Mourinho លាសណ្ឋាគារមួយយប់១០០០ដុល្លារ ក្រោយ Man Utd បញ្ចប់តំណែង

កីឡាអន្តរជាតិ

អន្តរជាតិ

Mourinho លាសណ្ឋាគារមួយយប់១០០០ដុល្លារ ក្រោយ Man Utd បញ្ចប់តំណែង

19, Dec 2018 , 7:39 pm

រូបភាព

ដោយ: ទេព ពិទូរ្យ

លោក Jose Mourinho លើកដៃលាសណ្ឋាគារ Lowry ជាទីដែលលោកបានស្នាក់នៅរយៈពេលជាងពីរឆ្នាំមកនេះ បន្ទាប់ពីលោកត្រូវបានក្លិប Manchester United បញ្ចប់ពីតំណែងជាអ្នកចាត់ការទូទៅ នៅថ្ងៃទី១៨ ខែធ្នូ។

ចុចទីនេះដើម្បីទទួលបានព័ត៌មានរហ័ស

អត្ថបទទាក់ទង

Solskjaer ទំនងជាអ្នកជំនួស Mourinho ដ្បិតក្លិប Man Utd ច្រឡំប្រកាសលើវេបសាយរបស់ខ្លួន

Mourinho នឹងបានប្រាក់សំណង ៣០លានដុល្លារពី Man Utd ក្រោយបណ្តេញចេញ

អ្នកចាត់ការរហស្សនាម Special One បានចំណាយពេល ៨៩៥ថ្ងៃក្នុងការរស់នៅក្នុងសណ្ឋាគារដ៏ប្រណីតនៅកណ្តាលទីក្រុង Manchester ប្រទេសអង់គ្លេស ដែលលោកបានចាត់ទុកវាជាផ្ទះទៅហើយចាប់តាំងពីឡើងដឹកនាំនៅទឹកដី Old Trafford តាំងពីឆ្នាំ ២០១៦មក។

ជារឿងដ៏គួរឲ្យសោកស្តាយបំផុត នៅពេលដែលវេលារបស់អ្នកចាត់សញ្ជាតិព័រទុយហ្គាល់ វ័យ ៥៥ឆ្នាំជាមួយក្លិបបិសាចក្រហមត្រូវបានបញ្ចប់ បន្ទាប់ពីលទ្ធផលដឹកនាំមិនគាប់ប្រសើរនៅរដូវកាល ២០១៨-២០១៩នេះ។ Man Utd បានសម្រេចបញ្ចប់តំណែង Mourinho ដ្បិតក្រុមបង្ហាញទម្រង់លេងមិនល្អសោះក្នុងការប្រកួតក្នុងលីគ ដោយតាមពីក្រោយក្រុមកំពូលតារាង Livepool រហូត១៩ពិន្ទុ គិតត្រឹមសប្តាហ៍ទី១៧។

បើតាមការផ្សាយរបស់ព័ត៌មាន Mirror អតីតអ្នកចាត់ការ Chelsea Inter Milan និង Real Madrid រូបនេះ បាននិយាយលាបុគ្គលិកសណ្ឋាគារ Lowry Hotel កាលពីរសៀលថ្ងៃទី១៨ ខែធ្នូ បន្ទាប់ពីចាកចេញពីមូលដ្ឋានហ្វឹកហាត់ Carrington របស់ Man Utd នៅក្រោយអាហារពេលថ្ងៃរួច។

Mourinho បានស្នាក់នៅសណ្ឋាគារទំនើបនោះដោយជ្រើសរើសប្រភេទបន្ទប់ Riverside Suites ដែលមានតម្លៃ ៨១៦ផោន (១០៣៤ដុល្លារ) ក្នុងមួយយប់។ សរុបទាំង៨៩៥ថ្ងៃ Jose ត្រូវបង់ប្រាក់ឲ្យសណ្ឋាគារ Lowry ចំនួន ៩២៥៤៣០ដុល្លារអាមេរិក ដែលនេះនៅមិនទាន់គិតថ្លៃសេវ៉ាផ្សេងៗផង៕

Tag:

បាល់ទាត់

Jose Mourinho

Manchester United

Lowry