ពីនេះ ពីនោះ
ព័ត៍មានសុខភាព
រោគសញ្ញាដែលបញ្ជាក់ថា អ្នកអាចមានជំងឺទឹកដក់ក្នុងស្រោមសួត 30, Aug 2017 , 6:59 am
![](https://image.thmeythmey.com/pictures/2017/08/29/thumb2/img_1503880966.jpg)
×![]()
ធម្មតាក្នុងស្រោមសួតមិនមែនគ្មានទឹកនោះទេ គឺមានដែរ គ្រាន់តែចំនួនមួយតិចតួចដើម្បីសម្រួលដល់ការកកិតរបស់សួតបានល្អ។ ប៉ុន្តែសម្រាប់ជំងឺទឹកដក់ក្នុងស្រោមសួតវិញ គឺជាវត្តមានទឹកច្រើនក្នុងស្រោមសួត ដែលវាអាចរំខានដល់សមត្ថភាពនៃការរីករួមរបស់សួតក្នុងពេលដកដង្ហើមបាន។
រោគសញ្ញានៃជំងឺទឹកដកក្នុងស្រោមសួតច្រើនតែស្រដៀងគ្នានឹងការបង្ករោគនៅផ្លូវដង្ហើមខាងលើ និងជំងឺរលាកសួតដែរ។ ដូច្នេះហើយ គ្រូពេទ្យច្រើនតែមិនអាចសម្គាល់ដឹងថាមួយណាជាជំងឺរបស់អ្នកពិតប្រាកដ លុះត្រាតែមានការស្នើរសុំធ្វើតេស្តវេជ្ជសាស្ត្រមួយចំនួនទៀត។
ខាងក្រោមនេះគឺជាអាការៈមួយចំនួនដែលបញ្ជាក់ថា អ្នកទំនងជាមានជំងឺទឹកដក់ក្នុងស្រោមសួតហើយ៖
• ឈឺក្នុងទ្រូងខ្លាំងក្លា ដែលវាឈឺកាន់តែខ្លាំងនៅពេលដកដង្ហើមជ្រៅៗ ឬក្អក។ អ្នកជំងឺអាចនឹងឈឺចាប់ដូចគេចាក់អញ្ចឹង។
• ក្អកជាប់រហូតដែលវានឹងកើនឡើងបន្តទៀត។ វាអាចជាការក្អកស្ងួត ឬមានស្លេស្មច្រើនៗ
• ក្តៅខ្លួនជាប់
• ត្អើកជាប់ដែលអាចមានបាត់ៗ
• ដកដង្ហើមញ៉ាប់ ឬពិបាកដកដង្ហើមជាពិសេសពេលដកដង្ហើមជ្រៅៗ
• សម្លេងនៃកសារដកដង្ហើមមានលក្ខណៈប្រឹកៗ
• ករណីខ្លះ អ្នកជំងឺអាចនឹងមិនមានរោគសញ្ញាអ្វីទាំងអស់ក៏មានដែរ។
ក្នុងករណីដែលអ្នកសង្ស័យថាខ្លួនមានជំងឺទឹកដកក្នុងស្រោមសួត ឬមានរោគសញ្ញាច្រើននៃអាការៈទាំងអស់ខាងលើ ចូរកុំព្យាយាមកំណត់រោគវិនិច្ឆ័យដោយខ្លួនឯង តែត្រូវពិគ្រោះជាមួយគ្រូពេទ្យដើម្បីពិនិត្យ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com