយមិនត្រឹមតែប៉ុណ្ណោះទេ យើងក៏ចាំបាច់បង្កើនប្រសិទ្ធភាពតាមរយៈបច្ចេកវិទ្យាវិទ្យាសាស្ត្រ ។ ដូច្នេះហើយការការពារវិស័យឧស្សាហកម្ម និង ការប្រកួតប្រជែងក្នុងទីផ្សារមិនមែនជាដំណោះស្រាយឡើយ។ គេចាំបាច់ត្រូវប្រើប្រាស់ការពិគ្រោះយោបល់, សហការ និងការធ្វើឲ្យប្រសើរឡើងនូវការគ្រប់គ្រងធនធាន ដើម្បីឈានទៅដោះស្រាយបញ្ហាសេដ្ឋកិច្ច។
កាលពីថ្មីៗនេះ ដើម្បីសម្រេចបាននូវការអភិវឌ្ឍរួមគ្នាទូទាំងពិភពលោក ចិនបានស្នើឡើងនូវគំនិតផ្តួចផ្តើម«ខ្សែក្រវ៉ាត់សេដ្ឋកិច្ចវិថីសូត្រ និងវិថីសូត្រសមុទ្រសតវត្សទី ២១» ដែលវាជំរុញឲ្យមានការលើកកម្ពស់សមត្ថភាពក្នុងការផលិត និងកិច្ចសហប្រតិបត្តិការអន្តរជាតិ។
ស្របពេលជាមួយគ្នានោះ រដ្ឋាភិបាលចិន ក៏បាន ប្រឹងប្រែងអស់ពីសមត្ថភាពដើម្បីលើកស្ទួយការកែទម្រង់និងការផ្លាស់ប្តូរវិស័យឧស្សាហកម្មឲ្យកាន់តែប្រសើរឡើង។ ក្នុងឆ្នាំ ២០១៥ សហគ្រាថ្មីប្រហែល៤លានបានចុះបញ្ជីទូទាំងប្រទេសចិន ដែលវាមានន័យថា វាមានការកើនឡើងរហូតដល់ ២១.៦ភាគរយឯណោះ។ ហើយការដាក់ពាក្យស្នើសុំប្រកាសនីយប័ត្រតក្កកម្មកើនដល់ ១លានក្នុងរយៈពេលកន្លងមក។
ដូច្នេះហើយ ការជ្រើសរើសប្រធានបទដូចខាងលើសម្រាប់កិច្ចប្រជុំប្រទេស ២០ នៅក្រុងហាងចូវ ក៏បង្ហាញឲ្យឃើញច្បាស់ពីទស្សនវិស័យរបស់ចិនក្នុងការសម្រេចបាននូវការអភិវឌ្ឍនិងការលូតលាស់នៃសេដ្ឋកិច្ចពិភពលោកប្រកបដោយនិរន្តរភាព។
ក្នុងនាមជាម្ចាស់ផ្ទះនៃកិច្ចប្រជុំ ចិនក៏នឹងចូលរួមចែករំលែកទស្សនវិជ្ជាអភិវឌ្ឍន៍ដែលខ្លួនអនុម័តឡើងនោះជាមួយបណ្តាប្រទេសពាក់ព័ន្ធដើម្បីការរីកចម្រើន ទាំងអស់គ្នាផង៕
© រក្សាសិទ្ធិដោយ thmeythmey.com
