អន្តរជាតិ
វីរៈបុរសឯករាជ្យជាតិទីម័រខាងកើត រំពឹងខ្ពស់ក្នុងការត្រឡប់មកដឹកនាំប្រទេសវិញ
15, May 2018 , 4:58 pm
×![]()
នៅថ្ងៃទី១២ ខែឧសភា កន្លងទៅ ទីម័រខាងកើត បានរៀបចំការបោះឆ្នោតជាតិជាលើកទីពីរ ក្នុងរយៈពេលត្រឹមតែមួយឆ្នាំប៉ុណ្ណោះ។ តាមលទ្ធផលបឋម សម្ព័ន្ធបក្សប្រឆាំងដែលស្ថិតក្រោមការដឹកនាំរបស់វីរៈបុរសឯករាជ្យជាតិលោក Xanana Gusmao បានដឹកមុខ ហើយវាអាចនឹងផ្តល់ឱកាសឲ្យលោក វិលត្រឡប់មកកាច់ចង្កូចនាវាទីម័រខាងកើតជាថ្មីដែរ ។
គិតត្រឹមថ្ងៃ១៤ ខែឧសភា តាមលទ្ធផលបឋម នៃការរាប់សន្លឹកឆ្នោតជាង៩៩ភាគរយ នៃសន្លឹកឆ្នោតសរុ សម្ព័ន្ធបក្សប្រឆាំងការផ្លាស់ប្តូរសម្រាប់ការអភិវឌ្ឍទីម័រខាងកើត ដែលមានលោក Xanana Gusmao ជាប្រមុខ បាននាំមុខបក្សកាន់អំណាចក្នុងសំឡេង ៤៩,៥៩ ភាគរយ។ លទ្ធផលផ្លូវការ នឹងត្រូវប្រកាសនៅចុងខែនេះផងដែរ ។ នេះបើយោងតាមការចុះផ្សាយរបស់ Asia Pacific Report ។
តាមប្រភពព័ត៌មានដដែល តាមរយៈលទ្ធផលនេះមានន័យថា សម្ព័ន្ធបក្សប្រឆាំងដែលរួមមាន បក្សសមាជជាតិសម្រាប់ការកសាងទីម័រខាងកើតឡើងវិញរបស់លោក Xanana Gusmao , បក្សរំដោះប្រជាជន និងបក្សយុវជន Khunto អាចទទួលបានអាសនៈ ៣៤ នៃ អាសនៈសភាសរុប ៦៥ ខណៈបក្សកំពុងកាន់អំណាចទទួលបានត្រឹម ២៣ អាសនៈប៉ុណ្ណោះ។ អាសនៈនៅសេសសល់បានទៅលើបក្សតូចៗ ។
គួរជម្រាបផងដែរថា ការបោះឆ្នោតរបស់ទីម័រខាងកើតនេះធ្វើឡើង ក្រោយពីលោកនាយករដ្ឋមន្ត្រីជិតអស់តំណែង លោក Mari Alkatiri បានប្រកាសរំលាយសភានៅខែមករា បន្ទាប់ពីរដ្ឋាភិបាលដែលបានកើតចេញពីការបោះឆ្នោតខែកក្កដា ឆ្នាំ២០១៧ បន្តជាប់គាំងនយោបាយ ដ្បិតមានការជំទាស់ពីបក្សប្រឆាំងក្នុងការអនុវត្តច្បាប់សំខាន់មួយចំនួន។ កាលបោះឆ្នោតឆ្នាំ២០១៧ បក្ស Fretilin របស់លោកនាយករដ្ឋមន្ត្រី Mari Alkatiri ក៏បានអាសនៈ ២៣ ដូចឆ្នាំនេះដែរ ។
បើយើងក្រឡេកទៅមើលស្ថានភាពនយោបាយរបស់រដ្ឋដែលទើបទទួលបានឯករាជ្យពេញលេញក្នុងឆ្នាំ២០០២មួយនេះ ក៏មិនសូវខុសពីការវិវត្តចុងក្រោយនៃនយោបាយពិភពលោកផងដែរ ។ មិនសូវខុសនោះគឺ គ្មានបក្សនយោបាយណាមួយ អាចទទួលបានសំឡេងច្រើនលើសលុបដោយឯកឯងបានឡើយ។ បក្សនយោបាយនីមួយៗអាចទទួលបានសំឡេងច្រើន ក៏ដោយសារតែការបង្កើតជាបក្សសម្ព័ន្ធ ។
បើនិយាយពីប្រមុខបក្សដែលកំពុងតែក្តោបក្តាប់សន្លឹកឆ្នោតសម្រាប់ការបង្កើតរដ្ឋាភិបាលថ្មីគឺ លោក Xanana Gusmao ។ លោក Xanana Gusmao ធ្លាប់ធ្វើជាប្រធានាធិបតីទីមួយរបស់ទីម័រខាងកើត នៅក្នុងឆ្នាំ២០០២ ដល់ឆ្នាំ២០០៧ និងជានាយករដ្ឋមន្ត្រីនៅឆ្នាំ ២០០៧ ដល់ឆ្នាំ ២០១៥ ។ លោក Xanana Gusmao ក៏ជាវីរៈជនដែលនាំទីម័រខាងកើតឲ្យទទួលបានឯករាជ្យពីគ្រប់គ្រងរបស់ម្ចាស់អាណានិគម ដែលមានទាំងឥណ្ឌូណេស៊ីផងដែរនោះ៕
