ជាតិ
ការចុះបញ្ជីយានយន្ត, ផ្ដល់បណ្ណបើកបរ, ឆៀក តាមអនឡាញ ក្រសួងនឹងដាក់ឲ្យប្រើប្រាស់នៅចុងឆ្នាំនេះ 07, Sep 2016 , 10:39 pm
fbក្រសួងសាធារណការ
× ក្រសួងសាធារណការ និងដឹកជញ្ជូន នឹងដាក់ឲ្យដំណើរការចុះបញ្ជីយានយន្តនិងផ្លាកលេខ, ផ្ដល់បណ្ណបើកបរ និងត្រួតពិនិត្យបច្ចេកទេសរថយន្ត(ឆៀក) តាមប្រព័ន្ធអនឡាញ នៅចុងឆ្នាំ២០១៦ នេះតទៅ។ នេះបើតាមទំព័រហ្វេសប៊ុកផ្លូវការរបស់ក្រសួង។
កាលពីថ្ងៃទី៥ខែកញ្ញា លោក ស៊ុន ចាន់ថុល បានថ្លែងថា ការដាក់ឲ្យដំណើរការប្រព័ន្ធចុះបញ្ជីយាយន្ត និងសេវាផ្សេងទៀតតាមអនឡាញ ដែលជាការសហការរបស់រដ្ឋាភិបាល ជាមួយដៃគូអភិវឌ្ឍន៍ និងផ្នែកឯកជន ធ្វើឡើងក្នុងបំណងផ្ដល់សេវាសាធារណៈឆាប់រហ័ស មានប្រសិទ្ធិភាព និងតម្លាភាពជូនប្រជាពលរដ្ឋ។ ការថ្លែងរបស់រដ្ឋមន្ត្រីក្រសួងសាធារណការ និងដឹកជញ្ជូនរូបនេះ ធ្វើឡើងក្នុងសិក្ខាសាលាស្ដីពីកិច្ចសហការបច្ចេកទេសលើវិស័យដឹកជញ្ជូនកម្ពុជា-ជប៉ុន នៅសណ្ឋាគារឡឺរ៉ូយ៉ាល់។
លោក ស៊ុន ចាន់ថុល ថែមទាំងបញ្ជាក់ថា ការអភិវឌ្ឍហេដ្ឋារចនាសម្ព័ន្តផ្នែកទន់ (សំដៅដល់ស្ដង់ដារបច្ចេកទេស និងបទបញ្ញត្តិនានា) ឲ្យបានល្អ នឹងជំរុញប្រសិទ្ធិភាពប្រើប្រាស់ស្ពាន ផ្លូវ ដែលជាហេដ្ឋារចនាសម្ព័ន្តផ្នែករឹង៕
Tag:
ចុះបញ្ជីយានយន្ត
ស៊ុន ចាន់ថុល
© រក្សាសិទ្ធិដោយ thmeythmey.com