ពានរង្វាន់ដឹងគុណដល់អ្នកសារព័ត៌មាន៥ទសវត្សរ៍ ពីឆ្នាំ១៩៧០ដល់ឆ្នាំ២០១០

ជាតិ

ពានរង្វាន់ដឹងគុណដល់អ្នកសារព័ត៌មាន៥ទសវត្សរ៍ ពីឆ្នាំ១៩៧០ដល់ឆ្នាំ២០១០

08, Jan 2021 , 2:47 pm

រូបភាព

ដោយ: សារព័ត៌មានថ្មីៗ

ភ្នំពេញ៖ ក្រសួងព័ត៌មាន ផ្តួចផ្តើមគំនិតរៀបចំ«ពានរង្វាន់ដឹងគុណ» សម្រាប់អ្នកសារព័ត៌មានដែលបានចូលរួមចំណែកលើកកម្ពស់វិស័យសារព័ត៌មាននៅកម្ពុជាចន្លោះពីឆ្នាំ១៩៧០ ដល់ឆ្នាំ២០១០។ ពានរង្វាន់នេះ នឹងផ្តល់ជូនអ្នកសារព័ត៌មាន៥រូប ដែលស្ថិតបំពេញការងារក្នុងទសវត្សរ៍ផ្សេងៗគ្នា។

ចុចទីនេះដើម្បីទទួលបានព័ត៌មានរហ័ស

លោក គី សុខលីម ស្ថាបនិកសារព័ត៌មានថ្មីៗ និងលោក Liu Yuwei នាយកប្រតិបត្តិនៃសារព័ត៌មានត្នោត (TNAOT) នាព្រឹកថ្ងៃទី៨ ខែមករា បានទៅជួបពិភាក្សាជាមួយលោក ផុស សុវណ្ណ ប្រតិភូរដ្ឋាភិបាល និងជាអគ្គនាយកនៃអគ្គនាយកដ្ឋានព័ត៌មាន និងសោតទស្សន៍នៃក្រសួងព័ត៌មាន លើគម្រោងរៀបចំកម្មវិធីពានរង្វាន់នេះ។

លោក ផុស សុវណ្ណ បានលើកឡើងពីសារសំខាន់ចំពោះការដឹងគុណដល់អ្នកសារព័ត៌មានដែលបំពេញការងារប្រកបដោយវិជ្ជាជីវៈ។ លោកបានសំដែងការគាំទ្រចំពោះការចូលរួមគំនិតផ្តួចផ្តើមកម្មវិធីរៀបចំពានរង្វាន់ដឹងគុណដល់អ្នកសារព័ត៌មាននេះ ហើយលោកសុំយោបល់បន្ថែមទៀតពីលោក ខៀវ កាញារីទ្ធ រដ្ឋមន្ត្រីក្រសួងព័ត៌មាន។

បើតាមលោក គី សុខលីម ពានរង្វាន់ដឹងគុណចំពោះអ្នកសារព័ត៌មាននឹងរួមចំណែកលើកកម្ពស់វិស័យសារព័ត៌មាននៅកម្ពុជានេះ ជាពិសេសការដឹងគុណ និងលើកទឹកចិត្តសម្រាប់អ្នកសារព័ត៌មាន ស្ថិតនៅក្នុងឆ្នាំ១៩៧០, ១៩៨០, ១៩៩០, ២០០០ និងឆ្នាំ២០១០។

សារព័ត៌មានថ្មីៗ និងសារព័ត៌មានត្នោត នឹងជួយដល់ក្រសួងព័ត៌មានសម្រាប់ដំណើរការរៀបចំពានរង្វាន់ «ពានរង្វាន់ដឹងគុណដល់អ្នកសារព័ត៌មាន ៥ទសវត្សរ៍» ជាលើកដំបូងនេះ៕

លោក គី សុខលីម ស្ថាបនិកសារព័ត៌មានថ្មីៗ

លោកLiu Yuwei នាយកផ្នែកប្រតិបត្តិ នៃសារព័ត៌មានត្នោត

លោកផុស សុវណ្ណ អគ្គនាយកនៃអគ្គនាយកដ្ឋានព័ត៌មាននិងសោតទស្សន៍