កីឡាអន្តរជាតិ
អន្តរជាតិ
និស្សិតអ៊ីរ៉ង់ម្នាក់ល្បីឈ្មោះ ហើយក៏រងគ្រោះព្រោះតែមុខដូច Messi
10, May 2017 , 9:19 am
និស្សិតជនជាតិអ៊ីរ៉ងឈ្មោះ Reza Parastesh ដែលមានមុខមាត់ដូច Leonel Messi
×![]()
ដោយ: ទេព ពិទូរ្យ
និស្សិតអ៊ីរ៉ង់ម្នាក់ត្រូវបានឃាត់ខ្លួន និងបញ្ជូនទៅប៉ុស្តិ៍ប៉ូលិស ដោយសារតែរូបគេមានមុខមាត់ និងរូបរាងដូចនឹងកីឡាករ Lionel Messi ខ្លាំងពេក។
កាលពីចុងសប្តាហ៍កន្លងទៅ មានមនុស្សជាច្រើនក្នុងទីក្រុង Hamaden ប្រទេសអ៊ីរ៉ង់បានសុំនិស្សិតម្នាក់ឈ្មោះ Reza Parastesh ថតរូបនៅតាមដងផ្លូវ ព្រោះតែបុរសម្នាក់នោះមានមុខមាត់និងរូបរាងដូចតារាឆ្នើមរបស់ Barcelona កីឡាករ Lionel Messi។ ក្រុមប៉ូលិសបាននាំនិស្សិតម្នាក់នោះទៅកាន់ស្ថានីយប៉ូលីស និងដកទុករថយន្តរបស់គេថែមទៀត ដើម្បីរក្សាសណ្តាប់ធ្នាប់នៅទីសារធាណៈ។
ភាពរញ៉េរញ៉ៃបានកើតឡើង ដោយសារតែបុរសវ័យ២៥ឆ្នាំនេះ ត្រូវបានគេយល់ច្រឡំថាជា Messi។ និស្សិតម្នាក់នេះកាត់សក់ និងទុកពុកមាត់ រួមទាំងពាក់អាវលេខ១០របស់ក្រុម Barcelona ដូចខ្សែប្រយុទ្ធសញ្ជាតិអាហ្សង់ទីនអីចឹងដែរ ដែលធ្វើឲ្យមានការភ្ញាក់ផ្អើលពីប្រជាជននៅទីនោះ និងសុំរូបគេថតរូបថែមទៀត។
និស្សិតជនជាតិអ៊ីរ៉ងរូបនេះបានប្រាប់ទីភ្នាក់ងារព័ត៌មាន AFP ថា៖«មនុស្សនៅទីនេះពិតជាមើលមកខ្ញុំថាជាMessi មែន ហើយពួកគេហៅខ្ញុំថា Messi អ៊ីរ៉ង់ និងចង់ឲ្យខ្ញុំធ្វើត្រាប់តាមកំពូលខ្សែប្រយុទ្ធរបស់ Barcelona ផងដែរ។ ខ្ញុំពិតជារីករាយណាស់ នៅពេលខ្ញុំធ្វើឲ្យពួកគេសប្បាយចិត្ត ហើយឲ្យភាពរីករាយនេះបានធ្វើខ្ញុំរិតតែមានកំលាំងចិត្តខ្លាំងឡើង»។
Parastesh ត្រូវបានក្រុមអ្នកព័ត៌មានល្បីៗទាក់ទងដើម្បីធ្វើបទសម្ភាសន៍ផងដែរ ហើយមិនត្រឹមតែប៉ុណ្ណោះក៏មានក្រុមហ៊ុនបង្ហាញម៉ូតចុះកិច្ចសន្យាថែមទៀត ដោយសារតែរូបគេមានមុខមាត់ដូច Messi នេះឯង៕
មានវីដេអូ
កាលពីចុងសប្តាហ៍កន្លងទៅ មានមនុស្សជាច្រើនក្នុងទីក្រុង Hamaden ប្រទេសអ៊ីរ៉ង់បានសុំនិស្សិតម្នាក់ឈ្មោះ Reza Parastesh ថតរូបនៅតាមដងផ្លូវ ព្រោះតែបុរសម្នាក់នោះមានមុខមាត់និងរូបរាងដូចតារាឆ្នើមរបស់ Barcelona កីឡាករ Lionel Messi។ ក្រុមប៉ូលិសបាននាំនិស្សិតម្នាក់នោះទៅកាន់ស្ថានីយប៉ូលីស និងដកទុករថយន្តរបស់គេថែមទៀត ដើម្បីរក្សាសណ្តាប់ធ្នាប់នៅទីសារធាណៈ។
ភាពរញ៉េរញ៉ៃបានកើតឡើង ដោយសារតែបុរសវ័យ២៥ឆ្នាំនេះ ត្រូវបានគេយល់ច្រឡំថាជា Messi។ និស្សិតម្នាក់នេះកាត់សក់ និងទុកពុកមាត់ រួមទាំងពាក់អាវលេខ១០របស់ក្រុម Barcelona ដូចខ្សែប្រយុទ្ធសញ្ជាតិអាហ្សង់ទីនអីចឹងដែរ ដែលធ្វើឲ្យមានការភ្ញាក់ផ្អើលពីប្រជាជននៅទីនោះ និងសុំរូបគេថតរូបថែមទៀត។
និស្សិតជនជាតិអ៊ីរ៉ងរូបនេះបានប្រាប់ទីភ្នាក់ងារព័ត៌មាន AFP ថា៖«មនុស្សនៅទីនេះពិតជាមើលមកខ្ញុំថាជាMessi មែន ហើយពួកគេហៅខ្ញុំថា Messi អ៊ីរ៉ង់ និងចង់ឲ្យខ្ញុំធ្វើត្រាប់តាមកំពូលខ្សែប្រយុទ្ធរបស់ Barcelona ផងដែរ។ ខ្ញុំពិតជារីករាយណាស់ នៅពេលខ្ញុំធ្វើឲ្យពួកគេសប្បាយចិត្ត ហើយឲ្យភាពរីករាយនេះបានធ្វើខ្ញុំរិតតែមានកំលាំងចិត្តខ្លាំងឡើង»។
Parastesh ត្រូវបានក្រុមអ្នកព័ត៌មានល្បីៗទាក់ទងដើម្បីធ្វើបទសម្ភាសន៍ផងដែរ ហើយមិនត្រឹមតែប៉ុណ្ណោះក៏មានក្រុមហ៊ុនបង្ហាញម៉ូតចុះកិច្ចសន្យាថែមទៀត ដោយសារតែរូបគេមានមុខមាត់ដូច Messi នេះឯង៕
មានវីដេអូ
Tag:
បាល់ទាត់
Lionel Messi
Reza Parastesh
អ៊ីរ៉ង់
© រក្សាសិទ្ធិដោយ thmeythmey.com
