អត្ថបទពាណិជ្ជកម្ម
អបអរសាទរ! ក្រុមតូច Small World Small Band ក្លាយជាទូតសុឆន្ទៈផ្លូវការរបស់ភេសជ្ជៈទឹកក្រូចអាយស៍កូឡា
05, Feb 2020 , 4:44 pm
×![]()
ដោយ: ថ្មីៗ
ភ្នំពេញ៖ ទឹកក្រូចអាយស៍កូឡា ដែលជាភេសជ្ជៈកំពុងទទួលបានការពេញនិយមច្រើន ក្នុងស្រទាប់យុវវ័យនាពេលបច្ចុប្បន្ន បានជ្រើសរើសក្រុមតូច Small World Small Band ជាទូតសុឆន្ទៈផ្លូវការ តំណាងភេសជ្ជៈរបស់ខ្លួន ចាប់ពីពេលនេះតទៅហើយ។
តារាចម្រៀងវ័យក្មេង សម្លេងពីរោះបែបមនោសញ្ចេតនា លោក ម៉ម ពេជ្ជរិទ្ធ បានបង្ហាញពី អារម្មណ៍ផ្ទាល់ខ្លួនថា៖ « ខ្ញុំពិតជាសប្បាយរីករាយ និងមានមោទកភាពណាស់ ដែលក្រុមតូចរបស់ពួកខ្ញុំ ត្រូវបានផ្តល់កិត្តយស និងទំនុកចិត្ត ដើម្បីផ្សព្វផ្សាយណែនាំ ពីរសជាតិដ៏ផ្អែមឆ្ងាញ់ និងផលិតឡើងដោយបច្ចេកវិទ្យាអាល្លឺម៉ង់ គ្រឿងផ្សំពីសហរដ្ឋអាមេរិករបស់ទឹកក្រូចអាយស៍កូឡា ទៅដល់ពលរដ្ឋកម្ពុជា ជាពិសេសដល់យុវវ័យ ដែលចូលចិត្តភាពសប្បាយរីករាយជាមួយតន្ត្រីរបស់ពួកយើងតែម្តង។ ហើយរូបខ្ញុំផ្ទាល់ ខ្ញុំចូលចិត្តញុំាអាយស៍កូឡាជាប្រចាំ រាល់ពេលអាហាររបស់ខ្ញុំ»។
វីដេអូ៖
រីឯតារាចម្រៀងស្រី មានក្តីស្រមៃខ្ពស់ ក្នុងក្រុមនេះដែរ កញ្ញា កេសរ ក៏បានលើកឡើងនូវការស្រមើស្រមៃមួយ ប្រកបដោយទឹកមុខសប្បាយរីករាយផងដែរថា៖«សាកស្រមៃមើល បើបងប្អូនទាំងអស់គ្នា ស្តាប់ចម្រៀងមនោសញ្ចេតនា លន្លង់លន្លោច ឬក៏កន្ត្រាក់អារម្មណ៍ ពីក្រុមតូចបណ្តើរ ហើយមានទឹកក្រូចអាយស៍កូឡាដ៏ត្រជាក់ នៅក្នុងដៃក្រេបបណ្តើរ ហ៊ោ បណ្តើរ លើកកំប៉ុងគ្រវីចុះឡើង ជាមួយចង្វាក់ភ្លេងរបស់យើង តើវាមិនកាន់តែសប្បាយរីករាយខ្លាំងឡើងទេឬយ៉ាងណា»?
លោកស្រី គង់ កុសល នាយិកាទីផ្សារក្រុមហ៊ុន ខ្មែរ ប៊ែវើរីជីស បានមានប្រសាសន៍ថា៖ « យើងសប្បាយចិត្តណាស់ ដែលក្រុមតូច Small World Small Band ចូលចិត្តរសជាតិទឹកក្រូច ដែលផលិតឡើងអនុលោមទៅតាមស្តង់ដារអន្តរជាតិ ហើយថែមទាំងស្ម័គ្រចិត្តណែនាំភេសជ្ជៈ ដែលមានទាំងគុណភាព និងរសជាតិផ្អែមឆ្ញាញ់នេះ ទៅពលរដ្ឋកម្ពុជា និងអ្នកគាំទ្ររបស់ខ្លួនថែមទៀត»។
លោកស្រីសង្ឃឹមផងដែរថា កិច្ចសហការរវាងក្រុមហ៊ុន ខ្មែរ ប៊ែវើរីជីស ជាមួយក្រុមតូច Small World Small Band នឹងនាំមកនូវភាពសប្បាយរីករាយកាន់តែច្រើនថែមទៀត ដល់អ្នកគាំទ្ររបស់ពួកគេ ក៏ដូចជាអ្នកនិយមពិសាទឹកក្រូចអាយស៍ផងដែរ។
គួរបញ្ជាក់ថា ក្រុមតូច Small World Small Band គឺជាក្រុមតារាចម្រៀង original ដែលមាន កេរ្តិ៍ឈ្មោះបោះសំឡេងខ្លាំង ក្នុងស្រទាប់យុវវ័យ ហើយបទចម្រៀងដែលល្បីៗរបស់ពួកគេរួមមានដូចជា«ចាប៉ីបុណ្យភូមិ»«ឆ្ងាយ» «ចង់ក្បែរ» «ជិត» «ស្នាមថើបដំបូង» «បើអាច» «រង់ចាំ»និងបទ«កុំខឹង»ជាដើម៕
(អត្ថបទពាណិជ្ជកម្ម)
Tag:
Khmer Beverage
© រក្សាសិទ្ធិដោយ thmeythmey.com
