អន្តរជាតិ
រុស្ស៊ី ចង់ជួយហ្វីលីពីនហ្វឹកហ្វឺនអង្គរក្សការពារលោកប្រធានាធិបតី Duterte
17, Feb 2017 , 2:11 pm
ប្រធានាធិបតីហ្វីលីពីន ជួបប្រធានាធិបតីរុស្ស៊ី នៅប៉េរូ ចុងឆ្នាំ២០១៦
×![]()
ទីប្រឹក្សាជាន់ខ្ពស់សន្តិសុខរុស្ស៊ី នៅថ្ងៃ១៦ កុម្ភៈ បានបង្ហាញចេតនាក្នុងការផ្តល់លទ្ធភាពដល់ហ្វីលីពីនក្នុងការអាចដំណើរការរបាយការណ៍ចារកម្មមួយរួមគ្នាដើម្បីប្រយុទ្ធប្រឆាំងបទល្មើស និងក្រុមឧទ្ទាម និងថែមទាំងផ្តល់វគ្គហ្វឹកហ្វឺនសម្រាប់កងកម្លាំងពិសេសហ្វីលីពីនដែលត្រូវបានចាត់តាំងឲ្យការពារប្រធានាធិបតី រ៉ូឌ្រីហ្គូ ឌើទើតេ (Rodrigo Duterte)។
លោក Nikolai Patrushev មន្ត្រីជាន់ខ្ពស់ក្រុមប្រឹក្សាសន្តិសុខរុស្ស៊ី និងជាអ្នកប្រឹក្សាជាន់ខ្ពស់របស់លោកប្រធានាធិបតី Vladimir Putin បានសន្យាផ្តល់លទ្ធភាពឲ្យហ្វីលីពីនអាចចូលប្រើប្រាស់របាយការណ៍ចារកម្ម និងវគ្គហ្វឹកហ្វឺនសម្រាប់កងអង្គរក្សប្រធានាធិបតីហ្វីលីពីន។ ការសន្យានេះ ធ្វើឡើងក្នុងជំនួបជាមួយនឹងមន្ត្រីជាន់ខ្ពស់សន្តិសុខហ្វីលីពីនក្នុងក្រុងដាវ៉ាវ ដែលជាកន្លែងដែលមន្ត្រីសន្តិសុខជាន់ខ្ពស់រុស្ស៊ីរូបនោះ ក៏បានបំពេញទស្សនកិច្ចនៅផ្ទះរបស់លោក Duterte ផងដែរនោះ។ នេះបើយោងតាមការចុះផ្សាយរបស់ភ្នាក់ងារព័ត៌មាន Reuters។
ជុំវិញបញ្ហានេះ លោករដ្ឋមន្ត្រីការពារជាតិហ្វីលីពីន Delfin Lorenzana ក៏បានឲ្យដឹងដែលថា រុស្ស៊ី បានអញ្ជើញហ្វីលីពីន ដើម្បីចូលរូមប្រើប្រាស់ប្រព័ន្ធទិន្នន័យរួមមួយជាមួយគ្នាដើម្បីជំរុញកិច្ចការប្រយុទ្ធប្រឆាំងបទល្មើសឆ្លងដែន និងភេរវកម្ម ដែលលោក ប្រមុខការពារជាតិរូបនោះ ជឿជាក់ថា នឹងអាចជួយតាមដានក្រុមសកម្មប្រយុទ្ធ និងចរន្តហិរញ្ញវត្ថុរបស់ពួកគេ។
សំណើរបស់រុស្ស៊ីក្នុងការចង់បង្កើតឲ្យមានប្រព័ន្ធទិន្នន័យជាមួយនឹងហ្វីលីពីនពាក់ព័ន្ធនឹងបញ្ហាសន្តិសុខ គឺជាគោលនយោបាយបរទេសមួយដ៏ឆ្លាតរបស់រុស្ស៊ី ដ្បិត វត្តមានរបស់រុស្ស៊ី ធ្វើឡើងចំពេលដែល ហ្វីលីពីន កំពុងតែមានភាពប្រះឆាក្នុងកិច្ចសហប្រតិបត្តិការជាមួយនឹងអាមេរិក។ កន្លងមក អាមេរិក បានដើរតួនាទីយ៉ាងសំខាន់ ក្នុងការការពារសន្តិសុខក្នុងស្រុកហ្វីលីពីនប្រយុទ្ធប្រឆាំងនឹងភេរវកម្ម ដ្បិត មានកងទ័ពអាមេរិកជាច្រើន ក៏ឈរជើងនៅទឹកដីហ្វីលីពីន។
យ៉ាងណាក៏ដោយ ក្រោយលោកប្រធានាធិបតី រ៉ូឌ្រីហ្គូ ឌើទើតេ ឡើងកាន់អំណាចមក ទំនាក់ទំនងទ្វេភាគីហ្វីលីពីន និងអាមេរិក ជាពិសេសកិច្ចសហប្រតិបត្តិការការពារជាតិ បានផ្លាស់ប្តូរ ដោយ ហ្វីលីពីន ហ៊ានទាំងថ្លែងថា ចង់ផ្អាក និងផ្តាច់ទំនាក់ទំនងនេះទៀតផង ដ្បិត ហ្វីលីពីន មិនសប្បាយចិត្តនឹងអាមេរិកដែលរិះគន់ខ្លួនពីបញ្ហាសិទ្ធិមនុស្សនោះ។
