អន្តរជាតិ
បន្ថែមពីចលនាប្រឆាំងក្នុងស្រុក ម៉ាឡេស៊ី តាមរិះគន់មីយ៉ាន់ម៉ាដល់ក្នុងផ្ទះ
19, Dec 2016 , 5:01 pm
លោករដ្ឋមន្ត្រីការបរទេសម៉ាឡេស៊ី Anifah Aman
×![]()
បន្ថែមពីចលនាពីបាតុកម្មក្នុងប្រទេស រដ្ឋាភិបាលក្រុងកូឡាឡាំពួរ នៅមុខរដ្ឋាភិបាលក្រុងណៃពីដោរ បានពណ៌នាបញ្ហាជនជាតិភាគតិចម៉ូស្លីមរ៉ូហ៊ីងយ៉ា ថាជាក្តីបារម្ភក្នុងតំបន់មួយ និងថែមទាំងទទូចឲ្យសមាគមប្រជាជាតិអាស៊ីអាគ្នេយ៍ចូលរួមសហការលើជំនួយមនុស្សធម៌ និងការស៊ើបអង្កេតលើការធ្វើទុក្ខបុកម្នេញទៅលើជនជាតិភាគតិចទាំងនោះផងដែរ។
«យើងជឿជាក់ថា បញ្ហា(ជនជាតិម៉ូស្លីមរ៉ូហ៊ីងយ៉ា) កំពុងតែក្លាយជាក្តីបារម្ភក្នុងតំបន់ ហើយ ក៏គួរតែត្រូវបានដោះស្រាយទាំងអស់គ្នាផងដែរ»។ នេះ គឺសេចក្តីថ្លែងការណ៍របស់រដ្ឋមន្ត្រីការបរទេសម៉ាឡេស៊ីលោក Anifah Aman ក្នុងកិច្ចប្រជុំរដ្ឋមន្ត្រីការបរទេសអាស៊ានក្នុងក្រុងរ៉ងហ្គូននៅថ្ងៃទី១៩ ធ្នូ ដែលត្រូវបានភ្នាក់ងារព័ត៌មាន Reuters ស្រង់ចេញពីសុន្ទរកថាក្នុងកិច្ចប្រជុំនោះ។
លោករដ្ឋមន្ត្រី ក៏បានលើកឡើងដែរថា បញ្ហានៅក្នុងរដ្ឋ Rakhine គឺជាបញ្ហាសន្តិសុខ និងស្ថិរភាពមួយនៅក្នុងតំបន់ ដោយលោក ពន្យល់ថា មានជនជាតិភាគតិចរ៉ួហ៊ីងយ៉ាប្រមាណ ៥៦០០០កំពុងតែរស់នៅប្រទេសម៉ាឡេស៊ី ដែលបានភៀសខ្លួនចេញពីមីយ៉ាន់ម៉ានៅឆ្នាំ២០១៥នោះ។ នេះបើយោងតាមប្រភពព័ត៌មានដដែលនោះ ដែលបន្តទៀតថា លោកប្រមុខការទូត ក៏បានរិះគន់ទៀតថា ដំណើរការនៃការធ្វើឲ្យមានភាពល្អប្រសើរលើសិទ្ធិរបស់ជនជាតិរ៉ូហ៊ីងយ៉ានោះ ហាក់ដូចជាយឺតយ៉ាវ។
សូមជម្រាបផងដែរថា លោកស្រីទីប្រឹក្សារដ្ឋ និងជារដ្ឋមន្ត្រីការបរទេសមីយ៉ាន់ម៉ា អ៊ុងសាន ស៊ូជីបានបើកកិច្ចប្រជុំរដ្ឋមន្ត្រីការបរទេសក្រៅផ្លូវការមួយនៅថ្ងៃទី១៩ ធ្នូ ក្នុងក្រុងរ៉ងហ្គូននេះ ក្នុងគោលដៅចែករំលែកពីព័ត៌មានលម្អិតជាមួយនឹងសមភាគីអាស៊ានលើការអភិវឌ្ឍរបស់ប្រទេសនារយៈពេលចុងក្រោយ និងជាពិសេសនោះលើជម្លោះនៅក្នុងរដ្ឋ Rakhine ដែលកំពុងតែមានចម្រូងចម្រាសខ្លាំងលើបញ្ហាសិទ្ធិមនុស្សពាក់ព័ន្ធនឹងការធ្វើបុកម្នេញទៅលើជនជាតិភាគតិចម៉ូស្លីមរ៉ូហ៊ីងយ៉ា។
