កីឡាអន្តរជាតិ
អន្តរជាតិ
Man Utd ទិញ Dalot ពី Porto តម្លៃ២៥លានដុល្លារ និងកំពុងរត់ការយក Fred ឲ្យបានមុន World Cup 07, Jun 2018 , 7:19 pm
![](https://image.thmeythmey.com/pictures/2018/06/07/thumb2/fron-page.jpg)
×![]()
ក្លិប Manchester United បានប្រកាសជាផ្លូវការពីការចុះហត្ថលេខានាំយកខ្សែការពារវ័យក្មេង Diogo Dalot ពី FC Porto ជាមួយនឹងតម្លៃផ្ទេរ ១៩លានផោន (ជាង២៥លានដុល្លារអាមេរិក)។ នេះបើយោងតាមការចុះផ្សាររបស់វេបសាយផ្លួវការ Man Utd។
ខ្សែការពារ វ័យ១៩ឆ្នាំ ដែលបង្ហាញខ្លួនត្រឹម ៧ប្រកួតឲ្យក្លិបជើងឯក Primeira Liga នៃលីគកំពូលព័រទុយហ្គាល់រដូវកាលនេះ យល់ព្រមចុះកិច្ចសន្យារយៈពេល ៥ឆ្នាំនៅទឹកដី Old Trafford រួមទាំងលក្ខខណ្ឌពិសេសបន្តរយៈពេល១ឆ្នាំទៀត។
![](https://image.thmeythmey.com/pictures/2018/06/07/insider.jpg)
Dalot ជាប់ជម្រើសជាតិយុវជនព័រទុយហ្គាល់ចាប់ពី U15 រហូតដល់ U21 ហើយត្រូវបានក្រុមឈុតធំ Porto កោះហៅឲ្យចូលរួមក្រុមក្នុងឆ្នាំ ២០១៧ ដោយបង្ហាញខ្លួនលើកដំបូងកាលពីខែតុលា។ រូបគេក៏បានជួយក្លិបនេះប្រកួតស្មើជាមួយ Liverpool ក្នុងក្របខណ្ឌ Champions League កាលពីខែកុម្ភៈ ឆ្នាំ២០១៨នេះផងដែរ។
លោក Jose Mourinho បានសរសើរអតីតយុវជន Porto នេះថា៖« Dalot ជាខ្សែការពារវ័យក្មេងមានទេពកោសល្យ និងគុណសម្បត្ដិគ្រប់គ្រាន់ដើម្បីក្លាយជាកីឡាករដ៏អស្ចារ្យសម្រាប់ Man Utd។ កាយសម្បទា យុទ្ធសាស្ត្រ និងគុណភាពបច្ចេកទេសរួមទាំងភាពចាស់ទុំរបស់គេគឺស្ថិតក្នុងកម្រិតអាជីពរួចទៅហើយ»។
![](https://image.thmeythmey.com/pictures/2018/06/07/insider1.jpg)
ក្រៅពី Dalot អតីតអ្នកចាត់ការ Real Madrid និងChelsea ក៏កៀកនឹងយកបានខ្សែបម្រើប្រេស៊ីល Fred ពី Shakhtar Donetsk មកកាន់ទឹកដីអង់គ្លេសចាប់ៗនេះដែរ ខណៈរូបគេមានភារកិច្ចជួយក្រុមជម្រើសជាតិក្នុងព្រឹត្តិការណ៍ World Cup នៅរុស្ស៊ីខាងមុខនេះ៕
Tag:
បាល់ទាត់
Diogo Dalot
Manchester United
Fred
© រក្សាសិទ្ធិដោយ thmeythmey.com