(ភ្នំពេញ)៖ដោយមានទឹកចិត្តស្រលាញ់បរិស្ថាន និងចង់អភិរក្សព្រៃឈើឱ្យបានគង់វង្សយូរអង្វែង លោក នួន អក កាលពីពេលថ្មីៗកន្លងទៅ បានចូលរួមជួយឧបត្ថម្ភផ្លែបេង ចំនួន៣ម៉ឺនផ្លែ ដែលគិតជាថវិកាមានចំនួន៣លានរៀល ដើម្បីចូលរួមជួយក្នុងកម្មវិធី «ព្យាបាលដំបៅផែនដី២០២០» ដែលផ្តួចផ្តើមឡើងដោយ លោក Tan Kimsour។
លោក Tan Kimsour បានបញ្ជាក់នៅលើហ្វេសប៊ុករបស់ខ្លួនថា៖«មកគិតអំពីកិច្ចការបណ្តុះ និងដាំកូនឈើវិញម្តង។ ជម្រាបថ្លែងអំណរគុណ ដល់បងប្រុសជាទីគោរព នួន អក ដែលបានផ្តល់ផ្លែបេងចំនួន៣ម៉ឺនគ្រាប់ គិតជាថវិកាចំនួន៣លានរៀល ដើម្បីចូលរួមកម្មវិធី «ព្យាបាលដំបៅផែនដី២០២០» ជាមួយពួកយើង»។
តាមរយៈសំណេររបស់ លោក Tan Kimsour ដដែល ក្រុមរបស់លោកនៅខ្វះគ្រាប់ពូជនាងនួន ១ម៉ឺនគ្រាប់, ក្ងោក១ម៉ឺនគ្រាប់, ត្របែកព្រៃ ១ម៉ឺនគ្រាប់, លឿងរាជ ១ម៉ឺនគ្រាប់ និងដើមឈើផ្សេងៗទៀតដូចជា គ្រាប់ពូជថុង, បេង, សាគូរ៉ា,កកោះ,គគី, ឈើទាលជាដើម។
នាងនួន ១ម៉ឺនគ្រាប់, ក្ងោក១ម៉ឺនគ្រាប់, ត្របែកព្រៃ ១ម៉ឺនគ្រាប់, លឿងរាជ ១ម៉ឺនគ្រាប់ និងដើមឈើផ្សេងៗទៀតដូចជា គ្រាប់ពូជថុង, បេង,នាងនួន,ត្របែកព្រៃ,សាគូរ៉ា,កកោះ,គគី, ឈើទាល។
Facebook ផ្លូវការរបស់លោក Tan Kimsour បានឱ្យដឹងនៅព្រឹកថ្ងៃទី១០ ខែមីនា ឆ្នាំ២០២០ ទៀតថាសម្រាប់កម្មវិធី «ព្យាបាលដំបៅផែនដី២០២០» របស់លោកនៅខ្វះគ្រាប់ពូជ ថុង, បេង, នាងនួន, ត្របែកព្រៃ, សាគូរ៉ា, កកោះ, គគី, ឈើទាល ។
បងប្អូនដែលមានបំណងផ្តល់ជាគ្រាប់ពូជដើមឈើ សម្រាប់កម្មវិធី«ព្យាបាលដំបៅផែនដី២០២០» អាចផ្តលជូនតាមរយៈទំព័រហ្វេសប៊ុកផ្លូវការ របស់លោក Tan Kimsour ឈ្មោះថា «Tan Kimsour»៕
![](https://image.thmeythmey.com/pictures/2020/03/12/phot__1_.jpg)
![](https://image.thmeythmey.com/pictures/2020/03/12/phot__2_.jpg)
![](https://image.thmeythmey.com/pictures/2020/03/12/phot__3_.jpg)
![](https://image.thmeythmey.com/pictures/2020/03/12/12320201636thumbnail.jpg)
(អត្ថបទពាណិជ្ជកម្ម)