ពីនេះ ពីនោះ
ព័ត៍មានសុខភាព
ជំងឺរលាកក្រពេញប្រូស្តាត នឹងស្តែងចេញនូវអាការៈទាំងអស់នេះ 25, Aug 2017 , 6:59 pm
![](https://image.thmeythmey.com/pictures/2017/08/25/thumb2/img_1503619170.jpg)
×![]()
ក្រពេញប្រូស្តាតគឺជាសរីរាង្គភេទមួយដែលស្ថិតនៅខាងក្រោមប្លោកនោម និងមាននាទីផលិតទឹកកាម។ ករណីរលាកក្រពេញប្រូស្តាត វានឹងបណ្តាលឲ្យទៅជាហើម ឈឺ និងពិបាកនោម។ វាក៏ប្រហែលជាធ្វើឲ្យមានការឈឺចាប់ដល់តំបន់ប្រដាប់បន្តពូជ និងមានអាការៈដូចជំងឺផ្តាសាយដែរ។ មានកត្តាច្រើនណាស់ដែលអាចធ្វើឲ្យកើតជាជំងឺនេះ។
រោគសញ្ញានៃជំងឺរលាកក្រពេញប្រូស្តាតច្រើនតែអាស្រ័យទៅតាមមូលហេតុរបស់វា។ រោគសញ្ញាដែលកើតមានជាញឹកញាប់នោះមានដូចជា៖
• ពិបាកនោម
• នោមឈឺ
• នោមញឹក
• ចេះតែចង់នោមខ្លាំងនៅពេលយប់
• ឈឺនៅតំបន់គ្រលាន ពោះផ្នែកខាងក្រៅ ឬចង្កេះ
• ឈឺនៅតំបន់ចន្លោះរន្ធគូថនិងពងស្វាស
• ឈឺក្នុងពងស្វាស ឬលិង្គ
• មិនមានផាសុកភាពក្នុងពេលឈានដល់ចំណុចកំពូលក្នុងពេលរួមភេទ
• មានរោគសញ្ញាដូចជំងឺផ្តាសាយ
វាគឺជារឿងដែលល្អមួយដែលអ្នកត្រូវទៅជួបពេទ្យក្នុងករណីដែលមានអាការៈឈឺចាប់ ឬពិបាកក្នុងការនោម។ បើសិនជាមិនបានព្យាបាលទេ អាការៈជំងឺនោះអាចនឹងធ្ងន់ធ្ងរទៅៗ និងនាំឲ្យមានផលវិបាកចំពោះសុខភាព។ ផលវិបាកខ្លះមានដូចជា៖
• មានការបង្ករោគដោយសារបាក់តេរីក្នុងចរន្តឈាម
• រលាកនៅបំពង់អេពីឌីឌីម (Epididymitis)
• មានខ្ទុះនៅក្នុងក្រពេញប្រូស្តាត
• មិនអាចមានកូនបាន៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com