ជាតិ
សង្គមជាតិ
កម្ពុជា-ជប៉ុនបោះជំហានទៅមុខហើយលើគម្រោងអភិវឌ្ឍប្រព័ន្ធប្រឡាយលូទឹកកខ្វក់នៅបឹងជើងឯក 24, May 2019 , 8:19 pm
លោក ឃួង ស្រេង អភិបាលរាជធានីភ្នំពេញ ចុះហត្ថលេខា លើគម្រោងអភិវឌ្ឍប្រព័ន្ធប្រឡាយលូទឹកកខ្វក់នៅបឹងជើងឯក កាលពីថ្ងៃទី២៣ឧសភា
× ភ្នំពេញ៖ ភាគីកម្ពុជា និងជប៉ុន បានចុះហត្ថលេខា ស្តីពីគម្រោងអភិវឌ្ឍប្រព័ន្ធប្រឡាយលូទឹកកខ្វក់នៅបឹងជើងឯក កាលពីថ្ងៃទី២៣ឧសភា។ គម្រោងនេះ ផ្តោតសំខាន់លើការធ្វើឲ្យប្រសើរឡើង និងការកែលម្អបរិស្ថានប្រកបដោយប្រសិទ្ធភាព និរន្តរភាព និងការពារបរិស្ថាន លើកកម្ពស់សោភ័ណភាពរាជធានីភ្នំពេញ និងសម្រួលដល់ការរស់នៅរបស់ប្រជាពលរដ្ឋ។ គម្រោងអភិវឌ្ឍនេះ មានលទ្ធភាពកែច្នៃ ឬបន្សុទ្ធទឹកកខ្វក់ ៥,០០០ម៉ែត្រគូប ក្នុងមួយថ្ងៃ ដែលនឹងកាត់បន្ថយការបំពុលបរិស្ថានមួយកម្រិតធំ នៅភាគខាងជើងរាជធានីភ្នំពេញ។
គម្រោងអភិវឌ្ឍប្រព័ន្ធប្រឡាយលូទឹកកខ្វក់នៅបឹងជើងឯក នឹងត្រូវជាគម្រោងគំរូដំបូងបង្អស់ សម្រាប់រដ្ឋបាលរាជធានីភ្នំពេញ ដែលនឹងកាត់បន្ថយការបំពុលបរិស្ថានមួយកម្រិតធំ នៅភាគខាងជើងក្រុងភ្នំពេញ។ លោក ឃួង ស្រេង អភិបាលរាជធានីភ្នំពេញ អះអាងដូច្នេះនាពិធីចុះហត្ថលេខាជាមួយលោក បណ្ឌិតអ៊ីតូមិមប៉េអ៊ិ(Dr. lto Minpei) ទីភ្នាក់ងារសហប្រតិបត្តិការអន្តរជាតិជប៉ុន(JICA) លើគម្រោងនេះ កាលពីថ្ងៃទី២៣ ខែឧសភា ដែលក្រសួងសាធារណការ និងដឹកជញ្ជូនបានស្រង់សម្តីមកផ្សាយនៅលើទំព័រហ្វេសប៊ុករបស់ខ្លួន។
ប្រភពរូប៖ បានពីរដ្ឋបាលរាជធានីភ្នំពេញ
តាមប្រភពដដែល លោកអភិបាលរាជធានីភ្នំពេញ ដែលបានថ្លែងក្នុងពិធីនោះថា ការអភិវឌ្ឍប្រព័ន្ធប្រឡាយលូទឹកកខ្វក់នេះ គឺផ្តោតសំខាន់ទៅលើការធ្វើឲ្យប្រសើរឡើង និងការកែលម្អបរិស្ថានប្រកបដោយប្រសិទ្ធភាព និរន្តរភាព និងការពារបរិស្ថាន លើកកម្ពស់សោភ័ណភាពរាជធានីភ្នំពេញ ព្រមទាំងសម្រួលដល់ការរស់នៅរបស់ប្រជាពលរដ្ឋ។ គម្រោងអភិវឌ្ឍនេះ មានលទ្ធភាពកែច្នៃ ឬបន្សុទ្ធទឹកកខ្វក់ ៥,០០០ម៉ែត្រគូប ក្នុងមួយថ្ងៃ។
បើតាមលោក ឃួង ស្រេង ការចុះហត្ថលេខានេះ ធ្វើឡើងបន្ទាប់ពីមានសិក្សាស្រាវជ្រាវ រវាងក្រុមការងារគម្រោងរបស់ JICA មន្ទីរសាធារណការ និងដឹកជញ្ជូនរាជធានីភ្នំពេញ មន្ត្រីសាលារាជធានីភ្នំពេញ និងក្រុមហ៊ុនស៊ីធីអាយ (CTI) អស់រយៈពេល១២ខែ។
រូបភាព បានពីមន្ទីរសាធារណការ និងដឹកជញ្ជូនរាជធានីភ្នំពេញ
លោក lto Minpei ក៏បានលើកឡើងនៅក្នុងពិធីនោះដែរថា ការស្តារបរិស្ថានឡើងវិញគឺត្រូវចំណាយថវិកាច្រើន លើសពីការវិនិយោគ ដែលដំណោះស្រាយបឋម គឺវធ្វើប្រព័ន្ធលូបង្ហូរទឹក ដើម្បីទប់ទល់ការចំណាយដ៏ច្រើននេះ។ លោក lto Minpei បញ្ជាក់ទៀតថា ក្រោយការចុះហត្ថលេខានេះ ស្ថាប័នលោក នឹងបញ្ជូន ទៅឲ្យរាជរដ្ឋាភិបាលជប៉ុនអនុម័តចុងក្រោយ។
ពាក់ព័ន្ធនឹងគម្រោងនេះ កន្លងមក លោក ម៉េត មាសភក្ដី អ្នកនាំពាក្យរដ្ឋបាលរាជធានីភ្នំពេញ បានបញ្ជាក់ថា ក្នុងគម្រោងនេះ ស្ថិតក្រោមជំនួយឥតសំណងរបស់ប្រទេសជប៉ុន ២៧លានដុល្លារ៕
លោក Dr. lto Minpei ទីភ្នាក់ងារសហប្រតិបត្តិការអន្តរជាតិជប៉ុនJICA ចុះហត្ថលេខា លើគម្រោងអភិវឌ្ឍប្រព័ន្ធប្រឡាយលូទឹកកខ្វក់នៅបឹងជើងឯក កាលពីថ្ងៃទី២៣ឧសភាថា
Tag:
ទឹកកខ្វក់
បរិស្ថាន
© រក្សាសិទ្ធិដោយ thmeythmey.com