គម្រោងអភិវឌ្ឍន៍ទីតាំងអគារប៊ូឌីញ នឹងត្រូវចំណាយថវិកា ៧០ទៅ៨០លានដុល្លារ

ជាតិ

គម្រោងអភិវឌ្ឍន៍ទីតាំងអគារប៊ូឌីញ នឹងត្រូវចំណាយថវិកា ៧០ទៅ៨០លានដុល្លារ

28, Oct 2016 , 10:53 am

រូបភាព

ដោយ:

ភ្នំពេញ៖ ក្រសួងរៀបចំដែនដី នគរូបនីយកម្ម និងសំណង់ និងក្រុមហ៊ុនជប៉ុន Arakawa គ្រោងអភិវឌ្ឍនៅទីតាំងអគារប៊ូឌីញ ក្នុងទឹកប្រាក់ ៧០លានដុល្លារ ទៅ ៨០លានដុល្លារ។ នេះបើតាមសេចក្ដីប្រកាសរបស់ក្រសួង។

ចុចទីនេះដើម្បីទទួលបានព័ត៌មានរហ័ស

លោក ជា សុផារ៉ា រដ្ឋមន្ត្រីសួងរៀបចំដែនដី នគរូបនីយកម្ម និងសំណង់ នៅថ្ងៃទី២៧ខែតុលានេះ បានជួបជាមួយពលរដ្ឋសហគមន៍ប៊ូឌីញ ដើម្បីបង្ហាញពីគម្រោងអភិវឌ្ឍន៍នៅនឹងកន្លែងនៅទីតាំងអគារប៊ូឌីញ ដែលកំពុងតែមានសភាពទ្រុឌទ្រោមខ្លាំង។ សេចក្ដីប្រកាសរបស់ក្រសួងឲ្យដឹងថា ក្នុងជំនួបនេះ លោក ជា សុផារ៉ា ថ្លែងថា ការអភិវឌ្ឍន៍នៅទីតាំងនោះ គឺជាការយកចិត្តទុកដាក់ដល់ប្រជាពលរដ្ឋ ដើម្បីឲ្យពួកគាត់រស់នៅក្នុងសេចក្ដីថ្លៃថ្នូរ សុវត្ថិភាព និងសុខមាលភាព។

បើតាមសេចក្ដីប្រកាសខាងលើ គម្រោងអភិវឌ្ឍន៍ ដែលក្រសួងរៀបចំដែនដី និងក្រុមហ៊ុន Arakawa កំពុងសិក្សានេះ ត្រូវបានវាយតម្លៃថានឹងចំណាយថវិកា ៧០លានដុល្លារ ទៅ ៨០លានដុល្លារ។ គម្រោងនេះមានការសាងសង់ទីតាំងស្នាក់នៅបណ្ដោះអាសន្ន និងការសង់អគារថ្មីកម្ពស់ ២១ជាន់ ដោយរួមមានទីតាំងចំណត ៣ជាន់, កន្លែងលក់ដូរ១ជាន់, កន្លែងស្នាក់នៅ៥ជាន់ ហើយចាប់ពីជាន់ទី៩ឡើងទៅនឹងក្លាយជាកម្មសិទ្ធិវិនិយោគរបស់ក្រុមហ៊ុន Arakawa ។

សេចក្ដីប្រកាសដដែលនេះបញ្ជាក់ថា ក្រសួងនឹងសុំគោលការណ៍ពីរដ្ឋាភិបាល ដើម្បីអនុត្តគម្រោងនេះ ។ ទន្ទឹមនឹងនេះ សេចក្ដីប្រកាសក៏បានស្រង់ប្រសាសន៍ លោក ជា សុផារ៉ា ដែលលោករំពឹងថា អគារថ្មីនេះ នឹងលេចរូបរាងរបស់ខ្លួនក្នុងរយៈពេលប្រមណ ៤ឆ្នាំទៀត។

អគារប៊ូឌីញ ត្រូវបានស្ថាបនាក្នុងឆ្នាំ១៩៦៣ ដែលស្ថិតក្នុងសង្កាត់ទន្លេបាសាក់ ខណ្ឌចំការមន៕

Tag:

ប៊ូឌីញ

ជា សុផារ៉ា