កិច្ចប្រជុំនេះដែរ ធ្វើឡើងក្រោយពីមានចលនារបស់ប្រជាជនជនជាតិម៉ូស្លីមដែលមានទាំងនៅឥណ្ឌូនេស៊ី ម៉ាឡេស៊ី និងថៃ បានប្រមូលផ្តុំគ្នាបាតុកម្មដោយសន្តិវិធីដើម្បីទាមទារឲ្យរដ្ឋាភិបាលមីយ៉ាន់ម៉ាដែលកំពុងតែដឹកនាំដោយលោកស្រី ស៊ូជី បញ្ឈប់សកម្មភាពធ្វើទុកបុកម្នេញទៅលើជនជាតិភាគតិចម៉ូស្លីម រ៉ូហ៊ីងយ៉ា នៅក្នុងរដ្ឋ Rakhine ។
កិច្ចប្រជុំក្រៅផ្លូវការនេះដែរ មិនមែនជារឿងចែដន្យឡើយ។ មិនចៃដន្យនោះ ក៏ដោយសារតែនៅប៉ុន្មានថ្ងៃចុងក្រោយនេះ មីយ៉ាន់ម៉ា និងម៉ាឡេស៊ី បានមានល្ខោនឆ្លើយឆ្លងគ្នាពាក់ព័ន្ធបញ្ហារ៉ូហ៊ីងយ៉ាដែលមតិមួយចំនួនចាត់ទុកថាការមិនយល់ចិត្តគ្នា និងអាចជំរុញឲ្យអាស៊ានបែកបាក់សាមគ្គីភាពគ្នាផងដែរនោះ។ នៅថ្ងៃទី០៤ ខែធ្នូកន្លងទៅ លោកនាយករដ្ឋមន្ត្រី ណាជីប រ៉ាហ្សាក់ បានដឹកនាំបាតុកម្ម និងការប្រមូលផ្តុំសន្តិវិធីដែលមានការចូលរួមពីប្រជាជនម៉ាឡេស៊ីប្រមាណ ៥០០០នាក់ នៅក្បែរស្ថានទូតមីយ៉ាន់ម៉ា ប្រចាំកូឡាឡាំពួរក្នុងគោលដៅបង្ហាញពីការព្រួយបារម្ភទៅលើជនជាតិភាគតិចម៉ូស្លីមរ៉ូហ៊ីងនៅមីយ៉ាន់ម៉ា និងប្រឆាំងនឹងចំណាត់ការរបស់រដ្ឋាភិបាលមីយ៉ាន់ម៉ាលើក្រុមជនជាតិភាគតិចទាំងនោះ។
អ្វីដែលគួរឲ្យចាប់អារម្មណ៍នោះ នៅក្នុងចំណោមការប្រមូលផ្តុំដ៏ធំនោះ លោកនាយករដ្ឋមន្ត្រី បានលើកឡើងថា មីយ៉ាន់ម៉ា ត្រូវតែបញ្ឈប់ការបង្ក្រាបបង្ហូរឈាមលើក្រុមជនជាតិភាគតិច។ ហើយលោក ថែមទាំងប្រើពាក្យវាយប្រហារខ្លាំងទៅកាន់លោកស្រី អ៊ុងសាន ស៊ូជី ដោយលោក ចោទយ៉ាងដូច្នេះថា៖«តើអ៊ុងសាន ស៊ូជី ប្រើងារពានរង្វាន់ណូប៊ែលដើម្បីធ្វើអ្វីខ្លះ? យើងត្រូវតែ និងការពារប្រជាជនម៉ូស្លីម និងសាសនាឥស្លាម»។
កន្លងមក លោកស្រីអ៊ុងសាន ស៊ូជីវិញ ក៏ធ្លាប់ប្រាប់ឲ្យសហគមន៍អន្តរជាតិ យោបល់ និងទុកឲ្យរដ្ឋាភិបាលលោកស្រី ដោះស្រាយបញ្ហា និងថែមទាំងសុំចិត្តសហគមន៍អន្តរជាតិលើកឡើងបញ្ហាក្នុងស្រុកខ្លួនឲ្យកាន់តែធំទៀតផង។ ក្នុងកិច្ចសម្ភាសន៍ជាមួយនឹងទូរទស្សន៍សិង្ហបុរីនាពេលថ្មីៗនេះ លោកស្រីទីប្រឹក្សារដ្ឋអ៊ុងសាន ស៊ូជី ក៏បានផ្ញើសារខ្លាំងទៅកាន់មជ្ឈដ្ឋានអន្តរជាតិផងដែរ។ លោកស្រី បានបញ្ជាក់យ៉ាងដូច្នេះថា៖« ខ្ញុំ នឹងស្វាគមន៍ ប្រសិនបើ សហគមន៍អន្តរជាតិ នឹងជួយយើងដើម្បីរក្សាសន្តិភាព និងស្ថិរភាព និងធ្វើឲ្យដំណើរការនៃការកសាងទំនាក់ទំនងរវាងសហគមន៍ទាំងពីរកាន់តែល្អប្រសើរ(ក្រុមជនជាតិម៉ូស្លីមរ៉ូហ៊ីងយ៉ា និងក្រុមភាគច្រើនពុទ្ធសាសនិក) ជំនួសដោយការតែងតែការអំពាវនាវ និងការសម្តែងការខកចិត្តពីបញ្ហាជាដើមនោះ»៕