ខណៈមិនឲ្យតម្លៃទំនាក់ទំនងជាមួយនឹងអាមេរិក ហ្វីលីពីន បានសរសើរចិន និងរុស្ស៊ី ជាពិសេសនោះ ប្រធានាធិបតី Duterte បានសរសើរពីភាពដឹកនាំរបស់លោកប្រធានាធិបតី Putin ទៀតផង។ ហើយនៅខែឧសភាខាងមុខនេះ លោក Duterte នឹងបំពេញទស្សនកិច្ចទៅកាន់រុស្ស៊ីជាលើកដំបូងតបតាមការអញ្ជើញរបស់លោក Putin ផងដែរ៕
លោក Nikolai Patrushev មន្ត្រីជាន់ខ្ពស់ក្រុមប្រឹក្សាសន្តិសុខរុស្ស៊ី និងជាអ្នកប្រឹក្សាជាន់ខ្ពស់របស់លោកប្រធានាធិបតី Vladimir Putin បានសន្យាផ្តល់លទ្ធភាពឲ្យហ្វីលីពីនអាចចូលប្រើប្រាស់របាយការណ៍ចារកម្ម និងវគ្គហ្វឹកហ្វឺនសម្រាប់កងអង្គរក្សប្រធានាធិបតីហ្វីលីពីន។ ការសន្យានេះ ធ្វើឡើងក្នុងជំនួបជាមួយនឹងមន្ត្រីជាន់ខ្ពស់សន្តិសុខហ្វីលីពីនក្នុងក្រុងដាវ៉ាវ ដែលជាកន្លែងដែលមន្ត្រីសន្តិសុខជាន់ខ្ពស់រុស្ស៊ីរូបនោះ ក៏បានបំពេញទស្សនកិច្ចនៅផ្ទះរបស់លោក Duterte ផងដែរនោះ។ នេះបើយោងតាមការចុះផ្សាយរបស់ភ្នាក់ងារព័ត៌មាន Reuters។
ជុំវិញបញ្ហានេះ លោករដ្ឋមន្ត្រីការពារជាតិហ្វីលីពីន Delfin Lorenzana ក៏បានឲ្យដឹងដែលថា រុស្ស៊ី បានអញ្ជើញហ្វីលីពីន ដើម្បីចូលរូមប្រើប្រាស់ប្រព័ន្ធទិន្នន័យរួមមួយជាមួយគ្នាដើម្បីជំរុញកិច្ចការប្រយុទ្ធប្រឆាំងបទល្មើសឆ្លងដែន និងភេរវកម្ម ដែលលោក ប្រមុខការពារជាតិរូបនោះ ជឿជាក់ថា នឹងអាចជួយតាមដានក្រុមសកម្មប្រយុទ្ធ និងចរន្តហិរញ្ញវត្ថុរបស់ពួកគេ។
សំណើរបស់រុស្ស៊ីក្នុងការចង់បង្កើតឲ្យមានប្រព័ន្ធទិន្នន័យជាមួយនឹងហ្វីលីពីនពាក់ព័ន្ធនឹងបញ្ហាសន្តិសុខ គឺជាគោលនយោបាយបរទេសមួយដ៏ឆ្លាតរបស់រុស្ស៊ី ដ្បិត វត្តមានរបស់រុស្ស៊ី ធ្វើឡើងចំពេលដែល ហ្វីលីពីន កំពុងតែមានភាពប្រះឆាក្នុងកិច្ចសហប្រតិបត្តិការជាមួយនឹងអាមេរិក។ កន្លងមក អាមេរិក បានដើរតួនាទីយ៉ាងសំខាន់ ក្នុងការការពារសន្តិសុខក្នុងស្រុកហ្វីលីពីនប្រយុទ្ធប្រឆាំងនឹងភេរវកម្ម ដ្បិត មានកងទ័ពអាមេរិកជាច្រើន ក៏ឈរជើងនៅទឹកដីហ្វីលីពីន។
យ៉ាងណាក៏ដោយ ក្រោយលោកប្រធានាធិបតី រ៉ូឌ្រីហ្គូ ឌើទើតេ ឡើងកាន់អំណាចមក ទំនាក់ទំនងទ្វេភាគីហ្វីលីពីន និងអាមេរិក ជាពិសេសកិច្ចសហប្រតិបត្តិការការពារជាតិ បានផ្លាស់ប្តូរ ដោយ ហ្វីលីពីន ហ៊ានទាំងថ្លែងថា ចង់ផ្អាក និងផ្តាច់ទំនាក់ទំនងនេះទៀតផង ដ្បិត ហ្វីលីពីន មិនសប្បាយចិត្តនឹងអាមេរិកដែលរិះគន់ខ្លួនពីបញ្ហាសិទ្ធិមនុស្សនោះ។
ខណៈមិនឲ្យតម្លៃទំនាក់ទំនងជាមួយនឹងអាមេរិក ហ្វីលីពីន បានសរសើរចិន និងរុស្ស៊ី ជាពិសេសនោះ ប្រធានាធិបតី Duterte បានសរសើរពីភាពដឹកនាំរបស់លោកប្រធានាធិបតី Putin ទៀតផង។ ហើយនៅខែឧសភាខាងមុខនេះ លោក Duterte នឹងបំពេញទស្សនកិច្ចទៅកាន់រុស្ស៊ីជាលើកដំបូងតបតាមការអញ្ជើញរបស់លោក Putin ផងដែរ៕
Tag:
រុស្ស៊ី
ហ្វីលីពីន
© រក្សាសិទ្ធិដោយ thmeythmey.com
