ជាតិ
រដ្ឋសភាចូលបវេសនកាលវិញ
04, Oct 2019 , 10:29 am
×![]()
ដោយ: ថ្មីៗ
រដ្ឋសភាកម្ពុជា នាព្រឹកថ្ងៃសុក្រ ទី៤ ខែតុលានេះ បានបើកសម័យប្រជុំលើកទី៣ នីតិកាលទី៦ ក្រោមអធិបតីភាពសម្ដេច ហេង សំរិន ប្រធានរដ្ឋសភា ដោយមានវត្តមានសមាជិកពេលផ្តើមសម័យប្រជុំ ចំនួន១០៧រូប។ ព្រះករុណា ព្រះមហាក្សត្រ ក៏បានចេញព្រះរាជសារអបអរសាទរ នាថ្ងៃបើកបវេសនកាលសភានេះផងដែរ។
ក្រោយបិទសម័យប្រជុំលើកទី២ កាលពីថ្ងៃទី៤ ខែកក្កដា កន្លងមក សភាបានសម្រាកវិស្សមកាលរយៈពេល៣ខែ មុននឹងឈានដល់ការបើកសម័យប្រជុំលើកទី៣ នាថ្ងៃទី៤ ខែតុលានេះ។ ក្រោមអធិបតីភាពសម្តេច ហេង សំរិន ក្រុមអ្នកតំណាងរាស្ត្រដែលមានវត្តមាន បានស្តាប់របាយការណ៍ និងការពិភាក្សាអនុម័តលើសេចក្តីព្រាងច្បាប់ផ្សេងៗ។
ក្រុមអ្នកតំណាងរាស្ត្របានស្តាប់ការអានព្រះរាជសារព្រះមហាក្សត្រ ព្រះបាទសម្តេចព្រះបរមនាថ នរោត្តម សីហមុនី ដែលមានចំនួន២ទំព័រ។ «រយៈពេលកន្លងមកនេះ រដ្ឋសភា និងរាជរដ្ឋាភិបាល បានសហការរួមគ្នាយ៉ាងយកចិត្តទុកដាក់ ក្នុងសកម្មភាពជាចម្បងដើម្បីថែរក្សានូវស្ថិរភាព សន្តិសុខជូនប្រជាពលរដ្ឋរស់នៅប្រកបដោយភាពសុខដុមរមនា»។ នេះបើតាមព្រះរាជចំណាររបស់ព្រះមហាក្សត្រ។
របៀបវារៈនាការបើកសម័យប្រជុំលើកទី៣ រួមមានដូចជា របាយការណ៍ស្តីពីសកម្មភាពរបស់រដ្ឋសភា ចន្លោះសម័យប្រជុំរដ្ឋសភាលើកទី២ និងលើកទី៣ ការពិភាក្សា និងអនុម័ត សេចក្តីព្រាងច្បាប់ស្តីពី ការអនុម័តយល់ព្រមលើកិច្ចព្រមព្រៀងរវាងព្រះរាជាណាចក្រកម្ពុជា និងអង្គការហាមឃាត់អាវុធគីមី ស្តីពីបុព្វសិទ្ធិ និងអភ័យឯកសិទ្ធិរបស់អង្គការហាមឃាត់អាវុធគីមី សេចក្តីព្រាងច្បាប់ស្តីពីសំណង់ សេចក្តីព្រាងច្បាប់ស្តីពី ពាណិជ្ជកម្មតាមប្រព័ន្ធអេឡិចត្រូនិក សេចក្តីព្រាងច្បាប់ស្តីពី កិច្ចការពារអ្នកប្រើប្រាស់ និងសេចក្តីព្រាងច្បាប់ស្តីពី របបសន្តិសុខសង្គម៕
ក្រោយបិទសម័យប្រជុំលើកទី២ កាលពីថ្ងៃទី៤ ខែកក្កដា កន្លងមក សភាបានសម្រាកវិស្សមកាលរយៈពេល៣ខែ មុននឹងឈានដល់ការបើកសម័យប្រជុំលើកទី៣ នាថ្ងៃទី៤ ខែតុលានេះ។ ក្រោមអធិបតីភាពសម្តេច ហេង សំរិន ក្រុមអ្នកតំណាងរាស្ត្រដែលមានវត្តមាន បានស្តាប់របាយការណ៍ និងការពិភាក្សាអនុម័តលើសេចក្តីព្រាងច្បាប់ផ្សេងៗ។
ក្រុមអ្នកតំណាងរាស្ត្របានស្តាប់ការអានព្រះរាជសារព្រះមហាក្សត្រ ព្រះបាទសម្តេចព្រះបរមនាថ នរោត្តម សីហមុនី ដែលមានចំនួន២ទំព័រ។ «រយៈពេលកន្លងមកនេះ រដ្ឋសភា និងរាជរដ្ឋាភិបាល បានសហការរួមគ្នាយ៉ាងយកចិត្តទុកដាក់ ក្នុងសកម្មភាពជាចម្បងដើម្បីថែរក្សានូវស្ថិរភាព សន្តិសុខជូនប្រជាពលរដ្ឋរស់នៅប្រកបដោយភាពសុខដុមរមនា»។ នេះបើតាមព្រះរាជចំណាររបស់ព្រះមហាក្សត្រ។
របៀបវារៈនាការបើកសម័យប្រជុំលើកទី៣ រួមមានដូចជា របាយការណ៍ស្តីពីសកម្មភាពរបស់រដ្ឋសភា ចន្លោះសម័យប្រជុំរដ្ឋសភាលើកទី២ និងលើកទី៣ ការពិភាក្សា និងអនុម័ត សេចក្តីព្រាងច្បាប់ស្តីពី ការអនុម័តយល់ព្រមលើកិច្ចព្រមព្រៀងរវាងព្រះរាជាណាចក្រកម្ពុជា និងអង្គការហាមឃាត់អាវុធគីមី ស្តីពីបុព្វសិទ្ធិ និងអភ័យឯកសិទ្ធិរបស់អង្គការហាមឃាត់អាវុធគីមី សេចក្តីព្រាងច្បាប់ស្តីពីសំណង់ សេចក្តីព្រាងច្បាប់ស្តីពី ពាណិជ្ជកម្មតាមប្រព័ន្ធអេឡិចត្រូនិក សេចក្តីព្រាងច្បាប់ស្តីពី កិច្ចការពារអ្នកប្រើប្រាស់ និងសេចក្តីព្រាងច្បាប់ស្តីពី របបសន្តិសុខសង្គម៕
Tag:
រដ្ឋសភា
© រក្សាសិទ្ធិដោយ thmeythmey.com
