ជាតិ
សម្ដេច ហ៊ុន សែន ផ្ដល់ថវិកា៥ម៉ឺនដុល្លារ ដល់ហៃទី ដែលរងគ្រោះដោយសារខ្យល់ព្យុះ 28, Oct 2016 , 11:47 am
រូបភាព ពីហ្វេសប៊ុក សម្តេច ហ៊ុន សែន
×
ភ្នំពេញ៖ សម្ដេចនាយករដ្ឋមន្ត្រី ហ៊ុន សែន បានផ្ដល់ថវិកាចំនួន៥ម៉ឺនដុល្លារ សម្រាប់ជួយដល់ប្រទេសហៃទី ដែលបានរងគ្រោះដោយសារខ្យល់ព្យុះ Matthews កាលពីថ្ងៃទី៤ ខែតុលា។
សេចក្ដីជូនព័ត៌មានក្រសួងការបរទេស និងសហប្រតិបត្តិការអន្តរជាតិ កាលពីថ្ងៃទី២៧ តុលាបានឲ្យដឹងថា សម្ដេច ហ៊ុន សែន បានផ្ដល់វិភាគទាន៥ម៉ឺនដុល្លារនេះ តាមរយៈមូលនិធិសាមគ្គីភាពបន្ទាន់អង្គការអន្តរជាតិហ្វ្រង់កូហ្វូនី ដើម្បីបង្ហាញពីសាមគ្គីរបស់កម្ពុជា ដែលជាសមាជិកអង្គការអន្តរជាតិហ្វ្រង់កូហ្វូនី ក្នុងការជួយដោះស្រាយទុក្ខលំបាករបស់ប្រទេសហៃទី។
កាលពីថ្ងៃទី០៤ តុលា ព្យុះសង្ឃរា Matthews បានឆក់យកជីវិតមនុស្សដល់ទៅ៣៣០នាក់ ។ព្យុះនេះបក់បោកមកលើដែនកោះ ដោយនាំយកទាំងខ្យល់ខ្លាំង និងភ្លៀងធ្លាក់ខ្លាំង ។ ហេដ្ឋារចនាសម្ព័ន្ធជាច្រើនត្រូវបានបំផ្លាញដោយសារឥទ្ធិពលដ៍ខ្លាំងនៃព្យុះ Matthews ហើយប្រជាជនហៃទីដែលរងគ្រោះ កំពុងដង្ហើយហៅជំនួយបន្ទាន់ដែរ។ ព្យុះ Matthews នេះមានកម្លាំងខ្យល់ដល់ទៅ១៤៥ម៉ៃយ៍ក្នុងមួយម៉ោង ដែលបានបំផ្លាញផ្ទះច្រើនជាងបីពាន់ខ្នង និងបង្ខំឲ្យមនុស្សច្រើនជាងមួយម៉ឺននាក់ ចាកចេញពីផ្ទះសម្បែង ព្រមទាំងបំផ្លាញដំណាំផងដែរ៕
© រក្សាសិទ្ធិដោយ thmeythmey.com