ខ្មែរក្រហម
ជាតិ
សាលាក្តីខ្មែរក្រហម៖ បុគ្គលិកជាតិនឹងទទួលបានប្រាក់ខែសម្រាប់ខែធ្នូ 14, Mar 2013 , 1:09 pm
![លោក នេត្រ ភត្រា អ្នកនាំពាក្យសាលាក្តីខ្មែរក្រហម](https://image.thmeythmey.com/pictures/2013/03/14/thumb2/Neth_Pheaktra.jpg)
លោក នេត្រ ភត្រា អ្នកនាំពាក្យសាលាក្តីខ្មែរក្រហម
×![]()
លោក នេត្រ ភត្រា អ្នកនាំពាក្យសាលាក្តីខ្មែរក្រហម បានបញ្ជាក់ឲ្យដឹងនៅថ្ងៃនេះ ថា បុគ្គលិកជាតិទាំងអស់នឹងទទួលបានប្រាក់ខែប្រចាំខែធ្នូរបស់ខ្លួន ហើយពួកគេបានព្រមព្រៀងចូលធ្វើការវិញនៅថ្ងៃទី១៨ ខែមីនា ខាងមុខ។
សាច់ប្រាក់នេះអាចដោះស្រាយបញ្ហារបស់បុគ្គលិកផ្នែកជាតិរបស់សាលាក្តីខ្មែរក្រហម ដែលបានធ្វើកូតកម្មជាបន្តបន្ទាប់ ដោយសារតែពួកគេធ្វើការដោយអត់ប្រាក់ខែអស់រយៈពេល៣ខែមកហើយ។ ការធ្វើកូតកម្មទាំងនេះ បានរំខានដល់ដំណើរសវនាការ ០០២ ជាបន្តបន្ទាប់។
បុគ្គលិកផ្នែកជាតិទាំងអស់នៅសាលាក្តីខ្មែរក្រហមមាន២៨៧នាក់។ ក្នុងចំណោមនោះ មានតែ១៧នាក់ប៉ុណ្ណោះដែលធ្វើការនៅអង្គភាពជនរងគ្រោះដែលទទួលបានប្រាក់បៀរវត្សធម្មតាក្រោមជំនួយរបស់រដ្ឋាភិបាលអាល្លឺម៉ង់៕
© រក្សាសិទ្ធិដោយ thmeythmey.com