គិតត្រឹមថ្ងៃ១៤ ខែឧសភា តាមលទ្ធផលបឋម នៃការរាប់សន្លឹកឆ្នោតជាង៩៩ភាគរយ នៃសន្លឹកឆ្នោតសរុ សម្ព័ន្ធបក្សប្រឆាំងការផ្លាស់ប្តូរសម្រាប់ការអភិវឌ្ឍទីម័រខាងកើត ដែលមានលោក Xanana Gusmao ជាប្រមុខ បាននាំមុខបក្សកាន់អំណាចក្នុងសំឡេង ៤៩,៥៩ ភាគរយ។ លទ្ធផលផ្លូវការ នឹងត្រូវប្រកាសនៅចុងខែនេះផងដែរ ។ នេះបើយោងតាមការចុះផ្សាយរបស់ Asia Pacific Report ។
តាមប្រភពព័ត៌មានដដែល តាមរយៈលទ្ធផលនេះមានន័យថា សម្ព័ន្ធបក្សប្រឆាំងដែលរួមមាន បក្សសមាជជាតិសម្រាប់ការកសាងទីម័រខាងកើតឡើងវិញរបស់លោក Xanana Gusmao , បក្សរំដោះប្រជាជន និងបក្សយុវជន Khunto អាចទទួលបានអាសនៈ ៣៤ នៃ អាសនៈសភាសរុប ៦៥ ខណៈបក្សកំពុងកាន់អំណាចទទួលបានត្រឹម ២៣ អាសនៈប៉ុណ្ណោះ។ អាសនៈនៅសេសសល់បានទៅលើបក្សតូចៗ ។
គួរជម្រាបផងដែរថា ការបោះឆ្នោតរបស់ទីម័រខាងកើតនេះធ្វើឡើង ក្រោយពីលោកនាយករដ្ឋមន្ត្រីជិតអស់តំណែង លោក Mari Alkatiri បានប្រកាសរំលាយសភានៅខែមករា បន្ទាប់ពីរដ្ឋាភិបាលដែលបានកើតចេញពីការបោះឆ្នោតខែកក្កដា ឆ្នាំ២០១៧ បន្តជាប់គាំងនយោបាយ ដ្បិតមានការជំទាស់ពីបក្សប្រឆាំងក្នុងការអនុវត្តច្បាប់សំខាន់មួយចំនួន។ កាលបោះឆ្នោតឆ្នាំ២០១៧ បក្ស Fretilin របស់លោកនាយករដ្ឋមន្ត្រី Mari Alkatiri ក៏បានអាសនៈ ២៣ ដូចឆ្នាំនេះដែរ ។
បើយើងក្រឡេកទៅមើលស្ថានភាពនយោបាយរបស់រដ្ឋដែលទើបទទួលបានឯករាជ្យពេញលេញក្នុងឆ្នាំ២០០២មួយនេះ ក៏មិនសូវខុសពីការវិវត្តចុងក្រោយនៃនយោបាយពិភពលោកផងដែរ ។ មិនសូវខុសនោះគឺ គ្មានបក្សនយោបាយណាមួយ អាចទទួលបានសំឡេងច្រើនលើសលុបដោយឯកឯងបានឡើយ។ បក្សនយោបាយនីមួយៗអាចទទួលបានសំឡេងច្រើន ក៏ដោយសារតែការបង្កើតជាបក្សសម្ព័ន្ធ ។
បើនិយាយពីប្រមុខបក្សដែលកំពុងតែក្តោបក្តាប់សន្លឹកឆ្នោតសម្រាប់ការបង្កើតរដ្ឋាភិបាលថ្មីគឺ លោក Xanana Gusmao ។ លោក Xanana Gusmao ធ្លាប់ធ្វើជាប្រធានាធិបតីទីមួយរបស់ទីម័រខាងកើត នៅក្នុងឆ្នាំ២០០២ ដល់ឆ្នាំ២០០៧ និងជានាយករដ្ឋមន្ត្រីនៅឆ្នាំ ២០០៧ ដល់ឆ្នាំ ២០១៥ ។ លោក Xanana Gusmao ក៏ជាវីរៈជនដែលនាំទីម័រខាងកើតឲ្យទទួលបានឯករាជ្យពីគ្រប់គ្រងរបស់ម្ចាស់អាណានិគម ដែលមានទាំងឥណ្ឌូណេស៊ីផងដែរនោះ៕
Tag:
ទីម័រខាងកើត
បោះឆ្នោត
© រក្សាសិទ្ធិដោយ thmeythmey.com
