ជាតិ
អ្នកស្រី ពុធ សុជា៖ កសិករគំរូ និងជាអ្នកបណ្តុះបណ្តាលជំនាញចិញ្ចឹមមាន់ស្រែនៅត្បូងឃ្មុំ 20, Feb 2021 , 1:59 pm
×
ដោយ៖ ជី ចំរ៉ុង
ត្បូងឃ្មុំ៖ អ្នកស្រី ពុធ សុជា ជាកសិករគំរូ និងគ្រូបណ្ដុះបណ្ដាលចិញ្ចឹមមាន់ស្រែដល់កសិករជាង៥០០នាក់ នៅភូមិត្រពាំងសង្កែរ ឃុំស្រឡប់ ស្រុកត្បូងឃ្មុំ ខេត្តត្បូងឃ្មុំ។ ក្នុងឆ្នាំ២០០៩ អ្នកស្រី មានបំណងចង់ចំណាកស្រុក តែក្រោយមក កសិកររូបនេះ បាន ទទួលការបណ្ដុះបណ្ដាលជំនាញចិញ្ចឹមមាន់ពីមន្ត្រីជំនាញនៃមន្ទីរកសិកម្មខេត្តត្បូងឃ្មុំ។ បន្ទាប់ពីទទួលបានបច្ចេកទេសពីមន្ត្រីជំនាញ និងស្វែងយល់ពីការចិញ្ចឹមមាន់ ដោយខ្លួនឯង អ្នកស្រី បានអភិវឌ្ឍន៍ខ្លួន ពីអ្នកចិញ្ចឹមមាន់ធម្មតា ទៅជាកសិករគំរូ និងជាអ្នកបណ្ដុះបណ្ដាលជំនាញចិញ្ចឹមមាន់។
អ្នកស្រីពុធ សុជា បានរៀបរាប់ដូច្នេះថា៖«វាមិនមែនងាយស្រួលឡើយ ដោយត្រូវឆ្លងកាត់បទពិសោធន៍ និងការសិក្សាដោយខ្លួនឯងនៃការចិញ្ចឹមមាន់ស្រែនេះ ទម្រាំទទួលលទ្ធផលល្អដូចសព្វថ្ងៃ»។ អ្នកស្រីបានផ្ដាំដល់កសិករទាំងអស់ ដែលចង់ក្លាយទៅជាកសិករគំរូ និងជាអ្នកបណ្ដុះបណ្ដាលត្រូវព្យាយាមអនុវត្តន៍ផ្ទាល់ៗ ជាពិសេសត្រូវចូលរួមអោយបានច្រើនជាមួយវគ្គបណ្ដុះបណ្ដាលផ្សេងៗ៕
ដើម្បីជ្រាបច្បាស់សូមអញ្ជើញលោក-អ្នកនាងទស្សនាបទសម្ភាសរវាង អ្នកស្រី ពុធ សុជា ជាកសិករគំរូនៅខេត្តត្បូងឃ្មុំ ជាមួយ លោក ជី ចំរ៉ុង អ្នកសារព័ត៌មាននៃសារព័ត៌មានថ្មីៗ២៥ ដូចតទៅ៖
© រក្សាសិទ្ធិដោយ thmeythmey.com