អន្តរជាតិ
បេក្ខភាពរដ្ឋមន្ត្រីការងាររបស់លោក ត្រាំ ដកខ្លួនមុន ព្រោះដឹងថាមិនអាចឈ្នះការគាំទ្រពីព្រឹទ្ធសភា
16, Feb 2017 , 10:59 pm
លោក Andy Puzder ជួបជាមួយប្រធានាធិបតី ដូណាល់ ត្រាំ
×![]()
ដោយ: តន ចាន់រិទ្ធារ៉ា
រដ្ឋាភិបាលរបស់ប្រធានាធិបតី ដូណាល់ ត្រាំ ទើបតែមានរដ្ឋមន្ត្រីប៉ុន្មានរូបប៉ុណ្ណោះ ចាប់តាំងពីលោកស្បថចូលកាន់តំណែងកាលពីថ្ងៃទី២០ ខែមករា។ ព្រឹទ្ធសភាអាមេរិក ដែលទទួលបន្ទុកត្រួតពិនិត្យ និងបោះឆ្នោតលើបេក្ខភាពរដ្ឋមន្ត្រីនីមួយៗ បានបង្កើនការរឹតបន្តឹងបេក្ខភាពដែលប្រធានាធិបតី ត្រាំ បានជ្រើសរើស និងបញ្ជូនឈ្មោះមក។ ដោយសាររឿងនេះ Andrew Puzder ក៏បានដកខ្លួនជា បេក្ខជនរដ្ឋមន្ត្រីការងារ ដ្បិតលោកមានរឿងអាស្រូវច្រើន ដែលមិនអាចទទួលការគាំទ្រពីព្រឹទ្ធសភាបាន។
មហាសេដ្ឋីភោជនីយដ្ឋាន Andrew Puzder ដែលត្រូវបានប្រធានាធិបតី ដូណាល់ ត្រាំ ផ្ដល់ទំនុកចិត្តសម្រាប់បេក្ខភាពតំណែងរដ្ឋមន្ត្រីការងារ បានសម្រេចចិត្តដកខ្លួនវិញ ស្របពេលមានការបារម្ភថា លោកមិនអាចឆ្លងផុតដំណាក់កាលបោះឆ្នោតនៅព្រឹទ្ធសភាឡើយ។ ការដកខ្លួនរបស់លោក Andrew Puzder គឺជាការវាយប្រហារមួយទៀតលើលោក ត្រាំ ដែលមិនទាន់មានរដ្ឋមន្ត្រីគ្រប់គ្រាន់ និងកំពុងប្រឈមមុខបញ្ហាមន្ត្រីលាលែងដោយសាររឿងអាស្រូវ។
លោក Andrew Puzder ដែលជានាយកប្រតិបត្តិក្រុមហ៊ុន CKE Restaurants Inc ចោមរោមដោយបញ្ហាជាច្រើន។ បើតាមទីភ្នាក់ងារព័ត៌មាន Reuters កាលពីខែមុន លោក Puzder សារភាពថា លោកនិងភរិយា បានជួលស្ត្រីគ្មានឯកសារមកធ្វើការក្នុងផ្ទះ។ លើសពីនេះ លោកក៏ប្រឈមមុខការតវ៉ាផ្លូវច្បាប់ជាច្រើនពីសំណាក់កម្មករប្រឆាំងក្រុមហ៊ុនរកស៊ីរបស់លោកទៀតផង។
ក្នុងសេចក្ដីប្រកាសថ្ងៃទី១៥ ខែកុម្ភៈ លោក Puzder និយាយថា៖ «បន្ទាប់ពីការពិភាក្សា និងការពិចារណាដិតដល់ជាមួយគ្រួសារ ខ្ញុំសម្រេចចិត្តដកខ្លួនជាបេក្ខភាពរដ្ឋមន្ត្រីការងារ»។ ការដកបេក្ខភាពនេះ ធ្វើឡើងតែមួយថ្ងៃមុនពេលព្រឹទ្ធសភាអាមេរិកបើកកិច្ចប្រជុំអនុម័តបេក្ខភាពរបស់លោក។ យ៉ាងតិចណាស់ សមាជិកព្រឹទ្ធសភាចំនួន៧នាក់មកពីបក្សសាធារណរដ្ឋ បានប្រកាសទុកមុនហើយថា ពួកគេប្រឆាំងបេក្ខភាពលោក Puzder ។
ច្បាស់ណាស់ថា លោក Puzder ដឹងខ្លួនមិនអាចទទួលសំឡេងគាំទ្រគ្រប់គ្រាន់ពីសមាជិកព្រឹទ្ធសភា ទើបសម្រេចចិត្តដកខ្លួនមុន។ នេះក៏ព្រោះតែសមាជិកព្រឹទ្ធសភា ជាពិសេសក្រុមប្រជាធិបតេយ្យ បានដាក់សម្ពាធខ្លាំងលើបេក្ខភាពសមាសភាពនីមួយៗរបស់រដ្ឋាភិបាលលោក ត្រាំ មុននឹងបោះឆ្នោតសម្រេច។ រដ្ឋមន្ត្រីភាគច្រើនរបស់លោក ត្រាំ ដែលឆ្លងផុតពីដៃព្រឹទ្ធសភា ស្ទើរតែមិនអាចទទួលបានសំឡេងគ្រប់គ្រាន់បានពីសមាជិកព្រឹទ្ធសភា។
