ខ្មែរក្រហម
ជាតិ
មេធាវី៖ សុខភាពលោកអៀង សារីនៅតែមិនប្រសើរ 12, Mar 2013 , 1:21 pm
![ជនជាប់ចោទ អៀង សារី ក្នុងសវនាការកន្លងមក រូបថត៖ សាលាក្តី](https://image.thmeythmey.com/pictures/2013/03/12/thumb2/14.JPG)
ជនជាប់ចោទ អៀង សារី ក្នុងសវនាការកន្លងមក រូបថត៖ សាលាក្តី
×![]()
![លោក អាង ឧត្តម សហមេធាវីជាតិរបស់លោកអៀង សារី រូបថត៖ សាលាក្តី](https://image.thmeythmey.com/pictures/2013/03/12/thumb2/ang_udom.jpg)
លោក អាង ឧត្តម សហមេធាវីជាតិរបស់លោកអៀង សារី រូបថត៖ សាលាក្តី
×![]()
៩ថ្ងៃហើយគិតមកដល់ថ្ងៃអង្គារទី១២មិនានេះដែលជនជាប់ចោទនៃសាលាក្តីខ្មែរក្រហម អៀង សារី បានសម្រាកព្យាបាលនៅមន្ទីរពេទ្យមិត្តភាពខ្មែរសូវៀត។
សហមេធាវីជាតិ លោក អាង ឧត្តមដែលអះអាងថា លោកបានទៅសួរសុខទុក្ខកូនក្តីរបស់លោកជារៀងរាល់ថ្ងៃនោះ បានប្រាប់អោយដឹងនៅថ្ងៃនេះថា ស្ថានភាពសុខភាពលោកអៀង សារីមិនបានប្រសើរឡើងសោះ។
ថ្លែងប្រាប់គេហទំព័រថ្មីៗ លោកមេធាវីបានអត្ថាធិប្បាយយ៉ាងដូច្នេះ៖«មើលទៅ នៅធ្ងន់ធ្ងរដដែល។ មិនមានភាពប្រសើរសោះ។ ខ្ញុំព្រួយបារម្ភអំពីសុខភាពគាត់»។
លោកអៀង សារីត្រូវបានបញ្ជូនមកមន្ទីរពេទ្យកាលពី ថ្ងៃទី៤មិនា។ លោកមេធាវីអាង ឧត្តមធ្លាប់បានប្រាប់ថា កូនក្តីរបស់លោកចុងក្រោយនេះ ដែលបរិភោគមិនបាន មានអាការៈហត់ខ្លាំង និយាយមិនបាន។
© រក្សាសិទ្ធិដោយ thmeythmey.com