«យើងជឿជាក់ថា បញ្ហា(ជនជាតិម៉ូស្លីមរ៉ូហ៊ីងយ៉ា) កំពុងតែក្លាយជាក្តីបារម្ភក្នុងតំបន់ ហើយ ក៏គួរតែត្រូវបានដោះស្រាយទាំងអស់គ្នាផងដែរ»។ នេះ គឺសេចក្តីថ្លែងការណ៍របស់រដ្ឋមន្ត្រីការបរទេសម៉ាឡេស៊ីលោក Anifah Aman ក្នុងកិច្ចប្រជុំរដ្ឋមន្ត្រីការបរទេសអាស៊ានក្នុងក្រុងរ៉ងហ្គូននៅថ្ងៃទី១៩ ធ្នូ ដែលត្រូវបានភ្នាក់ងារព័ត៌មាន Reuters ស្រង់ចេញពីសុន្ទរកថាក្នុងកិច្ចប្រជុំនោះ។
លោករដ្ឋមន្ត្រី ក៏បានលើកឡើងដែរថា បញ្ហានៅក្នុងរដ្ឋ Rakhine គឺជាបញ្ហាសន្តិសុខ និងស្ថិរភាពមួយនៅក្នុងតំបន់ ដោយលោក ពន្យល់ថា មានជនជាតិភាគតិចរ៉ួហ៊ីងយ៉ាប្រមាណ ៥៦០០០កំពុងតែរស់នៅប្រទេសម៉ាឡេស៊ី ដែលបានភៀសខ្លួនចេញពីមីយ៉ាន់ម៉ានៅឆ្នាំ២០១៥នោះ។ នេះបើយោងតាមប្រភពព័ត៌មានដដែលនោះ ដែលបន្តទៀតថា លោកប្រមុខការទូត ក៏បានរិះគន់ទៀតថា ដំណើរការនៃការធ្វើឲ្យមានភាពល្អប្រសើរលើសិទ្ធិរបស់ជនជាតិរ៉ូហ៊ីងយ៉ានោះ ហាក់ដូចជាយឺតយ៉ាវ។
សូមជម្រាបផងដែរថា លោកស្រីទីប្រឹក្សារដ្ឋ និងជារដ្ឋមន្ត្រីការបរទេសមីយ៉ាន់ម៉ា អ៊ុងសាន ស៊ូជីបានបើកកិច្ចប្រជុំរដ្ឋមន្ត្រីការបរទេសក្រៅផ្លូវការមួយនៅថ្ងៃទី១៩ ធ្នូ ក្នុងក្រុងរ៉ងហ្គូននេះ ក្នុងគោលដៅចែករំលែកពីព័ត៌មានលម្អិតជាមួយនឹងសមភាគីអាស៊ានលើការអភិវឌ្ឍរបស់ប្រទេសនារយៈពេលចុងក្រោយ និងជាពិសេសនោះលើជម្លោះនៅក្នុងរដ្ឋ Rakhine ដែលកំពុងតែមានចម្រូងចម្រាសខ្លាំងលើបញ្ហាសិទ្ធិមនុស្សពាក់ព័ន្ធនឹងការធ្វើបុកម្នេញទៅលើជនជាតិភាគតិចម៉ូស្លីមរ៉ូហ៊ីងយ៉ា។
កិច្ចប្រជុំនេះដែរ ធ្វើឡើងក្រោយពីមានចលនារបស់ប្រជាជនជនជាតិម៉ូស្លីមដែលមានទាំងនៅឥណ្ឌូនេស៊ី ម៉ាឡេស៊ី និងថៃ បានប្រមូលផ្តុំគ្នាបាតុកម្មដោយសន្តិវិធីដើម្បីទាមទារឲ្យរដ្ឋាភិបាលមីយ៉ាន់ម៉ាដែលកំពុងតែដឹកនាំដោយលោកស្រី ស៊ូជី បញ្ឈប់សកម្មភាពធ្វើទុកបុកម្នេញទៅលើជនជាតិភាគតិចម៉ូស្លីម រ៉ូហ៊ីងយ៉ា នៅក្នុងរដ្ឋ Rakhine ។
