អត្ថបទពាណិជ្ជកម្ម
ក្រសួងមុខងារសាធារណៈ រៀបចំសន្និបាតបូកសរុបលទ្ធផលការងារឆ្នាំ២០១៩ និងលើកទិសដៅការងារសម្រាប់ឆ្នាំ២០២០
04, Feb 2020 , 5:04 pm
×![]()
ដោយ: ថ្មីៗ
ភ្នំពេញ៖ ក្រសួងមុខងាសាធារណៈ បានរៀបចំសន្និបាតសរុបលទ្ធផលការងារប្រចាំឆ្នាំ២០១៩ និងលើកទិសដៅការងារសម្រាប់ឆ្នាំ២០២០ នៅថ្ងៃទី៤ ខែកុម្ភៈ ឆ្នាំ២០២០នេះ នៅសណ្ឋាគារភ្នំពេញ។ សន្និបាតនេះ ធ្វើឡើងក្រោមអធិបតីភាព លោក ពេជ្រ ប៊ុនធិន រដ្ឋមន្ត្រីក្រសួងមុខងាសាធារណៈ និងតំណាងគ្រប់ក្រសួង ស្ថាប័ន រដ្ឋបាលថ្នាក់ក្រោមជាតិ ភ្ញៀវកិត្តិយស ព្រមទាំងថ្នាក់ដឹកនាំ និងមន្ត្រីរាជការនៃក្រសួងមុខងាសាធារណៈចំនួន ៤៨៩នាក់។
លោក ពេជ្រ ប៊ុនធិន រដ្ឋមន្ត្រីក្រសួងមុខងាសាធារណៈ បានថ្លែងក្នុងពិធីដ៏ឱឡារិកនេះថា ក្នុងនាមជាសេនាធិការរបស់រដ្ឋបាភិបាល ក្រសួងមុខងារមានបេសកកម្មដឹកនាំ គ្រប់គ្រង និងអភិវឌ្ឍវិស័យមុខងារ និងការងារកំណែទម្រង់រដ្ឋបាល នៃព្រះរាជាណាចក្រកម្ពុជា។ ទន្ទឹមនឹងនេះ ក្រសួងបានកំណត់បាវចនាចំនួន៣ ដើម្បីការពារផលប្រយោជន៍ សាធារណៈ ,ក្រសួង ស្ថាប័ន និងមន្ត្រី។
បើតាមលោករដ្ឋមន្ត្រី ក្នុងឆ្នាំ២០១៩ កន្លទៅ ក្រសួងមុខងាសាធារណៈ បានអនុវត្តតួនាទី និង សម្រេចបានសមិទ្ធផលធំៗជាច្រើន ក្នុងនោះមានដូចជាបានកសាង និងដាក់អនុវត្តលិខិតបទដ្ឋានគតិយុត្ត, ការកែទម្រង់ប្រព័ន្ធប្រៀវត្ស ការកែលម្អ និងពង្រឹងគុណភាព នៃការផ្ដល់សេវាសារធារណៈ, ដោះស្រាយករណីសំណើសុំធ្វើវិចារណកម្មមុខងារ ភារកិច្ច និងរចនាសម្ព័ន្ធគ្រប់គ្រងស្ដាប័ន, គ្រប់គ្រងមន្ត្រីរាជការតាមប្រព័ន្ធព័ត៌មានវិទ្យាសរុបចំនួន ២១៨.៤៨២នាក់។
ក្រសួងមុខងារសាធារណៈ ក៏បានអនុញ្ញាតជាគោលការណ៍ជូនក្រសួង ស្ដាប័ន ដើម្បីជ្រើសរើសមន្ត្រីរាជការស៊ីវិលក្របខណ្ឌថ្មីចំនួន ៥,៩៩៦ កន្លែង, បានផ្ដល់ទិដ្ឋាការលើការប្រែប្រួលស្ថានភាពរដ្ឋបាលមន្ត្រីរាជការស៊ីវិលបានសរុបចំនួន ៤៧,៤៩០ នាក់ ក្នុងនោះ ស្ត្រី ១២,៣៧៥នាក់, បានដំឡើងបៀវត្សអប្បបរមា (១) វិស័យរដ្ឋបាលចំនួន១.១០០.១០០រៀល (២) វិស័យអប់រំ ចំនួន១.២០០.១០០រៀល (៣) វិស័យសុខាភិបាលចំនួន១.២០០.១០០រៀល (៤)នគរបាលជាតិចំនួន១.១៨៤.៥៧៧រៀល (៥) យោធិនចំនួន១.១១៤.៣៧៧រៀល (៦)មន្ត្រីជាប់កិច្ចសន្យាចំនួន៦៥០.០០០រៀល (៧)សមាជិកក្រុមប្រឹក្សារាជធានី ខេត្ត ចំនួន១.១៣៥.០០០រៀល (៨)សមាជិកក្រុមប្រឹក្សា ក្រុង ស្រុក ខណ្ឌ ចំនួន៩១០.០០០រៀល (៩)សមាជិកក្រុមប្រឹក្សាឃុំ សង្កាត់ ចំនួន៧៤០.០០០រៀល (១០)សមាជិកភូមិ ចំនួន២៥០.០០០រៀល។ នេះបើតាមបើតាមលើការឡើងរបស់លោក ក្រសួងមុខងារសាធារណៈ។
លោករដ្ឋមន្ត្រី ពេជ្រ ប៊ុនធិន បានបន្ថែមទៀតថា នៅក្នុងឆ្នាំ២០១៩កន្លងទៅ ក្រសួងក៏បានវាយតម្លៃ និងផ្តល់រង្វាន់ជូនអង្គភាពផ្តល់សេវា និងវិស័យសុខាភិបាលមួយចំនួនផងដែរ ដោយអង្គភាពជ័យលាភីបានទទួលបានថវិកាពីលានរៀល ដល់ពីររយលាន, បានចុះធ្វើអធិការកិច្ចនិងរកឃើញករណីបើកបៀវត្ស និងចាត់វិធានការឱ្យបង្វែរថវិកាចូលចំនួន៧.១៩៨.១៣៥.៥១៤រៀល, សាលាភូមិន្ទបានធ្វើការបណ្តុះបណ្តាលវគ្គវិក្រឹត្យការ ៩ខែ និងការបណ្តុះបណ្តាលសរុបចំនួន២.៧៤១នាក់ (ស្ត្រីស្មើនឹង៣៤.៥១%)»៕
(អត្ថបទពាណិជ្ជកម្ម)
Tag:
Ministry of Civil Servise Cambodia
© រក្សាសិទ្ធិដោយ thmeythmey.com
