ជាតិ
សុខភាព
ជំងឺធ្លាក់ទឹកចិត្តមាន៣កម្រិត, តើអាចព្យាបាលជំងឺនេះជាសះស្បើយដោយប្រើវិធីណាក្នុងកម្រិតនីមួយៗ? 09, Sep 2020 , 8:29 pm
× ភ្នំពេញ៖ ជំងឺធ្លាក់ទឹកចិត្តមាន៣កម្រិត គឺកម្រិតស្រាល មធ្យម និងកម្រិតធ្ងន់ ហើយអ្នកជំងឺស្ថិតក្នុងកម្រិតមធ្យមនិងធ្ងន់ អាចមានអារម្មណ៍ចង់សម្លាប់ខ្លួនម្ដងម្កាល។ វេជ្ជបណ្ឌិតឯកទេសជំងឺផ្លូវចិត្ត ឈឹម សុធារ៉ា បានអះអាងថា ទោះបីជាជំងឺនេះ អាចសម្លាប់មនុស្សដោយមិនដឹងខ្លួនក៏ដោយ តែជំងឺនេះអាចព្យាបាលជា និងងាយព្យាបាលជាងជំងឺវេជ្ជសាស្ត្រមួយចំនួន។ តើអាចព្យាបាលជំងឺធ្លាក់ទឹកចិត្តឲ្យជាសះស្បើយដោយប្រើវិធីណាក្នុងកម្រិតនីមួយៗ?
ដើម្បីជ្រាបច្បាស់សូមអញ្ជើញលោក-អ្នកនាងទស្សនាបទសម្ភាសរវាងកញ្ញា អ៊ុត រស្មី ជាអ្នកសារព័ត៌មានថ្មីៗ ជាមួយវេជ្ជបណ្ឌិត ឈឹម សុធារ៉ា ឯកទេសជំងឺផ្លូវចិត្ត និងជានាយកប្រតិបត្តការអង្គការសង្គមអន្តរវប្បធម៌ ដូចតទៅ៖
បើតាមលោកវេជ្ជបណ្ឌិត ឈឹម សុធារ៉ា ជំងឺធ្លាក់ទឹកចិត្ត អាចព្យាបាលទៅតាមមូលហេតុ និងកម្រិតរបស់វា។ ក្នុងនោះបើសិន ស្ថិតក្នុងកម្រិតស្រាល អ្នកជំងឺអាចពិគ្រោះយោបល់ដោយមិនចាំបាច់ប្រើថ្នាំ រីឯកម្រិតមធ្យម និងធ្ងន់ ត្រូវព្យាបាលដោយប្រើថ្នាំ ហើយការព្យាបាលអាចមានរយៈពេល១ឆ្នាំ ឬ ២ទៅ៣ឆ្នាំ។
វេជ្ជបណ្ឌិតឯកទេសជំងឺផ្លូវចិត្តរូបនេះ បានណែនាំថា អ្នកជំងឺធ្លាក់ទឹកត្រូវហ៊ានរកការព្យាបាលជាមួយគ្រូពេទ្យជំនាញ ដោយកុំខ្មាសអៀន ព្រោះជំងឺនេះអាចព្យាបាលជា និងងាយព្យាបាលជាងជំងឺវេជ្ជសាស្ត្រមួយចំនួនដូចជាជំងឺទឹកនោមផ្អែម និងជំងឺលើសសម្ពាធឈាមជាដើម៕
Tag:
ជំងឺ
ធ្លាក់ទឹកចិត្ត
សុខភាព
© រក្សាសិទ្ធិដោយ thmeythmey.com