កិច្ចប្រជុំក្រៅផ្លូវការនេះដែរ មិនមែនជារឿងចែដន្យឡើយ។ មិនចៃដន្យនោះ ក៏ដោយសារតែនៅប៉ុន្មានថ្ងៃចុងក្រោយនេះ មីយ៉ាន់ម៉ា និងម៉ាឡេស៊ី បានមានល្ខោនឆ្លើយឆ្លងគ្នាពាក់ព័ន្ធបញ្ហារ៉ូហ៊ីងយ៉ាដែលមតិមួយចំនួនចាត់ទុកថាការមិនយល់ចិត្តគ្នា និងអាចជំរុញឲ្យអាស៊ានបែកបាក់សាមគ្គីភាពគ្នាផងដែរនោះ។ នៅថ្ងៃទី០៤ ខែធ្នូកន្លងទៅ លោកនាយករដ្ឋមន្ត្រី ណាជីប រ៉ាហ្សាក់ បានដឹកនាំបាតុកម្ម និងការប្រមូលផ្តុំសន្តិវិធីដែលមានការចូលរួមពីប្រជាជនម៉ាឡេស៊ីប្រមាណ ៥០០០នាក់ នៅក្បែរស្ថានទូតមីយ៉ាន់ម៉ា ប្រចាំកូឡាឡាំពួរក្នុងគោលដៅបង្ហាញពីការព្រួយបារម្ភទៅលើជនជាតិភាគតិចម៉ូស្លីមរ៉ូហ៊ីងនៅមីយ៉ាន់ម៉ា និងប្រឆាំងនឹងចំណាត់ការរបស់រដ្ឋាភិបាលមីយ៉ាន់ម៉ាលើក្រុមជនជាតិភាគតិចទាំងនោះ។
អ្វីដែលគួរឲ្យចាប់អារម្មណ៍នោះ នៅក្នុងចំណោមការប្រមូលផ្តុំដ៏ធំនោះ លោកនាយករដ្ឋមន្ត្រី បានលើកឡើងថា មីយ៉ាន់ម៉ា ត្រូវតែបញ្ឈប់ការបង្ក្រាបបង្ហូរឈាមលើក្រុមជនជាតិភាគតិច។ ហើយលោក ថែមទាំងប្រើពាក្យវាយប្រហារខ្លាំងទៅកាន់លោកស្រី អ៊ុងសាន ស៊ូជី ដោយលោក ចោទយ៉ាងដូច្នេះថា៖«តើអ៊ុងសាន ស៊ូជី ប្រើងារពានរង្វាន់ណូប៊ែលដើម្បីធ្វើអ្វីខ្លះ? យើងត្រូវតែ និងការពារប្រជាជនម៉ូស្លីម និងសាសនាឥស្លាម»។
កន្លងមក លោកស្រីអ៊ុងសាន ស៊ូជីវិញ ក៏ធ្លាប់ប្រាប់ឲ្យសហគមន៍អន្តរជាតិ យោបល់ និងទុកឲ្យរដ្ឋាភិបាលលោកស្រី ដោះស្រាយបញ្ហា និងថែមទាំងសុំចិត្តសហគមន៍អន្តរជាតិលើកឡើងបញ្ហាក្នុងស្រុកខ្លួនឲ្យកាន់តែធំទៀតផង។ ក្នុងកិច្ចសម្ភាសន៍ជាមួយនឹងទូរទស្សន៍សិង្ហបុរីនាពេលថ្មីៗនេះ លោកស្រីទីប្រឹក្សារដ្ឋអ៊ុងសាន ស៊ូជី ក៏បានផ្ញើសារខ្លាំងទៅកាន់មជ្ឈដ្ឋានអន្តរជាតិផងដែរ។ លោកស្រី បានបញ្ជាក់យ៉ាងដូច្នេះថា៖« ខ្ញុំ នឹងស្វាគមន៍ ប្រសិនបើ សហគមន៍អន្តរជាតិ នឹងជួយយើងដើម្បីរក្សាសន្តិភាព និងស្ថិរភាព និងធ្វើឲ្យដំណើរការនៃការកសាងទំនាក់ទំនងរវាងសហគមន៍ទាំងពីរកាន់តែល្អប្រសើរ(ក្រុមជនជាតិម៉ូស្លីមរ៉ូហ៊ីងយ៉ា និងក្រុមភាគច្រើនពុទ្ធសាសនិក) ជំនួសដោយការតែងតែការអំពាវនាវ និងការសម្តែងការខកចិត្តពីបញ្ហាជាដើមនោះ»៕
Tag:
ម៉ាឡេស៊ី
មីយ៉ាន់ម៉ា
រ៉ូហ៊ីងយ៉ា
© រក្សាសិទ្ធិដោយ thmeythmey.com
