ជាតិ
CDC អនុម័តគម្រោងវិនិយោគផលិតសំបកកំប៉ុងនៅស្រុកកណ្តាលស្ទឹង និងកែច្នៃសារាយសមុទ្រនៅព្រៃនប់ 30, Aug 2020 , 9:59 pm
![](https://image.thmeythmey.com/pictures/2020/08/30/thumb2/front.png)
×![]()
ភ្នំពេញ៖ ក្រុមប្រឹក្សាអភិវឌ្ឍន៍កម្ពុជា(CDC) បានអនុម័តឱ្យក្រុមហ៊ុនចំនួនពីរ ដែលមានទុនវិនិយោគប្រមាណជាង៤២លានដុល្លារ លើការបង្កើតរោងចក្រ ផលិតសំបកកំប៉ុង-គម្របកំប៉ុង និងរោងចក្រកែច្នៃសារាយសមុទ្រ ដែលបានផ្ដល់ឱកាសការងារដល់ពលរដ្ឋជាង ៣០០កន្លែង។
បើតាមការផ្សាយរបស់ក្រុមប្រឹក្សាអភិវឌ្ឍន៍កម្ពុជា(CDC) នាថ្ងៃទី២៩ ខែសីហា ក្រុមហ៊ុនទាំងពីរ ដែល CDC បានចេញវិញ្ញាបនបត្រចុះបញ្ជីជាស្ថាពរ រួមមាន៖
១,ក្រុមហ៊ុន SHENGXING ZHONGGUO PHNOM PENH PACKAGING CO,LTD នឹងវិនិយោគក្នុងទំហំទឹកប្រាក់ប្រមាណ ៣៦,៥លានដុល្លារ លើការបង្កើតរោងចក្រផលិតសំបកកំប៉ុង និងគម្របកំប៉ុង ដែលស្ថិតនៅភូមិព្រៃទទឹងនិងភូមិដំណាក់ត្របែក ឃុំត្រពាំងវែង ស្រុកកណ្ដាលស្ទឹង ខេត្តកណ្ដាល។ គម្រោងបង្កើតរោងចក្រផលិតសំបកកំប៉ុងនេះ នឹងផ្ដល់ឱកាសការងារដល់ពលរដ្ឋបានចំនួន ១១២កន្លែង។
![](https://image.thmeythmey.com/pictures/2020/08/30/dc.jpg)
រូបភាពពី ក្រុមប្រឹក្សាអភិវឌ្ឍន៍កម្ពុជា (CDC)។
២, ក្រុមហ៊ុន BAOXINGLONG INTERNATIONAL IMPORT AND EXPORT CO,LTD នឹងវិនិយោគទុន ប្រមាណ ៦,៣លានដុល្លារ ដោយផ្ដល់ការងារដល់ពលរដ្ឋបាន ១៨៨កន្លែង លើការបង្កើតរោងចក្រកែច្នៃសារាយសមុទ្រ នៅភូមិព្រែកប្រស់ ឃុំទឹកថ្លា ស្រុកព្រៃនប់ ខេត្តព្រះសីហនុ៕
![](https://image.thmeythmey.com/pictures/2020/08/30/dc1.jpg)
រូបភាពពី ក្រុមប្រឹក្សាអភិវឌ្ឍន៍កម្ពុជា (CDC)។
Tag:
CDC
វិនិយោគ
ក្រុមហ៊ុន
© រក្សាសិទ្ធិដោយ thmeythmey.com