ជាក់ស្ដែងនោះ លោកស្រី Betsy DeVos សមាជិកជាន់ខ្ពស់បក្សសាធារណរដ្ឋ ស្ទើរតែមិនអាចក្លាយជា រដ្ឋមន្ត្រីអប់រំថ្មីបានទៅហើយ។ ក្នុងចំណោមសមាជិកព្រឹទ្ធសភាសាធារណរដ្ឋ៥២នាក់ លោកស្រី ទទួលបានការគាំទ្រចំនួន៥០ ខណៈ២នាក់ទៀតបោះឆ្នោតព្រមគ្នាជាមួយសមាជិកព្រឹទ្ធសភាប្រជាធិបតេយ្យ៤៨នាក់។ ជាមួយសំឡេងឆ្នោត៥០-៥០ អនុប្រធានាធិបតី Mike Pence ដែលជាប្រធានព្រឹទ្ធសភាដែរនោះ បានបោះឆ្នោតចុងក្រោយ១សំឡេងគាំទ្រលោកស្រី DeVos តែម្ដង៕
មហាសេដ្ឋីភោជនីយដ្ឋាន Andrew Puzder ដែលត្រូវបានប្រធានាធិបតី ដូណាល់ ត្រាំ ផ្ដល់ទំនុកចិត្តសម្រាប់បេក្ខភាពតំណែងរដ្ឋមន្ត្រីការងារ បានសម្រេចចិត្តដកខ្លួនវិញ ស្របពេលមានការបារម្ភថា លោកមិនអាចឆ្លងផុតដំណាក់កាលបោះឆ្នោតនៅព្រឹទ្ធសភាឡើយ។ ការដកខ្លួនរបស់លោក Andrew Puzder គឺជាការវាយប្រហារមួយទៀតលើលោក ត្រាំ ដែលមិនទាន់មានរដ្ឋមន្ត្រីគ្រប់គ្រាន់ និងកំពុងប្រឈមមុខបញ្ហាមន្ត្រីលាលែងដោយសាររឿងអាស្រូវ។
លោក Andrew Puzder ដែលជានាយកប្រតិបត្តិក្រុមហ៊ុន CKE Restaurants Inc ចោមរោមដោយបញ្ហាជាច្រើន។ បើតាមទីភ្នាក់ងារព័ត៌មាន Reuters កាលពីខែមុន លោក Puzder សារភាពថា លោកនិងភរិយា បានជួលស្ត្រីគ្មានឯកសារមកធ្វើការក្នុងផ្ទះ។ លើសពីនេះ លោកក៏ប្រឈមមុខការតវ៉ាផ្លូវច្បាប់ជាច្រើនពីសំណាក់កម្មករប្រឆាំងក្រុមហ៊ុនរកស៊ីរបស់លោកទៀតផង។
ក្នុងសេចក្ដីប្រកាសថ្ងៃទី១៥ ខែកុម្ភៈ លោក Puzder និយាយថា៖ «បន្ទាប់ពីការពិភាក្សា និងការពិចារណាដិតដល់ជាមួយគ្រួសារ ខ្ញុំសម្រេចចិត្តដកខ្លួនជាបេក្ខភាពរដ្ឋមន្ត្រីការងារ»។ ការដកបេក្ខភាពនេះ ធ្វើឡើងតែមួយថ្ងៃមុនពេលព្រឹទ្ធសភាអាមេរិកបើកកិច្ចប្រជុំអនុម័តបេក្ខភាពរបស់លោក។ យ៉ាងតិចណាស់ សមាជិកព្រឹទ្ធសភាចំនួន៧នាក់មកពីបក្សសាធារណរដ្ឋ បានប្រកាសទុកមុនហើយថា ពួកគេប្រឆាំងបេក្ខភាពលោក Puzder ។
ច្បាស់ណាស់ថា លោក Puzder ដឹងខ្លួនមិនអាចទទួលសំឡេងគាំទ្រគ្រប់គ្រាន់ពីសមាជិកព្រឹទ្ធសភា ទើបសម្រេចចិត្តដកខ្លួនមុន។ នេះក៏ព្រោះតែសមាជិកព្រឹទ្ធសភា ជាពិសេសក្រុមប្រជាធិបតេយ្យ បានដាក់សម្ពាធខ្លាំងលើបេក្ខភាពសមាសភាពនីមួយៗរបស់រដ្ឋាភិបាលលោក ត្រាំ មុននឹងបោះឆ្នោតសម្រេច។ រដ្ឋមន្ត្រីភាគច្រើនរបស់លោក ត្រាំ ដែលឆ្លងផុតពីដៃព្រឹទ្ធសភា ស្ទើរតែមិនអាចទទួលបានសំឡេងគ្រប់គ្រាន់បានពីសមាជិកព្រឹទ្ធសភា។
ជាក់ស្ដែងនោះ លោកស្រី Betsy DeVos សមាជិកជាន់ខ្ពស់បក្សសាធារណរដ្ឋ ស្ទើរតែមិនអាចក្លាយជា រដ្ឋមន្ត្រីអប់រំថ្មីបានទៅហើយ។ ក្នុងចំណោមសមាជិកព្រឹទ្ធសភាសាធារណរដ្ឋ៥២នាក់ លោកស្រី ទទួលបានការគាំទ្រចំនួន៥០ ខណៈ២នាក់ទៀតបោះឆ្នោតព្រមគ្នាជាមួយសមាជិកព្រឹទ្ធសភាប្រជាធិបតេយ្យ៤៨នាក់។ ជាមួយសំឡេងឆ្នោត៥០-៥០ អនុប្រធានាធិបតី Mike Pence ដែលជាប្រធានព្រឹទ្ធសភាដែរនោះ បានបោះឆ្នោតចុងក្រោយ១សំឡេងគាំទ្រលោកស្រី DeVos តែម្ដង៕
Tag:
ដូណាល់ ត្រាំ
អាមេរិក
Andrew Puzder
© រក្សាសិទ្ធិដោយ thmeythmey.com
