ប្លែកៗ
អន្តរជាតិ
ការសិក្សា៖ អត្រារួមភេទរបស់គូស្វាមី-ភរិយាជនជាតិជប៉ុន ធ្លាក់ចុះ
18, Feb 2017 , 7:39 pm
×![]()
ដោយ: ធីតា
ការសិក្សាមួយ បានបង្ហាញថា គូស្វាមីភរិយាជនជាតិជប៉ុន មានទំនាក់ទំនងផ្លូវភេទគ្នាកាន់តែតិចបំផុតដែលមិនធ្លាប់មានពីមុន។ វាជាកំណត់ត្រាថ្មីមួយបន្ថែមទៀត បន្ទាប់ពីជប៉ុនជាប់ជាប្រទេសមួយដែលមានអត្រាកំណើតទាបជាងគេលើពិភពលោក។
សមាគមស្រាវជ្រាវគម្រោងគ្រួសាររបស់ជប៉ុន (JFPA) បានបង្ហាញលទ្ធផលនៃការស្ទង់មតិលើជីវិតឯកជនរបស់បុរស និងនារី ដែលរៀបអាពាហ៍ពិពាហ៍រួចហើយ ចំនួន៦៥៥នាក់ អាយុចន្លោះពី១៨ ទៅ៤៩ឆ្នាំ។ វាជាផ្នែកមួយនៃគម្រោងស្រាវជ្រាវប្រចាំឆ្នាំរបស់វិទ្យាស្ថានសាធារណៈនេះ នៅក្នុងឆ្នាំ២០១៦ ។
យោងតាមលទ្ធផល បុរស៤៧,៣ភាគរយ និងស្ត្រី៤៧,១ភាគរយ បានឆ្លើយថា ពួកគេមិនមានទំនាក់ទំនងផ្លូវភេទឡើយជាមួយភរិយា ឬ ស្វាមី របស់ខ្លួន កាលពីខែមុន [មួយខែមុនការស្ទង់មតិ]។ JFPA បានប្រៀបធៀបឃើញថា ជនជាតិជប៉ុនដែលមិនចាប់អារម្មណ៍រឿងរួមភេទ កាន់តែច្រើន ពោលពី៣១,៩ភាគរយនៅឆ្នាំ២០០៤ ឡើងដល់ទៅជិតពាក់កណ្តាលក្នុងចំណោមអ្នករៀបការរួច។
ទាក់ទងនឹងការមិនអើពើរឿងលើគ្រែ បុរស៣៥,២ភាគរយឆ្លើយថា មកពីអស់កម្លាំងដោយសារការងារ ហើយ១២,៨ភាគរយ និយាយថា ពួកគេចាត់ទុកភរិយាជាសមាជិកគ្រួសារម្នាក់ជាជាងជាដៃគូរួមភេទ។
ចំពោះស្ត្រីវិញ ២២,៣ភាគរយ និយាយថា ការរួមភេទជាការងារដ៏រវល់មួយ និង២០,១ភាគរយ មិនបានបញ្ជាក់ពីមូលហេតុច្បាស់លាស់ឡើង ដោយគ្រាន់តែលើកឡើងថា អត្រារួមភេទធ្លាក់ចុះបន្ទាប់ពីសម្រាលកូនរួច។
ជប៉ុននាំមុខអាល្លឺម៉ង់ ក្នុងនាមជាប្រទេសដែលមានអត្រាកំណើតទាបជាងគេក្នុងពិភពលោក ដោយស្ត្រីមានកូនជាមធ្យម ១,៤ក្នុងមួយឆាកជីវិតរបស់ពួកគេ ហើយគូស្វាមីភរិយាដែលរៀបការចន្លោះពី១៥ឆ្នាំទៅ១៩ឆ្នាំ ផ្តល់កំណើតក្នុងអាត្រា ១,៩៤ នាក់ជាមធ្យម៕
សមាគមស្រាវជ្រាវគម្រោងគ្រួសាររបស់ជប៉ុន (JFPA) បានបង្ហាញលទ្ធផលនៃការស្ទង់មតិលើជីវិតឯកជនរបស់បុរស និងនារី ដែលរៀបអាពាហ៍ពិពាហ៍រួចហើយ ចំនួន៦៥៥នាក់ អាយុចន្លោះពី១៨ ទៅ៤៩ឆ្នាំ។ វាជាផ្នែកមួយនៃគម្រោងស្រាវជ្រាវប្រចាំឆ្នាំរបស់វិទ្យាស្ថានសាធារណៈនេះ នៅក្នុងឆ្នាំ២០១៦ ។
យោងតាមលទ្ធផល បុរស៤៧,៣ភាគរយ និងស្ត្រី៤៧,១ភាគរយ បានឆ្លើយថា ពួកគេមិនមានទំនាក់ទំនងផ្លូវភេទឡើយជាមួយភរិយា ឬ ស្វាមី របស់ខ្លួន កាលពីខែមុន [មួយខែមុនការស្ទង់មតិ]។ JFPA បានប្រៀបធៀបឃើញថា ជនជាតិជប៉ុនដែលមិនចាប់អារម្មណ៍រឿងរួមភេទ កាន់តែច្រើន ពោលពី៣១,៩ភាគរយនៅឆ្នាំ២០០៤ ឡើងដល់ទៅជិតពាក់កណ្តាលក្នុងចំណោមអ្នករៀបការរួច។
ទាក់ទងនឹងការមិនអើពើរឿងលើគ្រែ បុរស៣៥,២ភាគរយឆ្លើយថា មកពីអស់កម្លាំងដោយសារការងារ ហើយ១២,៨ភាគរយ និយាយថា ពួកគេចាត់ទុកភរិយាជាសមាជិកគ្រួសារម្នាក់ជាជាងជាដៃគូរួមភេទ។
ចំពោះស្ត្រីវិញ ២២,៣ភាគរយ និយាយថា ការរួមភេទជាការងារដ៏រវល់មួយ និង២០,១ភាគរយ មិនបានបញ្ជាក់ពីមូលហេតុច្បាស់លាស់ឡើង ដោយគ្រាន់តែលើកឡើងថា អត្រារួមភេទធ្លាក់ចុះបន្ទាប់ពីសម្រាលកូនរួច។
ជប៉ុននាំមុខអាល្លឺម៉ង់ ក្នុងនាមជាប្រទេសដែលមានអត្រាកំណើតទាបជាងគេក្នុងពិភពលោក ដោយស្ត្រីមានកូនជាមធ្យម ១,៤ក្នុងមួយឆាកជីវិតរបស់ពួកគេ ហើយគូស្វាមីភរិយាដែលរៀបការចន្លោះពី១៥ឆ្នាំទៅ១៩ឆ្នាំ ផ្តល់កំណើតក្នុងអាត្រា ១,៩៤ នាក់ជាមធ្យម៕
Tag:
ប្លែកៗ
អាពាហ៍ពិពាហ៍
ជប៉ុន
© រក្សាសិទ្ធិដោយ thmeythmey.com
